युगसम्बाद साप्ताहिक
Yugasambad Saptahik
Saturday, 11.25.2017, 11:16am (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
अन्तरर्वाता
 
असफताको जिम्मेवारी मैले मात्र किन लिने ? भावना घिमिरे
Tuesday, 03.15.2016, 02:10pm (GMT+5.5)

विश्व क्रिकेटमा पहिचान र स्तर कायम गर्दैअघि बढेको नेपाली क्रिकेटको नेतृत्वदायी संस्था नेपाल क्रिकेट संघ (क्यान)लाई निलम्बन गर्ने भनेर अन्तर्राष्ट्रिय क्रिकेट परिषद (आईसीसी) पत्र पठाएको छ । यतिबेला क्यानको जिम्मेवारी प्रमुख कार्यकारी अधिकृत भावना घिमिरेको काँधमा छ । यस्तो स्थितिमा नेपाली क्रिकेटले भावी चुनौतिको सामना कसरी गर्नेछ ? यस विषयमा घिमिरेसंग गरिएको कुराकानी प्रस्तुत छ–

० नेपाली क्रिकेटको पछिल्लो स्थिति चिन्ताजनक छ । यसको कारण र कारक के हो ?
यसका लागि कुनै एउटा मात्रै कारण छैन । अहिले देखिएको सबभन्दा ठूलो समस्या भनेको प्रशासनको हो । प्रशासनिक समस्या समाधान नभएसम्म केही पनि गर्न सकिंदैन । एउटाले गर्दा मात्रै यस्तो भएको भन्न मिल्दैन । 

० तपाईको कारणले पनि आइसीसीले निलम्बन पत्र काटेको भनिन्छ । तपाइले त्यस्तो के गर्नुभयो ? 
मलार्ई लाग्दैन कि मेरो कारणले गर्दा आइसीसी ले क्यान निलम्बन गर्ने भनेर पत्र पठायो । यो एउटा संयोग मात्र हुन सक्छ । मेरो कारणले त्यस्तो भयो भन्ने सुन्दा चाहिं मलाई अचम्म लागिरहेको छ । एउटा मान्छे कति शक्तिशाली हुन्छ र आइसीसी ले मेरै कारणले गर्दा निलम्बन पत्र पठायो भनेर मलाई लागिरहेको छ । मेरो कारणले भन्दा पनि आइसीसी ले पहिलादेखि नै क्यानलाई पत्राचार गरिरहेको नै हो, प्रशासनमा सुधार ल्याउनु भनिरहेकै हो । अव एकदिनको कारणले कसैलाई पनि मुल्याङ्कन गर्न मिल्दैन । मानौ तिमीले कुनै काम गलत गर्यौ भन्दैमा तिमीले काम गरेको संस्थाबाट निलम्बन हुन्छौ भन्ने हँुदैन । एउटा प्रमुख कार्यकारी अधिकृतले गर्दा मात्र समस्या हुने पनि होइन आइसीसी ले डेढ वर्ष अघिदेखि नै प्रशासनमा सुधार ल्याउनु भनिरहेको हो । 

० तर, तपाइलाई जुन कामको लागि ल्याइएको थियो त्यसमा सफल हुनुभयो त ?
मलाई दिएको जिम्मेवारी अनुसार म सफल भएकै छु । मलार्ई स्पोन्सर ल्याउनु भनिएको थियो । मैले स्पोन्सर पनि ल्याएकै हो । एनटीसीबाट  स्पोन्सर आएकै हो । अरू अरूबाट पनि स्पोन्सर आएकै हो । मैले आइसीसी – एसीसीसंग कम्युनिकेसन गरेकै हो । मैले प्लान प्रोग्रामहरू बनाएर बोर्डलाई बुझाएकै हो । मलाई दिएको जिम्मेवारी सबै पूरा गरेकै छु । 

० नेपाली क्रिकेटको क्रेज बढ्दै गएको बेला क्रिकेट क्रिकेट संघभित्र उत्पन्न विवादको कारण क्रिकेटको विकासको लागि हो कि व्यक्तिगत स्वार्थको टकराव मात्र हो ?
क्रिकेटको विकासको लागि नै विवाद भएको हो भने क्रिकेटको विकास नै हुनुपर्ने हो नि । कुनै प्रतियोगिता हुन सकिरहेको छैन । प्रशासन चल्न पाएकै छैन । नियमितजसो आयोजना गर्नुपर्ने प्रतियोगिताहरू पनि गर्न नसकिने स्थिति भएकाले यो विवाद क्रिकेटको विकासको लागि भनेर गरिएको म मान्दिन । यस विवादले नेपाली क्रिकेटको विकास रोकेको छ, हामी पछि परेका छौ । नेपालको जुन विश्वसनियता थियो त्यो पनि गुमाउँदै गएका छौ ।

० त्यसो भए यो भएको विवाद व्यक्तिगत स्वार्थको मात्र हो ?
मलाई थाहा छैन व्यक्तिगत स्वार्थको लागि हो कि कुनै समूहको लागि ? हाम्रो लक्ष्य भनेको क्रिकेटको विकास गर्ने हो । म बसेको भनेको क्रिकेटको विकासका लागि हो । म कोही व्यक्ति वा समूहका लागि काम गर्न बसेको होइन । यो जुन विवाद भइरहेको छ । अवश्य नै यसले नेपाली क्रिकेटलाई पछाडि धकेलेको छ ।

० तपाई क्रिकेट संघको प्रमुख कार्यकारी अधिकृत भएको नाताले नेपाली क्रिकेटको उचाइ घट्दै गएको जिम्मेवारी लिनुहुन्छ कि हुन्न ?
यसको जिम्मेवारी म लिन्न । किनकी मैले नेपाली क्रिकेटलाई उचाइमा नै राख्न खोजेको हो, राम्रो गर्न खोजेको हो  । व्यक्तिगत जिम्मेवारी लिन  सम्भव हुँदैन । मैले गर्दा आइसीसी ले निलम्बन गर्ने, मैले गर्दा कुनै टुर्नामेन्ट नहुने भन्ने हुँदैन । अहिले जुन समस्या हामीले भोगिरहेका छौं त्यो प्रशासनको कारणले गर्दा भैरहेको हो । यदि तपाई बोर्डमा हुनुहुन्छ भने तपाईलाई सिइओको काम कर्तव्य मन परेन भने नयाँ सिइओ नियुक्त गर्न सक्नुहुन्छ । तर अहिले कसैले पनि भन्न सक्नुहुन्न कि सिइओको कारणले गर्दा नै समस्या भइरहेको छ । यो व्यक्ति विशेषको भन्दा पनि सामूहिक काम हो । हामी सिस्टममा हिड्नुपर्छ । अव कुनै खेलमा पारस खड्काको टिम हार्याे भने यो त भन्न सकिदैन कि पारस खड्काले गर्दा टिम हार्याे । 

० आइसीसी र एसीसीले दिने रकम पनि रोकिएको छ । न त आन्तरिक प्रतियोगिता हुने न त कुनै लिग हुने ? खेलाडीहरू अलमलमा परिरहेका छन् । यसो हेर्दा अहिलेसम्म क्रिकेटको सफलता संघको गुरूयोजनाले नभै खेलाडीहरूको मिहेनतले मात्रै बढी राम्रो नतिजा आइरहेको छ भन्न सकिन्छ ?

खेलाडीको मात्र मिहेनेतले मात्र क्रिकेटको विकास भएको चाहि होइन  क्यानले पनि केही आफ्नो श्रोतहरू लगाको छ । अवश्य नै खेलाडीहरू एक्स्ट्रा डेडीकेट हुनुहुन्छ, मिहिनेती हुनुहुन्छ र उत्साहित हुनुहुन्छ । यो सबैको संयोजनले गर्दा नै  यो सम्भव भएको हो । तर यदि क्यान छैन, खेलाडी छ भने तपाइले टुर्नामेन्ट गर्न सक्नुहुन्न । हुनसक्छ खेलाडीले बढी मिहेनत गर्नु भयो तर यो सबैको मिहेनतले मात्र भएको हो ।

० खेलभित्र घुुुुसेको राजनीति र त्यो राजनीतिले उत्पन्न गरेको विकारको संक्रमण नेपाली क्रिकेटमा पर्न थालेको हो ?
राजनीतिले राम्रो पनि गर्छ र हुनु पनि पर्छ । तर त्यसले गर्दा चाँहि जे कामको लागि जुन उद्देश्यको लागि संस्था बनेको छ त्यसलाई असर गर्ने गरी कुनै पनि राजनीति हुनुहँदैन । मुख्य कुरा के हो भने राजनीति राम्रो नतिजाका लागि हुनुपर्छ ।

० क्यानका भावी योजना र लक्ष्यहरू के के छन् ?
क्यानको पाँचवर्षे कार्ययोजना मैले फ्लोरमै राखेको छु । तपाईहरूले डाउनलोड गरेर हेर्न सक्नुहुन्छ । हामीसंग धेरै भावी योजनाहरू छ । मुख्य कुरा अहिले जुन प्रशासनिक समस्या छ त्यो समाधान नभएसम्म केही काम हुन सक्दैन । मैले पाँचवटा रणनीतिक योजना बनाएर बुझाइसकेको छु ।

० नेपाली क्रिकेट विश्वमै परिचित भइसक्यो तर अहिलेसम्म एउटा सुविधा सम्पन्न रंगशाला छैन । यस विषयमा के भन्नुहुन्छ ?
बन्न सकेको छैन तर कीर्तिपुर खेलमैदान निर्माणको क्रममा छ । त्यो बनिसकेपछि चाहिं हामीसँग अन्तर्राष्ट्रिय स्तरको खेलमैदान हुन्छ । अरू विकास गर्दै लैजानुपर्छ । यो एउटा व्यक्तिले मात्र गरेर हुने काम होइन सबैले गरेर हुने कुरा हो । यसमा सरकारले पनि सहभागिता देखाउनुपर्ने हुन्छ । संस्था पनि आफैमा बलियो हुनुपर्छ । 

० आइसीसीले क्यानमा यस्तै विवाद भइरहने हो भने अव बैसाखमा वल्र्ड क्रिकेट लिग डिभिजनमा नेपालले नामिविया खेल्न नपाउने भनिएको छ यसलाई कसरी हेर्नुहुन्छ ? 
यो समस्या भनेको क्यानको संरचनात्मक समस्या हो । अहिले क्यानको संरचना हेर्नुभयो भने प्यारालाइज्ड भएको अवस्था छ । बोर्डमा समस्या आउन थाल्यो बैंक खाता रोक्का भएको छ । चार महिना भैसक्यो तलब नपाएको । सबै प्रशासनिक कामहरू ठप्प छन् । 
खेलाडी छनोटदेखि लिएर खेलाडीलाई क्याम्पमा राख्ने जस्ता विभिन्न कामहरू गर्नुपर्ने हुन्छ तर पैसा छैन । यस्तो अवस्था केही गर्न सकिदैन । क्यानको बोर्डमा सेन्टरलाइज पावर छ त्यसले गर्दा प्रशासन चल्न सक्दैन । यस्तै कारणहरूले गर्दा आइसीसीले चासो देखाएको हुनसक्छ । म पनि चाहन्छु नेपालमा टुर्नामेन्ट होस् तर अहिलेको सन्दर्भमा निकै नै गार्हो छ । 

० एक सन्दर्भमा कप्तान पारस खड्काले नेपाली क्रिकेटको विकासको लागी आइसीसी र एसीसीको भर पर्नु पर्दैन भनेका थिए । यस विषयमा तपाइको धारणा के छ ?
सबैको आफ्नो आफ्नो धारणा हुन्छ । अरूको धारणालाई म सही गलत भन्न चाहान्न तर म क्यानको प्रमुख कार्यकारी अधिकृत भएको नाताले के भन्न चाहान्छु भने अन्तर्राष्ट्रिय खेलहरूमा जानका लागि हामीले आइसीसी र एसीसीलाई समर्थन गर्नुपर्छ । जति पनि नेपालमा क्रिकेटको क्रेज बढिरहेको छ, त्यसमा विदेशमै भएको प्रतिस्पर्धामा जित हासिल गरेको नतिजा हो ।

० आइसीसीको निलम्बन पत्रबारे के भन्न चाहनुहुन्छ ? 
म मिडियामार्फत केही पनि भन्दिन । भन्नु पर्याे भने म आफै सिधै भन्छु । उनीहरूले पनि आफ्नो काम गरिरहेका छन् हामीले सदस्य भएर आफ्नो काम राम्रोसँग गरिरहेका छैनौं । हामीलाई चेक गर्ने उनीहरूको अधिकारको कुरा हो ।
(नेपाल जापानबाट)


Rating (Votes: )   
Share     Print


Other Articles:
कहिले चिनियाँ कार्डे, कहिले भारतीय कार्ड प्रयोग गर्ने मानसिकता हामी मुक्त हुनुपर्छ (02.18.2016)
पुनःनिर्माण भनेको भौतिक मात्र होइन, आर्थिक पनि हो - सुशील ज्ञवाली, पुननिर्माण प्राधिकरण (01.05.2016)
सरकार मधेश आन्दोलनप्रति एकदम सम्वेदनशील छ : उपप्रधानमन्त्री विजय कुमार गच्छदार (11.10.2015)
यसपटक महिला राष्ट्रपति पाउला अमेरिकाले ? (09.01.2015)
अहिलेकै संसदीय प्रणालीमा जाने हो भने देशले कहिल्यै स्थिर सरकार पाउँदैन (08.04.2015)
विपतलाई पीडापछिको परिवर्तन गर्ने अवसर पनि भनिन्छ (05.27.2015)
संविधानसभा छोडेर कोही पनि जाँदैन ः अर्थमन्त्री डा. रामशरण महत (04.07.2015)
पार्टीभित्र संसदमा जस्तै बहुमतले अल्पमतलाई पेल्न खोज्यो (03.31.2015)
हामीसंग चाहिं सहमति गर्नुपर्दैन ? (03.17.2015)
विद्यार्थीको काम टायर बाल्ने र बन्द हड्ताल गर्ने मात्र हैन (11.11.2014)
पुष्प व्यवसाय विदेशी मुदा आर्जन गर्ने दरिलो माध्यम हो – कुमार कसजु श्रेष्ठ (10.21.2014)
त्यसबेला हामी लण्डनमा बसेर नेपालमा आगो बाल्छौं (09.23.2014)
विद्यार्थीको नेतृत्व खास विद्यार्थीले नै गर्नुपर्छ : शुभराम बस्नेत (09.09.2014)
हामीले कर नतिर्ने भनेका छैनौं - ज्ञानु गजमेर (09.02.2014)
बायोमेट्रिक प्रणाली संचालन गर्दा वैदेशिक रोजगारी अरु भरपर्दो हुन्छ (08.13.2014)
अहिले नेपाललाई बिजुली, १० वर्षपछि नेपालबाट बिजुली : मोदी (08.04.2014)
संविधानमै बजेट ल्याउने तिथि निर्धारण गरिनुपर्छ (07.09.2014)
बहुमत प्रतिनिधि नेतृत्व हस्तान्तरणको पक्षमा (07.02.2014)
माधव र केपी दुबै सम्पूर्णता हैनन् (06.09.2014)
संसदीय सुनुवाईमा प्रस्तावित न्यायाधीशहरुले के भने (05.26.2014)



 
::| Latest News

 
[Page Top]