युगसम्बाद साप्ताहिक
Yugasambad Saptahik
Saturday, 11.25.2017, 11:16am (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
अन्तरर्वाता
 
“पर्यटकलाई नेपाली स्वागत शैली बेच्ने हो”- भवन भट्ट, उपाध्यक्ष एनआरएनए
Tuesday, 06.21.2016, 11:39am (GMT+5.5)

० एनआरएनएले भर्खरै सुरु गरेको अतिथि देवो भवः अभियान कस्तो अभियान हो ?
नेपाल सरकारको सिधा सम्पर्क ३३ राष्ट्रमा मात्र रहे पनि हाम्रो सम्पर्क ७५ वटा राष्ट्रमा छ । त्यहाँ एनआरएनएको एनसिसि (नेशनल कोडनेशन काउन्सिल) छ । हामीले राष्ट्रको आर्थिक उत्थानका लागि तत्काल कुनै ठूलो उद्योग खोल्नका लागि राम्रो पूर्वाधार विकास गर्नुपर्ने हुन्छ । तर पर्यटन भनेको यति छिटो विकास हुने क्षेत्र हो कि हामीसँग धेरै राष्ट्रिय धरोहरहरु, प्राकृतिक, सांस्कृतिक आदि सम्पदाहरु छन् । त्यसैले तत्काललाई यो अभियान चलाएका हौं । 

नेपाल विश्वमै पर्यटकिय क्षेत्रका लागि चिनिएको राष्ट्र हो । यसलाई अझ व्यापकसँग प्रचार–प्रसार गर्दै छिटोभन्दा छिटो विदेशी मुद्रा आर्जन गर्न सक्यो भने यसले देशको विकास छिटो हुन्छ । सबैलाई थाहै छ हामी विदेशमा बसेर पनि राष्ट्रका लागि केही गर्न सकिन्छ भन्ने उद्देश्यले निरन्तर लागि रहेका छौं । त्यसको सबैभन्दा ठूलो एजेन्डा त्यसको जिम्मा मैले लिएको छु । टिपिएन प्रमोशन नेपाल भन्ने कमिटिको अध्यक्ष अहिले म छु । 

० यो अभियानको लक्ष्य के हो ?
नेपालमा हामीले एक्लै एक्लै काम गर्नुभन्दा विदेशमा बस्ने पनि हामी देशवासी नै हौ । त्यो पूर्वाधारको सरकारले प्रयोग गरोस् अथवा सरकारले हामीलाई काम गर्दा सुविधा देओस् । त्यसका लागि हामीले एउटा सम्झौता ज्ञापन पत्रमा हस्ताक्षर गरौं भनेर सरकारसँग प्रस्ताव गरेका थियौं । पर्यटक भित्र्याउने नयाँ अभियान सुरु भएको छ । सन् २०१७ को अन्तिमसम्ममा अहिलेको ८ लाख पर्यटक संख्या भन्दा दोब्बर १६ लाख पर्यटक पुर्याउने हाम्रो लक्ष्य छ । 

० यो नयाँ अभियानमा एनआरएनएको भूमिका कस्तो रहन्छ ?
हामी प्रत्येक देशमा छौँ । अहिले भूटानले पर्यटन क्षेत्रमा यति ठूलो र राम्रो विकास गरेको छ । फ्रन्समा अहिले सबैभन्दा बढी पर्यटक (वर्षको करिब ८ करोड) जाने गर्दछन् । यो अतिथि देवो भवः को अवधारणा मैले नेपालमा पनि पर्यटनको सम्भावना वृहत छ भनेर ल्याएको हुँ । 

नेपालको पर्यटन क्षेत्रलाई कसरी सहयोग गर्न सकिन्छ भने एनसिसि अहिले विश्वभर नै छ । प्रत्येक एनसिसिले नेपाल महोत्सव भनेर एक वर्षमा विभिन्न कार्यक्रम गरेर नेपाल चिनाउन सहयोग गर्दछन् । राष्ट्रलाई चिनाउन बिनामूल्य नै हामी प्रचार–प्रसार गर्दछौँ । र यसमा मेरो मुख्य भूमिका के छ भने हामी ५० लाख नेपाली विदेशमा छौं । त्यसमा ‘तीन जना साथी घर पठाउँ’ भन्ने नारा सुरु गरेका छौँ । यसमा एक जनाले अपिल गर्याे भने ५० लाखमा कम्तिमा एक लाखले मात्र पनि यसमा भाग लिनुभयो भने नेपालको पर्यटन क्षेत्रलाई यसले ठूलो योगदान पुर्याउने छ । 

अब संसारमा हामीलाई पैसा दिनुहोस्, लगानी गर्नुहोस् भनेर होइन कि तपाई नेपाल गइदिनुहोस् भनेर प्रमोट गर्नुपर्दछ । त्यसैले भनेकै आधारमा उहाँहरु नेपाल आउनु हुन्छ । हिजो पनि त्यो काम हामीहरुले गरेका थियौँ । तर (एडिभी)ले के गर्छ भने विदेशीहरु सुरक्षित हुन चाहन्छन् । त्यसका लागि विभिन्न सेवा सुविधा, भौतिक पूर्वाधार यी सबै विषयलाई प्रमुख एजेन्डा बनाएर यसलाई दिगो रुपमा पर्यटन क्षेत्रको विकासलाई अगाडि बढाउनका लागि यो सबै काम गरेका छौँ । 

० पर्यटकका लागि नेपालमा भौतिक पूर्वाधारको अवस्था कमजोर छ । यस्तो अवस्थामा त  गाह्रो होला नि ?
हिजो पनि सबैले त्यही नै भन्थे । टुरिष्ट आउँछन्, कहाँ बस्छन् यी कुरातिर हामी नलागौँ । टुरिष्टको संख्या बढ्दै भयो भने नागरिकहरुले नै यस विषयमा सोच्छन् । 

हाम्रो काम के हो भने टुरिष्ट नेपालमा आएर चाहे टेन्टमा बसुन् चाहे त्यो गाउँघरमा गएर बसुन्, परालको छाप्रामा बसुन् जहाँ जसरी बसुन् त्यसका लागि हामीले उनीहरुलाई खुशी पार्नुपर्दछ । के भनौँ भने नेपालमा सबै राम्रो सेवा सुविधा छैनन् होला तर हाम्रो प्राकृतिक सौन्दर्य धेरै राम्रो छ । उनीहरुलाई त्यसैमा आकर्षित गर्ने हो अनि हाम्रो आतिथ्य बेच्ने हो । भौतिक पूर्वाधार भन्दा पनि हामीले आतिथ्यलाई जोड दिनुपर्दछ । भूकम्पको समयमा एक ब्रिटिसले के भन्नुभएको थियो भने, “जहाँ एउटी आमा आफ्नो घर सबै भत्केको छ, फर्कने बेलामा चिया खाएर जाउ बाबु भन्नु भएछ ।” 

हाम्रो देश आतिथ्यको देश हो । हाम्रो घरमा कोही पाहुना आउनुभयो भने बरु हामी कम खाउँला तर आनन्द र सन्तुष्ट भने हामी पाहुनालाई बनाउँछौ । हाम्रो यस्तो देश हो । यसलाई हामी विश्वव्यापी बिक्री गरौं । ‘ह्याप्पीनेस कन्ट्री’ भनेर भूटानले सेल गरेको छ । आतिथ्यको देश भनेर हामी सेल गरौं । हाम्रो पूर्वाधार भनेको आतिथ्य नै हो । त्यसलाई हामीले स्विकार गर्नुपर्दछ ।

० विगतदेखि अहिलेसम्म अन्तर्राष्ट्रिय ठूला मञ्चहरुमा नेपालको पर्यटन सम्बन्धी विषय र मुद्दाहरु कतिको उठ्ने गरेको छ ?
यी मुद्दाहरु त्यस्ता मञ्चहरुमा नउठेको कारणले नै उठाउनका लागि यो अभियान मैले सुरु गरेको हो । यसमा मिडियादेखि सबै क्षेत्रका साथीहरुको त्यत्तिकै महत्वपूर्ण भूमिका रहन्छ । यसमा सबै भन्दा ठूलो मैले देखेको भोलि हामीहरुले अन्तर्राष्ट्रियस्तरबाट पर्यटक नेपाल पठाउँछौ । तपाईहरु यहाँ जो जस्तो विदेशी देख्नुहुन्छ उनीहरुलाई हात जोडेर मुसुक्क हाँस्दै नमस्कार मात्रै गरिदिनुहोस् । एउटा विदेशी दायाँ फर्के पनि बायाँ फर्के पनि नमस्कार पाउँने भएपछि उनीहरुले भन्नेछन्, नेपालमा बत्ति पनि थिएन, पानी लगायत धेरै चिज थिएन तर सबैको अनुहारमा हाँसो र सत्कार भने पाइन्छ । 

यस्तो भयो भने सम्पूर्ण नेपालीका लागि राम्रो हुनेछ । आज संसार नै पर्यटनले बनिरहँदा हामी यति पछाडी परेका छौ । इन्डियाले टुरिजमलाई प्रमोशन गरेको छ तर अगाडी बढाउन सकेको छैन । हामी जहिले पनि इन्डियाको पाइला टेकेर गएको हुनाले हाम्रो पर्यटन क्षेत्र माथि उठ्न सकेको छैन । अब नेपाललाई अरु क्षेत्रमा भन्दा पनि पर्यटन क्षेत्रमार्फत सशक्त बनाउन जरुरी छ ।

अहिले हामीले सबै संसारलाई देखाउनुपर्ने भएको हुनाले “नेपाल आएको मानिसलाई खुशी बनाएर पठायौं भने उसले नेपाल लिएर जान्छ” भन्ने एजेन्डा नै हामीले राखेका छौँ । नेपाललाई सबैका लागि होम्ली नेपाल बनाउँनु पर्दछ ।

० जे भने पनि तपाईंहरुले लिनभएको लक्ष्य अनुसारको पर्यटककाा लागि पूर्वाधार छ छैन नि ?
आवश्यकता भएपछि नै आविष्कारको जन्म हुन्छ । त्यसैले सबैभन्दा पहिले जति सक्यो धेरै पर्यटकलाई नेपाल भित्र्याउने कोशिस गरौँ अन्य पूर्वाधार विकासका कामहरु विस्तारै हँुदै गर्छन् । 

० अहिले पर्यटकका लागि मुख्य गन्तव्य भनेको काठ्माडौं, पोखरा र लुम्बिनी छ । यो केन्द्रीकृत पर्यटन क्षेत्रलाई कसरी विकेन्द्रीकरण गर्न सकिन्छ ?
यसका लागि त अपिल नै हो । नेपालमा पर्यटनको राम्रो संभावना भएका क्षेत्रमा पनि प्रमोट गर्न सकिएको छैन । सूदुरपश्चिमाञ्चल क्षेत्रमा धेरै राम्रा पर्यटकियस्थल भए पनि अहिलेसम्म कुनै विकास हुन सकेको छैन । 

उसो त काठमाडौं साघुँरो भएका कारण पनि कतिलाई मन पर्दैन । तर पर्यटकहरुलाई काठमाडौं आउनै पर्ने बाध्यता हुन्छ । यदि पोखरा, भैरवा वा अन्य स्थानमा अन्तर्राष्ट्रिय एयरपोर्ट बनाइदियो भने उनीहरु सिधैं त्यही जान्छन् र त्यहाँबाट घुमेर फर्कन्छन् । त्यसरी नै विस्तारै विकेन्द्रीकरण आफै हुदैँ जाने हो । यस्ता चिज कालान्तरमा विकास हुँदै जाने चिज हुन् ।

० अतिथि देवो भवः को सुरुवात र प्रचार विस्तारै हुँदैछ । अहिले तपाईले कस्तो प्रतिक्रिया पाइरहनु भएको छ ?
पहिलो दिनमा हामीहरुले अफर राख्ने बित्तिकै मन्त्रीदेखि सचिवसम्मले यसको राम्रो भनेर प्रसंशा गर्नुभयो । त्यसैले हामीले अभ्यास गरेको दुई महिना भित्रमै सम्झौता ज्ञापन पत्रमा हस्ताक्षर गर्याैँ । 

यो बाध्यता पनि छ । नेपालमा अहिले विदेशी मुद्रा भित्र्याउने भनेको के छ ? अहिलेको समयमा उद्योगको स्थापना गर्ने हो भने धेरै कच्चा पदार्थ इन्डियाबाट ल्याउनुपर्ने हुन्छ । कहिले काँही नाकाबन्द गरिदिन्छ यहाँ हाहाकार बन्छ । पैंसा तिर्न सकिएन भने उद्योग नै बन्द हुन्छ । यस्तो अवस्थामा हामीले अन्तर्राष्ट्रियस्तरमा प्रतिस्पर्धा गर्न सक्दैनौं । बाटो बन्द गर्नु, उद्योग बन्द गर्नु भनेको राष्ट्रलाई घात गर्नु हो ।

त्यसैले पर्यटनले छोटो इमेज र म्यासेज देओस् भन्ने हाम्रो चाहाना पनि हो । कार्यक्रमको पहिलो दिनमै खादा निर्यात गर्नुपर्ने वस्तु थियो तर हामीले ढाकाको खादा लगायौँ । हामीले राष्ट्रिय उत्पादनलाई जोड दिनुपर्दछ । अहिले तत्कालका लागि देशको यो परिस्थितिमा हामीले एउटै विषयलाई राष्ट्रिय एजेन्डा बनाएर अगाडी बढ्नु पर्दछ । त्यो मुद्दा भनेको गाउँ, टोल, शहर, जिल्ला, गोष्ठी लगायत सबै क्षेत्रबाट अहिले पर्यटनको मुद्दा उठाउन आवश्यक छ ।

पर्यटनको क्षेत्रमा अब हामी केन्द्रीत भएर लागौँ । अन्तर्राष्ट्रिय राजनीतिमा हामी पर्यटनमार्फत प्रवेश गरौँ ।

० अन्त्यमा केही भन्न चाहानु हुन्छ ?
तपाईहरु पनि मिडिया पार्टनर बन्नुहोस् । यो अभियान सफल बनाउन यसरी नै सुरु भएको छ । देशको विकासका लागि आयस्रोत जुटाउने भनेको अहिले पर्यटन क्षेत्र हो भन्ने भन्दै सबैलाई अगाडी बढाउन सबैले सबैलाई आह्वान गर्नुहोस् । 
यसमा हामीहरुलाई पनि प्रतिक्रिया दिदैं गर्नुहोस् । सरकारसँग सम्झौता ज्ञापन पत्रमा हस्ताक्षर भएको कारणले गर्दा हामीलाई सल्लाह सुझाव पनि दिनुहोस् । चेतना पनि नागरिकसम्म पुर्याउन सक्यौँ भने यसले सहि मोड दिनेछ भन्ने मलाई विश्वास छ । यसबाट नेपाल र नेपाली छिट्टै समृद्धिको बोटोमा अगाडी बढ्नेछौँ ।


Rating (Votes: )   
Share     Print


Other Articles:
मानिसले तोडफोड गर्ने र सिध्याउने काम मात्र गर्यो - विक्रम पाँडेकाजी (05.17.2016)
नेपाल बुद्धको जन्मभूमि, व्यवहारिक र आध्यात्मिक थलो हो : पर्यटन मन्त्री पोख्रेल (04.12.2016)
नेपाललाई चीनले समुद्रसम्म जान दिनैपर्छ : रविन्द्र अधिकारी सभापति विकास समिति (03.29.2016)
असफताको जिम्मेवारी मैले मात्र किन लिने ? भावना घिमिरे (03.15.2016)
कहिले चिनियाँ कार्डे, कहिले भारतीय कार्ड प्रयोग गर्ने मानसिकता हामी मुक्त हुनुपर्छ (02.18.2016)
पुनःनिर्माण भनेको भौतिक मात्र होइन, आर्थिक पनि हो - सुशील ज्ञवाली, पुननिर्माण प्राधिकरण (01.05.2016)
सरकार मधेश आन्दोलनप्रति एकदम सम्वेदनशील छ : उपप्रधानमन्त्री विजय कुमार गच्छदार (11.10.2015)
यसपटक महिला राष्ट्रपति पाउला अमेरिकाले ? (09.01.2015)
अहिलेकै संसदीय प्रणालीमा जाने हो भने देशले कहिल्यै स्थिर सरकार पाउँदैन (08.04.2015)
विपतलाई पीडापछिको परिवर्तन गर्ने अवसर पनि भनिन्छ (05.27.2015)
संविधानसभा छोडेर कोही पनि जाँदैन ः अर्थमन्त्री डा. रामशरण महत (04.07.2015)
पार्टीभित्र संसदमा जस्तै बहुमतले अल्पमतलाई पेल्न खोज्यो (03.31.2015)
हामीसंग चाहिं सहमति गर्नुपर्दैन ? (03.17.2015)
विद्यार्थीको काम टायर बाल्ने र बन्द हड्ताल गर्ने मात्र हैन (11.11.2014)
पुष्प व्यवसाय विदेशी मुदा आर्जन गर्ने दरिलो माध्यम हो – कुमार कसजु श्रेष्ठ (10.21.2014)
त्यसबेला हामी लण्डनमा बसेर नेपालमा आगो बाल्छौं (09.23.2014)
विद्यार्थीको नेतृत्व खास विद्यार्थीले नै गर्नुपर्छ : शुभराम बस्नेत (09.09.2014)
हामीले कर नतिर्ने भनेका छैनौं - ज्ञानु गजमेर (09.02.2014)
बायोमेट्रिक प्रणाली संचालन गर्दा वैदेशिक रोजगारी अरु भरपर्दो हुन्छ (08.13.2014)
अहिले नेपाललाई बिजुली, १० वर्षपछि नेपालबाट बिजुली : मोदी (08.04.2014)



 
::| Latest News

 
[Page Top]