युगसम्बाद साप्ताहिक
Yugasambad Saptahik
Monday, 10.23.2017, 04:20am (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
कृति समीक्षा
 
अनाथहरुको सेवामा समर्पित उनीहरुकै आत्मा बोल्ने कथा संग्रह
Wednesday, 10.11.2017, 01:49pm (GMT+5.5)

“उद्देश्य के छ लिनु, उडी छुनु चन्द्र एक” महाकवि लक्ष्मीप्रसाद देवकोटाको प्रेरणादायी उपरोक्त कविता पंक्ति साभार गरेर प्रस्तुत आलेख अघि बढाउनु सान्दर्भिक छ । किनभने आफ्नो मनको कुनामा लुकेको प्रतिभा कतिबेला प्रस्फुटन हुन्छ यसको कुनै ठेगान हुँदैन । किनभने मनले चाहेका र मस्तिष्कले केलाएका कतिपय कुराहरु पनि तत्काल बाहिर निस्कन सक्दैन, यसका विविध कारण हुन्छन् । तर उद्देश्यमा अडिग रह्यो भने एक न एकदिन सफलता मिल्छ, अर्थात् चन्द्रमा छुने उद्देश्य राखेर कर्म गर्नेहरु सफल हुन्छन् 
विविध कारणले आफ्नो लेखनकार्यलाई अघि बढाउन नसकेकी सुमिता राज्यलक्ष्मी सिंहले अहिले एउटा पुस्तक सार्वजनिक गरेकी छिन् । त्यो पनि अनाथहरुमा समर्पित रहेर । बेलायतको उच्च अध्ययन, त्यहाँ प्राप्त अवसर अनि छोरा बुहारी पनि उतै, काठमाडौंको स्थायी बासिन्दा, सम्पन्न परिवारको हर्ताकर्ता हुन् डा सुमिता राज्यलक्ष्मी सिंह । यी सबले उनको मनलाई शान्ति दिएन, अनि खोजिन मानवसेवाको बाटो । जनस्वास्थ्यमा विद्यावारिधी गरेकी उनी साहित्य र संगीतमा रुची राख्छिन् अनि समाजसेवामा अग्रणी छ उनको परिचय ।
यति हुँदाहुँदै पनि प्रचार नचाहने, आफ्नो काम गर्दैजाने । कर्म गर विज्ञापन नगर भन्ने उनको मान्यताले उनलाई कहिलेकाहीं निराश बनाउँदो रहेछ । विशेष गरी बालबालिकाहरुको दुःख देख्नै नसक्ने उनी र उनका पति विशान लामा अहिले यस्तै अभियानमा छन्– लर्ड बुद्ध चिल्ड्रेन हेल्थ फाउण्डेशन मार्फत अनाथ बालिकाहरुको उज्ज्वल भविष्य निर्माणमा तल्लिन छिन् सुमिता यतिबेला । 
२०७२ वैशाख १२ गतेको भूकम्पमा परी परिवार गुमाएका काठमाडौं साँखुका १२ जना बालिकाहरुलाई छाना, नाना अनि शिक्षा प्रदान गरिरहेकी छिन् । आफ्ना विदेशी साथीहरुको सहयोग तथा फाउण्डेशनका सदस्यहरुको सहयोगले अहिले ती नानीहरुको भविष्य निर्माणको गोरेटो खन्दैछिन डा. सुमिता । 
लामो समयदेखि समाजसेवामा सक्रिय सुमित्राले समाजको अध्ययन, चिन्तन र मनन गरेकी छिन् । अनि यही अध्ययन र चिन्तन मननको उपजका रुपमा निस्किएको छ एउटा कथा संग्रह । कथाहरु समाजसेवाकै सेरोफेरोमा फन्को लगाउँछन् । सुरुदेखिकै कथाले मन छुन्छ किनभने कथा नै त्यस्तै छ– अनाथको रोदन । यो कथा केवल काल्पनिक नभएर यथार्थपरक लाग्दछन् । वास्तविक समाजसेवीहरुको व्यथा चित्रण गरिएको छ । 
चारवटा कथा समेटिएको १४४ पृष्ठको यो पुस्तक व्यापारिक हिसाबले नभै सामाजिक हिसाबले प्रकाशित भएको हो । त्यसैले होला पुस्तक चल्तीको फरम्याटमा छैन, सायद व्यापारिक सोच नभएर पनि होला । चिनेजानेका साथीहरु, विद्यालय, सामाजिक संघसंस्थाहरुलाई हार गुहार गरी विक्री गरेर उठेको रकम तिनै अनाथ बालिकाहरुको सेवामा खर्च गर्ने उद्देश्य रहेको छ । 
‘अनाथको रोदन’, ‘आत्मबल– मानसिक तनावको औषधि’, ‘माया त आखिर माया नै हो’ र ‘अधुरो माया’ गरी चार शीर्षकका कथा रहेको यो पुस्तकमा समेटिएका विषयवस्तु नेपाली समाजको यथार्थ चित्रसंगै हरेक मानिसमा हुने मानसिक तनावको उपचारको बिधि समेत सिकाइएको छ ।
त्यसो त डा.  सुमिताको यहाँसम्मको यात्रा सहज छैन । कलिलै उमेरमा भएको विवाह, विवाहपछि अनेक संघर्षका बीच जारी राखिएको अध्ययन पूरा गर्न कम्ति झमेला व्यहोर्नु परेन । लेखक बन्ने उतिबेलादेखिको सपना यो कृतिमार्फत सुरुवात गरेकी छ्न् ि। उतिबेला उनले लेखेका कैयौं पाण्डुपिलीहरु जलाइयो, परिवारबाट । अहिले ५० को नेटो काटेपछि उनले आफना लेखनकार्यलाई सामाजिक चेतना अभिवृद्धिको औजार बनाएर सार्वजनिक गरेकी छिन् ।
प्रस्तुत कृतिले डा. सुमितालाई एउटा स्थापित लेखक बनाए पनि शब्द चयन र नेपाली भाषामा उनको पकड अलिक कमजोर देखिएको छ । बेलायतको अध्ययनले पनि होला वा उहाँलाई सही सुझाव अनि सल्लाह दिने पात्र नभएर पनि होला ! तर, यहाँ पुस्तकको रौचिरा समीक्षाभन्दा पनि यसको उद्देश्य र महत्वलाई जोड दिनुपर्ने हुन्छ । यो कृति विक्रीबाट उठेको रकम सानासाना अनाथ, असहास बालबालिकाहरुका लागि खर्च गरिनेछ । यो रकम लर्ड बुद्ध चल्ड्रेन हेल्थ फाउण्डेशनको कोषमा जम्मा हुनेछ ।
समाजसेवाका लागि दाताहरुमाझ सधैं हात पसारिरहनुको साटो आफैं केही गर्ने जमर्को गरेकी डा. सुमिताको यो प्रयासलाई सह्राना नगरी हुँदैन । पुस्तक प्रकाशनको उद्देश्य लेखिकाको चर्चामा भन्दा यसको उद्देश्यमा केन्द्रित रहेर जो कोहीले यसलाई ग्रहण गरीसहयोगी हात बढाए पुण्य र ज्ञान दुबै प्राप्त हुन्छ ।
– यादब देवकोटा


Rating (Votes: )   
Share     Print


Other Articles:
पानी र कूटनीतिमाथि श्रेष्ठको चिरफार (11.23.2016)
अनुभूति र अभिव्यक्ति (08.16.2016)
गरिबी निवारणका लागि सहकारी (11.03.2015)
युवाहरुको सिर्जनात्मक आवाज (12.16.2014)
समसामयिक विचारको संगालो - देवराज अर्याल (06.02.2014)
देवघाट महाकाव्य : नव प्रतिभाको प्रस्फुटन (09.10.2013)
‘नयाँ पसल’का कवि भट्टराइ देवी सुवेदी (03.25.2013)
‘भूर्चालो’ले दिएको सुधारात्मक चेतना (03.11.2013)
इतिहास नेपालमा नारी जागरण अवस्था - रमेश गौतम (02.04.2013)
लामो प्रशासनिक अनुभवको सार : “सार्वजनिक नीति” (01.08.2013)
संक्रमणकालीन नेपालको प्रशासन (12.03.2012)
आफ्नै सेरोफेरोमा जिन्दगीका कथाव्यथा - देवराज अर्याल (10.15.2012)
चन्द्रमानको राष्ट्रवादी दृष्टिकोण (10.01.2012)
“भिक्षु र दार्शनिक”को विमोचन (04.03.2012)
“वाफको पर्दा”भित्र पसेर हेर्दा (03.26.2012)
खनालको पत्रकारिता सन्दर्भ : देवराज अर्याल (03.12.2012)
दुई भाषामा एकांकी नाटक “भृकुटीको विवाह” (12.13.2011)
समालोचना संग्रह : "केही प्रतिभा केही प्रवृत्ति" (08.15.2011)



 
::| Latest News

 
[Page Top]