युगसम्बाद साप्ताहिक
Yugasambad Saptahik
Monday, 07.23.2018, 05:04pm (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
अन्तरर्वाता
 
जनताले अग्रभागमा रहेका नेता को कस्ता भनेर चिनिसकेका छन्- विष्णु पौडेल
Tuesday, 04.24.2018, 01:17pm (GMT+5.5)

० सबै कुरा मिलेर पनि एकीकरण जटिल बन्नुको खास कारण के हो ?
तपाईको प्रश्न जस्तै ठ्याक्कै त्यस्तो होइन । चुनावका बेला पनि अब सहमति नहुने भयो भत्कियो भन्ने भएपछि अब एकपटक अन्तिम कोशिस गरौं भनेर दशैंको टीका लगाउने अघिल्लो साँझ दुईजना अध्यक्षलाई भेटाएका थियौं । चुनावमा मिलेर जाने भनेर त्यो दिन सहमति भयो । त्यो दिन दुई नेताका बीचमा लिखित सहमति भएको हो, तर त्यसलाई हामीले बाहिर ल्याएनौं । तर अब लुकाइरहनु परेन कि त्यो लिखित सहमतिमा चुनाव चिन्ह सूर्य लिएर लड्ने र पार्टी एकता गर्ने भन्ने उल्लेख गरिएको थियो । दुवै अध्यक्षले हस्ताक्षर गर्नुभएको थियो ।
त्यसपछि असोज १७ गतेसम्म हामी त्यही सहमति कार्यन्वयन गर्न लाग्यौं, तर यसबीचमा कठिनाइ आए । सूर्य चिन्ह लिने सहमतिबाट कमरेड प्रचण्ड पछि हट्नुभयो । यद्यपि उहाँले सूर्य चिन्हबाट चुनाव लड्ने सहमतिबाट पछि हट्नुका केही कारण बताए पनि ती कारणमा पत्याउने आधार थिएनन् । तर हामी पछि नयाँ सहमतिसहित चुनावमा गयौं । चुनावमा मिल्ने सहमति पनि ओभरनाइट सहजै भएको थिएन, धेरै अभ्यासहरु भएका थिए ।

यसपटक हामीले पार्टी एकता गर्ने भनेर जनताबीच गरेको साझा प्रतिवद्धता हो । पार्टी एकता नगर्ने थियो भने त्यहीबेला भन्नुपथ्र्यो । गर्ने भनेपछि पछि हट्ने वा टार्ने कुरा हुँदैन । यसमा कुनै इफ, बट, किन्तु, परन्तु, तापनि कुनै कुरा भनेर भाग्न पाइँदैन ।

० लेनिन जयन्ती र कम्युनिष्ट पार्टी स्थापना दिवसका दिन वैशाख ९ गते एकीकरण गर्ने भनेर पटकपटक गरिएका निर्णय त लागू भएनन् नि ? 
नौ गते नहुनुपर्ने कुनै कारण मैले देखेको थिइँन । म आफैं पनि अचम्मित छु । म मेरो अध्यक्ष कमरेड केपी शर्मा ओलीलाई र माओवादी अध्यक्ष कमरेड प्रचण्डलाई सोध्न चाहन्छु– एकता गर्ने हो कि होइन ? एकता गर्ने सार्वजनिक प्रतिवद्धताबाट तपाईहरु पछि हटेको हो कि होइन ? यसको जवाफ तपाईहरुले दिनुपर्छ ।

अहिले एकता नगर्नुपर्ने कुनै कारण छैन । मुख्य मुद्दामा टुंगो भइसकेको छ । सिद्धान्तमा, विचारमा वा नीतिमा कुनै समस्या छैन । संगठनात्मक सन्दर्भमा पनि मुख्य कुरा दुवैजना अध्यक्ष रहने, पालोपालो अध्यक्ष हुने सहमति भएको छ । अब एकताबाट पछि हट्नुपर्ने कारण देखिन्न ।

० दुवैजना अध्यक्ष रहने भनिए पनि ओली प्रधानमन्त्री भएकाले प्रचण्डले कार्यकारी भूमिका पाउनुपर्ने भन्ने आयो नि ?
यो चाहिँ एउटा सहमति गर्ने, त्यसपछि अर्को शर्त अघि सार्ने तरिकाले एकता प्रक्रिया सहजरुपमा अघि बढ्न गाह्रो हुन्छ । मेरो भनाइ के हो भने, दुई अध्यक्ष समान हैसियतमा रहने, पालोपालो अध्यक्षता गर्ने भनेपछि समान हैसियत भइगो, यसमा को कार्यकारी र को सेरेमोनियल भन्ने प्रश्नै छैन । 

० तपाईहरुले प्रचण्डलाई विश्वासमा लिन नसकेको वा आश्वस्त पार्न नसकेको देखियो । प्रचण्ड अहिल्यै ओलीको कार्यशैलीबाट डराएका छन्, कम्तीमा साढे दुई वर्षपछि प्रधानमन्त्री र महाधिवेशनपछि अध्यक्षको लिखित सहमति वा ग्यारेन्टी नभएसम्म एकीकरण नहुने देखियो नि होइन ?

प्रधानमन्त्रीका सन्दर्भमा त स्वयं कमरेड प्रचण्डले भन्नुभएको छ– केपी ओली यो कार्यकालका लागि प्रधानमन्त्री रहनुहुन्छ, ५ वर्ष नै रहनुहुन्छ, बीचमा हेरफेर हुँदैन भनेर भनिसक्नुभएको छ । मिडियाबाटै हामीले यो प्रश्नको जवाफ पाएका छौं । त्यसैले प्रधानमन्त्री उहाँले बीचमा मागेको भन्ने कुरा मलाई पत्यार लाग्दैन ।

जहाँसम्म अध्यक्षको प्रश्न हो, महाधिवेशनबाट टुंगो लगाउने विषयमा कुनै एक व्यक्तिले फलानो अध्यक्ष हुनुहुन्छ भनेर लिखित वा मौखिक सहमति गर्न मिल्छ र ? भोलि आयोजना हुने महाधिवेशनको अधिकार कुनै एउटा व्यक्तिले खोसेर लिन पाउँछ ?
एमाले अध्यक्ष केपी ओलीले (महाधिवशेनपछि) म तपाईलाई अध्यक्ष बनाउँछु भनेर कुनै लिखित वा मौखिकरुपमा प्रचण्डलाई भन्न सक्न्नुहुन्छ ? अथवा प्रचण्डले त्यो कुरा भन्न सक्नुहुन्छ ? उहाँहरुले बढीमा के भन्न सक्नुहुन्छ भने– म अध्यक्षमा उठ्दिनँ, महाधिवेशनमा तपाईलाई सघाउँछु भन्न सक्नुहुन्छ । अहिल्यै तपाई अध्यक्ष भनेर कसैले लिखित वा मौखिक रुपमा दिन मिल्दैन । केपी ओलीले अहिले नै प्रचण्डलाई अध्यक्ष बनाउने कुरा लेखेर दिने वा ग्यारेन्टी गर्ने भन्ने हुन्न ।

० प्रचण्डको अडान चाहिँ यी दुई कुराको ग्यारेन्टीसहित पार्टीमा ५०।५० को हैसियत हुनुपर्छ अनि जनयुद्ध एमालेले स्वीकार गर्नुपर्छ भन्ने आयो नि ? यो नभए अर्को स्टेप लिन पनि सक्ने मान्छे हुँ भनेर उहाँले पछि फर्किने संकेत दिनुभएको हो ?
त्यो त को कस्ता हौं भन्ने हामी सबैले देखेकै छौं । हाम्रा राम्रा नराम्रा सबै ट्रयाक रेकर्ड मुलुकले देखेकै छ । इतिहासमा हाम्रा सबल र दुर्बल पक्ष के हुन् । उहाँजस्ता नेतालाई दुनियाँले बुझेकै छ । त्यसैले स्टेपका कुरा नगरौं । जनताले अग्रभागमा रहेका नेता को कस्ता भनेर चिनिसकेका छन् ।
जहाँसम्म एकताको विषय छ, दुई अध्यक्षबीच हुनुपर्ने छलफल, संयोजन समितिमा हुने छलफल त्यहाँ नगरेर मिडियामार्फत पोजिशन बनाउने कुरा नै एकदम गलत हो । ५० प्रतिशत चाहिन्छ भने दुईटा अध्यक्ष बसेर कुरा गर्दा भयो नि । मिडियामा पोजिशन बनाउनुको तुक छैन ।

० एमालेले सम्मानजनक एकता चाहेन भन्ने माओवादीको गुनासो हो कि ? 
एकता भनेकै सम्मानको विषय हो । तपाईले मलाई सम्मान गर्नुहुन्न भने, मैले तपाईलाई सम्मान गर्दिनँ भने एकता सम्भव छैन । जनयुद्धको कुराचाहिँ के भने, नेपालमा जनयुद्ध भयो कि भएन, माओवादीको १० वर्षे सशस्त्र विद्रोहलाई जनयुद्ध भन्ने कि नभन्ने सन्दर्भमा नेपाली राजनीतिमा विवाद छ र यो विवाद रहिरहन्छ ।
एमालेले जनयुद्ध गरेको होइन र एमालेले त्यो बाटो ठीक छ भनेको पनि होइन । एमालेले के ठान्छ भने माओवादीले जनयुद्ध भन्नुहुन्छ, जनयुद्धको शीर्षकमा त्यो इतिहासको यथार्थलाई एमालेले स्वीकार गरेको छ । त्यो सशस्त्र विद्रोह जनयुद्धका नाममा जुन सञ्चाालन गर्नुभयो, त्यो यथार्थलाई हामीले कहाँ राख्नुपर्ने हो, राख्छौं । उहाँहरुको कोलममा त्यो रहन्छ ।

० त्यसो भए भन्दिनुस् त पार्टी एकता कहिले हुन्छ ?
तपाईले जुन प्रश्न मलाई सोध्नुभयो, यही प्रश्न मैले केपी ओली र प्रचण्डलाई सोधिरहेको छु । जनताका विरुद्ध उहाँहरुलाई धोका दिने अनुमति छैन । नमिल्ने छुट छैन ।

० प्रष्ट भन्नुस कि पार्टी एकतामा ५०।५० हुन्छ कि हुन्न ? सूयएचिन्ह रहन्छ कि रहन्न ?
सूर्य चिन्हमा विवाद हुन्छ भन्ने मलाई लाग्दैन । हिजो अलगअलग पार्टीका हैसियतमा रहँदा पनि चुनावमा जाँदा सूर्य चिन्हमा जाउँ भनेर लिखित सहमति भएको हो । अहिले एकीकृत पार्टीको चुनाव चिन्ह सूर्य राख्नहुन्न भनेर तर्क गर्नुहुन्छ जस्तो लाग्दैन । म दोहो¥याएर भन्छु, चुनाव चिन्ह सूर्य हुन्छ ।

५०।५० को कुरा तपाईले मलाई प्रश्न सोध्ने र मैले जवाफ दिने कुरा नै होइन । मैले त भनेको छु, व्यक्तिको इतिहास, योगदान र कार्यक्षमता हेरौं । एउटा पार्टी बनाउने भएपछि त्यहाँ प्रतिशत हुँदैन । दुईटा पार्टी अलगअलग राख्ने हो भने प्रतिशतको कुरा आउँछ ।

एउटा पार्टी भएपछि प्रतिशत रहँदैन । एउटा बाल्टीको पानीलाई छुट्याएर यो एमालेको यो माओवादीको भन्ने हुँदैन । एउटा बाल्टीमा मिसाएपछि यो एमालेको र यो माओवादीको भन्ने हुँदैन । 

० अहिले प्रचण्डमा देखिएको आशंका चाहिँ प्रधानमन्त्रीका रुपमा ओलीले एकलौटी अहिल्यै गरिसक्नुभयो भने भोलि एउटै पार्टी हुँदा त मेरो निर्णायक पोजिशन नै नरहने पो हो कि भन्ने देखिन्छ नि ?
निर्णायक पोजिशन भनेको के ? हामीले पार्टी एकता गर्दा दुईजना अध्यक्ष रहनुहुन्छ भनेपछि त्यो हैसियत भयो कि हैसियतविहीन भयो ? उहाँलाई त्योभन्दा निर्णायक पोजिशन कस्तो चाहिएको हो ?
सरकार त संविधानबमोजिम चलाउने हो । प्रधानमन्त्रीले आज युनिटीभन्दा अगाडि संयुक्त सरकार चलाउँदा गठबन्धनको मुख्य नेतासँग आवश्यक विषयमा परामर्श गर्नैपर्छ । गर्नुभएको जस्तो पनि लाग्छ । गर्नुभएको छैन भने गर्नुपर्छ । तर, सरकार त संविधान र कानुनबमोजिम चल्छ । प्रधानमन्त्रीले परामर्श गरेनन् भनेर मिडियामा प्रचारबाजी गरेर के सन्देश दिन खोजेको ? यो त भएन ।

० तपाई अहिले नै माधव नेपाल र केपी ओलीलाई मिलाउन लाग्नुभयो, यसो गर्दा भोलि प्रचण्डको निर्णायक पोजिशन कमजोर हुँदैन त ?
म एमालेका सबै नेता मिल्नुपर्छ भन्ने पक्षमा छु । माधव नेपाल र केपी ओली मिलाउने कुरा के भयो र ? म केपी ओली र प्रचण्ड मिलाउन हिँडेको मान्छे, ओली र माधव नेपाल झगडा गर्नुपर्छ भन्न सक्छु र ?
जहाँसम्म प्रचण्डको निर्णायक पोजिशनको कुरा हो, उहाँले धेरै अविश्वास र आशंका नराखेको राम्रो । एमाले भनेको संस्थागत निर्णयमा चल्ने पार्टी हो । यहाँ कोही पनि नेताको एकाधिकार चल्दैन ।
केपी ओली सातौं महाधिवेशनमा अध्यक्ष बन्न हिँडेको तर किन हो उहाँ पछि हट्नुभयो । आठौं महाधिवेशनमा उहाँ हार्नुभयो । यद्यपि त्यो महाधिवेशनका यावत दृश्यहरु छन्, त्यसको जवाफ अहिले पनि भेटिएका छैनन् । उहाँले पराजय स्वीकार गर्दै नवौं महाधिवेशनबाट अध्यक्ष हुनुभयो । भन्नुको मतलब, एमाले प्रक्रिया र पद्दतिबाट चल्ने पार्टी हो । कसैले पनि डराउनुपर्दैन ।
० त्यसोभए अहिलेको अवस्थामा एकीकरणको बाधक केपी ओली हुन् कि प्रचण्ड ?
आदरणीय नेताहरुलाई म अनुरोध गर्न चाहान्छु– तपाईहरु एउटा पार्टी बनाउँदै हुनुहुन्छ । नेपालको कम्युनिस्ट आन्दोलनलाई एकतावद्ध बनाउन चाहनुहुन्छ भने परस्पर विश्वासमा चल्नुस् । आशंका रहलान्, सम्पूर्णरुपमा आशंका अन्त नहोलान् । तर, मुख्यरुपमा विश्वासमा चल्नुस् । परस्पर विश्वासमा रहनुस् । आशंकाले कहिँ पनि र्पुयाउँदैन । अध्यक्षद्वय केपी शर्मा ओली र प्रचण्ड एकअर्कामा आशंका नराख्नुस् भन्ने आग्रह हो ।

० फेरि पनि तपाई भन्दिनुस्, एकीकरण कहिले हुन्छ ? कि हुँदैन ?
म कारण खोजिरहेको छु कि ९ गते किन एकता भएन ? जब कि ९ गते एकता नहुनुपर्ने कुनै कारण थिएन । तर, पनि नहुने त लगभग निश्चित देखियो । तपाईले एउटा टाइमलाइन निश्चित गर्नुभयो । नेकपाको स्थापना दिवस एकीकरण गरौं भनेर मैले पनि शुरुदेखि नै भनेको हो । हामी दुवै कार्यदलले पनि एउटै सुझाव दिएका थियौं ।
वैशाख ९ गते पार्टी एकता गर्ने निर्णय गर्ने भनेर फेरि पछि हट्दा अब उहाँहरुले आलोचना भोग्नुपर्छ । एकता किन नगर्ने ? कसका कारण नगर्ने ? मेरो प्रश्न छ उहाँहरुलाई । के कारणले एकताबाट पछि हट्दै हुनुहुन्छ ? जनता र कार्यकर्तालाई जवाफ दिन तयार हुनुस् ।
पार्टी एकता रोक्न त कसैले सक्दैन । एकता रोक्ने ताकत अब नेपालमा कसैसँग छैन । तर, विलम्व गर्दा केपी शर्मा ओली र प्रचण्डको आलोचना हुनेवाला छ । उहाँहरुले जवाफ दिनुपर्छ ।
जवाफ त क्लियर छ नि, प्रचण्डलाई उधारोमा होइन लिखतमा भावी अध्यक्ष र प्रधानमन्त्रीको ग्यारेन्टी नभएसम्म एकता होला र ?
त्यसरी माओवादी अध्यक्ष प्रचण्डले बोल्नुभयो भन्ने मलाई पत्यार छैन । मैले अघि नै भनिसकेँ, उहाँले पब्लिकली भन्नुभएको छ– प्रधानमन्त्रीको कार्यकाल आधाआधा गर्ने होइन । पूरै ५ वर्ष केपी ओलीले नै सरकारको नेतृत्व गर्ने भनिसक्नुभएको छ । प्रधानमन्त्री बीचमा फेरिने कुरा छैन ।

रह्यो सवाल अध्यक्षको कुरा, महाधिवेशनबाट को अध्यक्ष बन्छ भन्ने कुरा अहिले केपी शर्मा ओलीले प्रचण्डलाई वा एकता संयोजन समितिलाई फलानो अध्यक्ष बन्नेछ भनेर लिखित वा मौखिक एग्रिमेन्ट गर्ने अधिकार छैन । अहिले नै अध्यक्ष तोकेर हिँड्ने अधिकार कसैलाई छैन, त्यो केपी ओलीले प्रचण्डलाई लेखेर दिने अधिकार नै छैन ।

भोलि प्रचण्डलाई अध्यक्ष मानेर जान तपाई एमाले नेताहरुलाई संकोच किन ?
हामी एकीकृत पार्टी बनाउँदैछौं । एकीकृत पार्टीका विभिन्न नेता जो कोही पनि अध्यक्ष बन्न सक्नुहुन्छ । अध्यक्ष बन्ने प्रक्रियाले हो । महाधिवेशनले अध्यक्ष छान्ने हो । सर्वसम्मतिले अध्यक्ष छान्ने हो, सर्वसम्मति नभए मतदान होला । तर, यो कुरा अहिले भन्न सकिन्न ।

तपाईहरुले प्राणभन्दा प्यारो ठान्ने जनताको बहुदलीय जनवाद त स्थगन गरिसक्नुभयो भने अब प्राविधिक कुरामा किन अल्झिने ? अलि उदार बनेर प्रचण्डलाई माने हुन्न ?
जबजको कन्टेन्टको सन्दर्भमा, त्यसको अन्तरवस्तुका सन्दर्भमा कुनै स्थगनको कुरा छैन । पार्टी एकतासम्बन्धी कार्यदलका दस्तावेजहरुले के कुरा बोलेका छन् भने जबजले जे जे कुरा मानेको छ, त्यो उल्लेख गरेका छन् ।
राज्यसत्ता सञ्चालन गर्ने र संगठित गर्ने लोकतान्त्रिक विधि कम्युनिस्ट पार्टीले अवलम्वन गर्नुपर्छ भन्ने जबजको जुन अन्तरवस्तु हो, हामीले प्रष्ट उल्लेख गरेका छौं । अब त्यो अन्तरवस्तुलाई हिजो हामीले जबज भनेर नामाकरण र्गयौं । अब महाधिवेशनसम्म छलफल गरौं भनेका छौं । जबजभन्दा कुनै सुन्दर नाम आयो भने त्यो राखौंला ।
मेरो कुरा भन्नुहुन्छ भने महाधिवेशनसमा छलफल खुला हुनेछ भनेको हुनाले जनताको बहुदलीय जनवादको नामाकरण र अन्तरवस्तु दुवै हिसाबले उपयुक्त छ । छलफलको अधिकारलाई म यसरी उपयोग गर्छु ।

० त्यसो भए भोलि महाधिवेशनमा जबजको च्याप्टर फेरि खोल्ने तयारी तपाईहरुको हो ?
जबजको च्याप्टर क्लोज भएकै छैन । यसको अन्तरवस्तुलाई एमाले र माओवादीको सहमतिको सातबुँदे दस्तावेजले स्वीकार गरेको छ । जबजले अघि सारेको अन्तरवस्तु स्वीकार गरिसकेको हुनाले च्याप्टर क्लोज भन्ने कुरै छैन ।
जबजको कन्टेन्टमा आपत्ति छैन भने नामाकरणमा आपत्ति किन भन्नेबारे भोलि महाधिवेशनमा छलफल होला । अहिले नै म जबजको नामाकरणका बारेमा धेरै बहस गरेर विषयान्तर चाहान्न । त्यो महाधिवेशनले टुंगो लगाउँछ ।
(अनलाइन खबरबाट साभार)


Rating (Votes: )   
Share     Print


Other Articles:
नेपाली राजनीतिमा प्रचण्डले तरङ्ग नल्याए मोनोटोनस जस्तो हुन्छ- जनादर्शन शर्मा (04.03.2018)
रेल ल्याउनुअघि रेल पढ्ने ब्यवस्था गर्नुस् (03.27.2018)
विद्युत चोरीबाट मात्रै १०–१२ अर्ब रुपैयाँ घाटा भैरहेको छ - कुलमान घिसिङ (02.20.2018)
ओली आफ्नो राष्ट्रवादी एजेण्डा छाड्नुहोला जस्तो लाग्दैन (01.30.2018)
“जनताले धेरै कुरा बुझेका रहेछन्” - कृष्णप्रसाद दाहाल (12.19.2017)
नेपालले पानी नदिने हो भने भारत प्याक प्याक भएर मर्छ : कीर्तिनिधि विष्ट (11.15.2017)
एउटै बाटोबाट मात्र लक्ष्यमा पुगिन्छ भन्ने छैन- डा. बाबुराम भट्टराई (10.11.2017)
माओवादीसंग मिलेर एमालेलाई सिध्याउने कि आफू सिद्धिने हो ? (09.12.2017)
निर्वाचन आयोग अहिले आइसीयुमा छ (09.06.2017)
म आपराधिक प्रवृत्ति, षड्यन्त्रकारी र आत्मसमर्पणवादीको घेराभित्र थिएँ (08.15.2017)
फेरि लोडसेडिङ हुँदैछ भन्ने आशंका बढ्दैछ : कुलमान घिसिङ (08.08.2017)
सुखको खोजीमा मात्र हिंड्यो भने त्यसले कर्मलाई आफंै पर धकेलिदिन्छ (07.26.2017)
पार्टी खोलेर मात्रै हुँदैन एजेण्डा पनि सही हुनुप¥यो– अनिता यादव (06.28.2017)
सबै ठीकठाक भए ८० दिनमा चुनाव गरिन्छ (02.28.2017)
नेपाल शक्तिकेन्द्रहरूले खेल्ने रणनैतिक मैदान बनेको छ : पेशलकुमार निरौला (01.31.2017)
सबै भन्छन्– पृथ्वीनारायण शाहले खेलेको भूमिका महत्वपूर्ण तर सम्मान खै ? (01.18.2017)
असफलता ज्ञानेन्द्रको टाउकोमा हालेर सत्ता जोगाउने प्रपञ्च भैरहेको छ : नेत्रविक्रम चन्द (01.12.2017)
अहिले देश अति नै दुखेको अबस्थामा छ- पूर्व प्रधानमन्त्री कीर्तिनिधि बिष्ट (01.04.2017)
केही गरौं भन्ने भावना राज्य तहकामाभन्दा सामान्य श्रमिकममा बढी हुन्छ (12.29.2016)
संशोधन मार्फत कसलाई के अधिकार दिन खोजेको हो ?- भीम रावल (12.07.2016)



 
::| Latest News

 
[Page Top]