युगसम्बाद साप्ताहिक
Yugasambad Saptahik
Friday, 11.22.2019, 01:07am (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
मुख्य समाचार
 
 
देशव्यापी रूपमा स्वतस्फूर्त विरोध प्रदर्शनको लहर : भारतीय अतिक्रमणविरूद्ध सवै नेपाली एकजुट
Thursday, 11.14.2019, 12:00pm

काठमाडौं । लिम्पियाधुरा, लिपुलेक र कालापानी निर्विवाद रूपमा नेपालको अखण्ड भूभाग हो । भारतले अघिल्लो हप्ता जारी गरेको नयाँ राजनीतिक नक्सामा सो नेपालभूमि भारततिर पारेको जानकारी हुनासाथ सो अतिक्रमणको विरोधमा सवै नेपाली एकजुट भएका छन् । भारतले सन् १९६२ देखि सो क्षेत्रमा सैनिक शिविर खडा गरी बलात् उपयोग गर्दैआएकोमा वर्षौं अगाडिदेखि विस्तारवादी सो हर्कतको नेपाली जनताले विरोध गर्दै अतिक्रमित भूमिबाट सैनिक शिविर हटाउन बेलाबेलामा आवाज उठाउँदै आएका भए पनि त्यसको बेवास्ता गरी नयाँ नक्सा नै जारी गरी भारतकै सरहदभित्र समावेश गरेको छ । यो प्रकरणले नेपालमा राष्ट्रिय अखण्डता जोगाउनका लागि राष्ट्रिय एकताको पुनर्जागरण गराएको छ । नेपाललाई भूअतिक्रमणको चपेटामा पारेर भारतले विस्तारवादी चरित्र देखाउँदै द्विपक्षीय सम्बन्ध र मित्रतामा नै आँच पु¥याउने नकाम गरेको छ । सन् १८१६ को सुगौली सन्धिपछि कायम भएको नेपालको सीमा अतिक्रमण गरी भारतले खिचलो उठाएर अनावश्यक विवाद खडागरेको छ । भारतले तत्काल नक्सा सच्याउने र अतिक्रमित भूमिबाट सैनिक शिविर हटाई नेपालको सार्वभौमिक अखण्डताको सम्मान गरोस् भन्ने देशभक्त नेपालीहरूको एउटै आवाज छ । 

 

उपनिर्वाचन मुख्य प्रतिस्पर्धा दुई दलबीच
Thursday, 11.14.2019, 11:57am
काठमाडौं । मंसिर १४ गते हुने प्रतिनिधिसभा र प्रदेशसभाको उपनिर्वाचनका अधिकांश स्थानमा सत्तारुढ नेकपा र प्रमुख प्रतिपक्षी दल नेपाली कांग्रेसबीच नै मुख्य प्रतिस्पर्धा हुने आँकलन गरिएको छ । कास्की क्षेत्र नं. २ सहित हुने निर्वाचनमा ६५ उम्मेदवार खडा भएका छन् । प्रतिनिधिसभातर्फ कास्की क्षेत्र नं २, प्रदेशसभातर्फ भक्तपुर क्षेत्र नं १ को १, दाङ निर्वाचन क्षेत्र नं ३ को २ र बागलुङ क्षेत्र नं २ को २ का लागि आइतबार उम्मेदवारी दर्ता गराइएको हो । 

प्रदेशहरुले अक्षर पाउने कहिले ?
Thursday, 11.14.2019, 11:57am
 नयाँ संविधान अनुसार मुलुक संघीय शासन प्रणालीमा गएको दुई वर्ष बितिसक्दा पनि संघहरुले नाम जुराउन सकेका छैनन् । तत्कालीन प्रदेश ४ र ६ ले नाम र राजधानी तय गरे पनि बाँकी ५ वटा प्रदेशले अहिलेसम्म नाम र राजधानी तोक्न सकेका छैनन् । यसको एउटै कारण भनेको नेताहरुमा कायम रहेको लाभी चरित्र हो । उनीहरु आफ्नो पायक पर्ने वा आफ्ना समुदाय अथवा कार्यकर्ता अनि समर्थकलाई अनुकूल हुने गरी नाम र राजधानी बनाउन चाहन्छन् ।
सामान्य जनताको दैनिकी झनै सकसपूर्ण - अस्वस्थकर राजनीतिक अभ्यासको नयाँ श्रृंखला
Tuesday, 10.22.2019, 01:31pm
मुलुकमा दुई तिहाइ बहुमतको नेकपा सरकारले २० महिनाको शासनकालमा जनअपेक्षा अनकूलका खासै काम गरेको प्रत्यक्ष अनुभूत नभएको र सामान्य नागरिकको दैनिकी हरहिसाबले कष्टकर बन्दैगएको कटु यथार्थबोध विस्तारित हुँदैगएको छ । प्रधानमन्त्री केपी शर्मा ओलीले ’विकास र समृद्धि’का लागि राष्ट्रले वाञ्छित गति लिएको र ’भ्रष्टाचारमुक्त र सुशासनयुक्त’ वातावरण निर्माणमा सरकार सफल हुँदैगएको जुन जुन शब्दावलीमा दावी गरिरहेपनि ओली सरकार स्थापित हुँदाको बेला र अहिलेको दैनिक उपभोग्य वस्तुको बजार मूल्यबीच मात्रै तुलना गरेर हेर्ने हो सामान्य जनताको दैनिक गुजारा कति सकसपूर्ण बन्दैगएको छ भन्ने प्रष्टै देखिन्छ । विकास र निर्माण क्षेत्रले गतिलिन नसकेको र राष्ट्रिय उत्पादकत्व वृद्धिको लक्षण नै नदेखिएको आर्थिक सूचकाङ्कहरूले प्रष्टै देखाइरहेका छन् ।
शक्तिको आडमा अपराध गर्दाको फल
Tuesday, 10.22.2019, 01:30pm
काठमाडौं । कसैले कल्पना पनि गरेको थिएन कि कृष्णबहादुर महराले कुनै महिलामाथि बलात्कार गर्न खोज्छन् भनेर । नेपाली राजनीतिमा शालिन र भद्र व्यक्तित्वका रुपमा स्थापित महरा संसद सचिवालयको स्वास्थ्य इकाईमा कार्यरत महिला कर्मचारी रोशनी शाहीमाथि बलात्कार प्रयास र कुटपिटको अभियोगमा पक्राउ परेपछि अहिले उनीमाथि अनुसन्धान चलिरहेको छ ।
सभामुखमा डा. तुम्वाहाम्फे कसरी अयोग्य ?
Tuesday, 10.22.2019, 01:30pm
अहिले नेकपाले सभामुख आफ्नो भागमै राख्न उपसभामुख शिवमायालाई राजीनामा दिन लगाउने योजना बनाएको छ । सभामुखमा सुवाष नेम्वाङ, देव गुरुङ र अग्नी सापकोटाको नाम चर्चामा छ । तर कसैले पनि शिवमायालाई नै सभामुख बनाउनुपर्छ भनेका छैनन् । 

दोहोरिएको प्रतिबद्धता
Tuesday, 10.22.2019, 01:29pm
काठमाडौं । हरेक दुई वर्षमा काठमाडांैंमा भेला हुने गैरआवासीय नेपाली (एनआरए)हरुले मुलुकमा आर्थिक समृद्धिका लागि लगानी भित्र्याउने प्रतिबद्धता व्यक्त गर्ने गरे जस्तै यसपटक पनि त्यस्तै गरे । शुक्रबार एनआरएनएको नवनिर्वाचित नेतृत्वले समृद्ध नेपाल निर्माणको अभियानमा सक्रिय योगदान गर्ने प्रतिबद्धता जनायो ।

नेपाललाई भूपरिवेष्ठित मुलुक रहन नदिने चीनको प्रतिबद्धता - दुई मुलुकबीचको सम्बन्ध नयाँ युगमा प्
Tuesday, 10.15.2019, 11:46am
काठमाडौं । लामो समयको प्रतिक्षापछि चीनका राष्ट्रपति सी चिनफिङले नेपालको राजकीय भ्रमण सम्पन्न गर्नुभएको छ । आइतबार स्वदेश प्रस्थान गर्नुअघि दुई देशबीच सरकारी तहमा भएको प्रतिनिधिमण्डलीय वार्ता र त्यसपछि भएका सहमति तथा सम्झौताले नेपाल र चीनबीचको सम्बन्ध सगरमाथाको उचाइमा पुगेको आम अनुभूति छ । राष्ट्रपति सीले नेपाललाई भूपरिवेष्ठित मुलुकबाट भूजडित मुलुकमा रुपान्तरण गर्न चीनले हरप्रकारको सहयोग गर्ने प्रतिबद्धता जनाउनु र हिमालय वारपार रेलमार्गका लागि सम्भाव्य अध्ययनमा सहमति हुनु नेपालका लागि अहिलेसम्मकै सबैभन्दा ठूलो सहयोग र आशाको दियो हो । राष्ट्रपति सीको भ्रमणले नेपालको आर्थिक–सामाजिक विकासमा ठूलो सहयोग र साथको प्रतिबद्धता जनाएको छ । यद्यपि यसको कार्यान्वयनमा नेपालले कस्तो तदारुकता देखाउँछ भने हेर्न बाँकी छ ।

“कम्युनिष्ट पार्टीका नेता अनुशासित हुनुपर्छ”
Tuesday, 10.15.2019, 11:45am
काठमाडौं । नेपालको राजकीय भ्रमण सम्पन्न गरी आइतबार स्वदेश फर्कनुअघि चिनीया राष्ट्रपति सी चिनफिङले सत्तारुढ नेकपाका नेताहरुसंग सामूहिक भेटवार्ता गरी नेता हुन चाहिने गुणहरु सुझाउनुभएको छ । उहाँले देश र जनतालाई सर्वोपरी ठानी नेताहरुले आफूलाई अनुशासनमा राख्नुपर्ने सुझाव दिनुभयो ।

यी हुन् नेपाल–चीनबीच बीस समझदारीपत्र
Tuesday, 10.15.2019, 11:45am
काठमाडौं । चीनका राष्ट्रपति सी चिनफिङको राजकीय भ्रमणका क्रममा दुई देशबीच भएको प्रतिनिधिमण्डलस्तरीय औपचारिक वार्तापछि आइतबार २० वटा समझदारीपत्रमा हस्ताक्षर भएको छ । चीनका राष्ट्रपति सी चिनफिङ र प्रधानमन्त्री केपी शर्मा ओलीले आआफ्नो मुलुकको प्रतिनिधित्व गर्नुभएको वार्तापछि सम्झौता तथा समझदारीपत्रमा हस्ताक्षर भएको हो ।

राष्ट्रकवि घिमिरेले पार गर्नुभो शताब्दी आयू
Wednesday, 10.02.2019, 05:17pm
काठमाडौं । राष्ट्रकवि माधवप्रसाद घिमिरे शताब्दी उमेर पार गर्नुभएको छ । गत मंगलबार उहाँको  १०१ औँ जन्मदिन मनाइएको हो । त्यस अवसरमा प्रधानमन्त्री केपी शर्मा ओलीले उहाँको सुस्वास्थ्य र दीर्घायुको शुभकामना व्यक्त गरेका छन् ।

महामण्डले चरित्र प्रदर्शनले गणतन्त्र कति सुरक्षित
Wednesday, 10.02.2019, 05:17pm
काठमाडौं । पञ्चायतकालमा सत्ताको बिरोध गर्नेहरुमाथि तत्कालीन सत्ताले गठन गरेको युवा दस्ता विद्यार्थी मण्डल (जसलाई मण्डले भनिन्छ) आक्रमणमा उत्रन्थे । अहिले गणतन्त्रमा पनि सरकारको बिरोध गर्नेहरुमाथि त्यस्तै चरित्र प्रदर्शन भैरहेको छ । भौतिक आक्रमण सुरु भएको छ । अहिले सत्तापक्षको आक्रमण प्रमुख प्रतिपक्षी दलका नेता र अभियन्ताहरु भएका छन् । 

भित्रियो घरघरमा दशैं– आम जनताको सास्ती पहिलेकै जस्तो
Wednesday, 10.02.2019, 05:17pm
काठमाडौं । प्रमुख चाडपर्व बडादशैंको चहल पहलले देशको समग्र वातावरण उमङ्गमय बनेको छ । स्कूल–कलेज र अदालतहरूमा लामो विदा सुरू भएको छ । बजारमा ग्राहकहरूको खचाखच छ । राजधानीबाट आआफ्नो मूल थलोमा जाने यात्रुहरूको ओइरो लागेको छ । दशैंको बेला २५ लाखभन्दा बढी मानिस राजधानीबाट बाहिरिने भएकाले गन्तव्यमा पुग्ने गरी बाहनको व्यवस्था गर्न धेरै यात्रुलाई धौ धौ परेको छ । यातायातका साधनको पर्याप्त व्यवस्था र राजधानी बाहिरिने–भित्रिने मूलद्वार रहेको नागढुङ्गा–नौबिसे सडक खण्डको समयमै मर्मत सुधारको उचित प्रबन्ध नहुँदाको पीडा हरेक दिन लाखौं जनताले भोग्नुपरेको वास्तविकता छताछुल्ल भएको छ ।  चाडपर्वको अवसरमा ग्राहकहरूको भीड बढेसंगै बजारभाउ पनि अनियन्त्रित रूपमा बढेको छ । राज्यको उपस्थिति हरेक क्षेत्रमा कमजोर देखिएकाले जनता जे जे  समस्या आइपरे पनि एक्लैएक्लै भोग्न बाध्य भएका छन् । देशमा दुई तिहाइ बहुमतको सरकारले राज्य हाँकिरहेको भए पनि जनताले भोगिरहनुपरेका दैनिन्दिनी समस्याको निराकरण र समुचित व्यवस्थापन गर्ने कुनै क्षमता विकसित नभएको वास्तविकता टड्कारो रूपमा देखिएको छ ।

प्रधानमन्त्रीको चिन्ता फेसबुके युवाहरुप्रति
Wednesday, 09.25.2019, 03:48pm
काठमाडौं । असोज ३ गते संविधान दिवसका अवसरमा सैनिक मञ्च टुँडिखेलमा आयोजित विशेष समारोहमा प्रधानमन्त्री केपी शर्मा ओलीले संविधान कार्यान्वयन र सरकारले अहिलेसम्म गरेका कामहरुको लामै विवरण सुनाउनुभयो । त्यस्तै उहाँले सरकार र आफूप्रति सामाजिक सञ्जालहरुबाट प्रहार गर्ने युवा पंक्तिमाथि पनि खनिनुभयो । 
सरकारले जनअपेक्षा सम्बोधन गर्न नसकेको जगजाहेर : असन्तुष्टिको लहर अरु चुलिंदो
Wednesday, 09.25.2019, 03:48pm
काठमाडौं । देशले इतिहासमै पहिलोपटक जनप्रतिनिधिमार्फत बनाएको संविधानलाई जनप्रतिनिधिले नै नमान्ने विडम्बनापूर्ण स्थिति अहिले छ । आम जनताको मत पाएर निर्देशित रुपमा थोपरिएका प्रावधानहरुले जनअसन्तुष्टि बढ्दै गएकै कारण सरकारले यसपटक तीन दिनसम्म संविधान दिवस मनाउन ‘उर्दी’ नै जारी गर्नुप¥यो । तर जनसहभागिता त्यस्तो देखिएन । आफ्ना प्रतिनिधिले बनाएको संविधानबाट उनीहरु मात्रै मोटाएको जनताले करको भारी बोकाएको आरोप निराधार छैन । विकास निर्माणको गति सुस्त छ । भ्रष्टाचार बढेको बढ्यै छ । जन असन्तुष्टि चुलिंदो छ ।
संसदको वर्षे अधिवेशन सकिएको छ । संसदका गतिविधिहरु पनि उत्साहजनक देखिएन । विपक्षीलाई पेलेर जाने सत्तापक्षको रणनीतिले अति महत्वपूर्ण कुराहरु ओझेलमा परे । दुई तिहाई बहुमतमा रहेको सत्तापक्षले मधेशवादीलाई रिझाउन नसकेको र उनीहरुको चाहना अनुसार संविधान संशोधनको कुनै प्रक्रिया अघि बढेको छैन । मधेश प्रदेशका रुपमा चर्चा गर्ने गरिएको प्रदेश २ ले संविधान दिवसका दिन ‘कालो दिवस’ मनाएर मुलुकको विधि र व्यवस्थाको घोर अपमान गरेको छ ।
माफियाको चंगुलमा स्वास्थ्य सेवा सरकारीमा आईसीयू अभाव निजीमा महंगो
Wednesday, 09.25.2019, 03:47pm
काठमाडौं । नेपालको स्वास्थ्य सेवा र चिकित्सा शिक्षा माफिया तथा नाफाखोरहरुको चंगुलमा छ । सरकार त्यो चंगुलबाट बाहिर निस्कन सकेको छैन । यसको ज्वलन्त उदाहरण हो मुलुकको राजधानीमा रहेका सरकारी अस्पतालहरुमा रहेको आईसीयू कक्षको संख्या । राजधानीमा सरकारी अस्पतालहरुमा जम्माजम्मी एक सयको हाराहारीमा आईसीयू कक्ष छन् । 

डेंगु र स्क्रब टाइफसको प्रकोप
Wednesday, 09.25.2019, 03:46pm
काठमाडौं । मुलुकमा डेंगुको महामारी । डेंगुसंगै तत्काल ज्यान लिने महामारी रोग स्क्रब टाइफसले पनि देशका अधिकांश जिल्लालाई प्रभावित पारेको छ । मुख्य रुपमा मुसाको टोकाइ र सङ्क्रमणबाट मानवमा लाग्ने स्क्रब टाइफस नामक रोगको सङ्क्रमण अधिकांश जिल्लामा फैलिएको छ । इपिडिमियोलोजी तथा रोग नियन्त्रण महाशाखाले दिएको जानकारीअनुसार हाल देशका ६३ जिल्लामा रोग देखापरेको छ । 
निर्दिष्ट गन्तव्यमै विचलनको समस्या - संविधानको सर्वस्वीकार्यतामाथि नै प्रश्न
Tuesday, 09.17.2019, 12:16pm
काठमाडौं । विधिको शासनको पूर्ण प्रत्याभूति र राजनीतिक स्थायित्वको सवाल अहिले झनै पेचिलो बन्दगएको छ । जननिर्वाचित संविधानसभाबाट निर्मित संविधान कार्यान्वयन भएको अब चारवर्ष पुग्दैछ । तर राजनीतिक शक्ति समूहहरूको आआफ्नै स्वार्थ अनुकूलको व्याख्याले निर्दिष्ट मार्गको अवलम्बनमा विचलनको समस्या देखापर्दै गएको छ । गणतन्त्र, संघीयता र धर्मनिरपेक्षतालाई ठूलो राजनीतिक उपलब्धिका रूपमा स्वीकार गरेको वर्तमान संविधानप्रतिको सर्वस्वीकार्यतामाथि उठिरहेका प्रश्नहरूको समुचित समाधानको पर्खाइमा मुलुक रहेको भए पनि तदनुकूलको राजनीतिक कसरत हुन नसक्दा अस्वीकार्यता र असन्तुष्टिका स्वरहरू सडकमा गुञ्जिने क्रम घट्नेभन्दा बढ्दै गैरहेको अवस्था छ । संविधान लागू भएपछिको चारवर्षको अन्तरालमा विमतिका स्वरहरू न्यूनीकरण हुँदैजानुको सट्टा झन् झन् चर्किँदैगएका छन् । सरकारले यो वर्ष संविधान दिवश भव्य रूपमा मनाउने डंका पिट्दै विशेष तयारी गरिरहेको आभास दिइरहे पनि आमजनमासमा फैलिँदैगएको निराशा र वितृष्णाले उत्साह र उमङ्गको वातावरण सिर्जना हुनसकेको देखिँदैन । 

भद्रगोलको भूमरीमा कांग्रेस
Tuesday, 09.17.2019, 12:15pm
काठमाडौं । मुलुकको सबभन्दा पुरानो लोकतान्त्रिक पार्टी नेपाली कांग्रेस अहिले प्रतिपक्षमा छ । संसदमा उसको उपस्थिति कमजोर देखिएका बेला पार्टी पनि गुटबन्धीको शिकार भैरहेको छ । पार्टी मात्र हैन भातृ संगठनहरु पनि चरम गुटबन्दी र विवादले गर्दा कांग्रेसको अभियान कमजोर बन्न पुगेको छ । 

नागरिकता– बुहारीलाई त दिने नै ज्वाईलाई पनि दिने !
Tuesday, 09.17.2019, 12:15pm
काठमाडौं । सरकारले प्रस्तावित नागरिकता संशोधन विधेयकमा नयाँ प्रस्ताव ग¥यो । जसअनुसार नेपाली पुरुषसंग विवाह गरेकी महिलालाई ७ वर्षमा र नेपाली महिलासंग विवाह गरेका पुरुषलाई १५ वर्षमा अंगीकृत नागरिकता दिने भनेर । लामो समयदेखि चर्को बहसमा रहेको नागरिकता विधेयकमा आएको पछिल्लो प्रस्तावले अर्को विवाद जन्माएको छ । 

नेपालले चीन र भारतसंग सौदावाजी गरेर लाभ लिन सक्नुपर्छ
Tuesday, 09.17.2019, 11:59am
काठमाडौं । भारतका विदेश मामिलाविज्ञ डा निहार आर नायाकले नेपालले आफ्ना दुई छिमेकी चीन र भारतसंग आपसी हितका आधारमा सौदाबाजी गरी नेपालले बढीभन्दा बढी लाभ लिन सक्नुपर्ने सुझाव दिनुभएको छ ।

  » ‘रअ’को डरलाग्दो प्लान– नेताहरुले पत्तै नपाएको हो ?
  » नेपाल–चीन बहुआयामिक सम्बन्ध
  » डेंगु नियन्त्रण गर्न सरकार असफल
  » नेकपामा अध्यक्ष ओलीको एकछत्र रजाइँ !
  » कोशी सम्झौता पीडितहरु आन्दोलित
  » अप्रतिम स्रष्टा दीक्षितको अवशान
  » नेपाल आएर के गर्लान् जयशङ्करले ?
  » कोशी उच्चबाँधका निम्ति चर्को दवाव- भारतकै कारण तराई डुवेको संसदको निष्कर्ष
  » निर्मलाका लागि किन न्याय महंगो ?
  » ‘रअ’ प्रमुखको रहस्यमय भ्रमण
  » तराईमा चरम मानवीय सङ्कट– वित्तीय सङ्कट झनै चुलियो !
  » छायाँमा बिपी–पुष्पलाल
  » गृहका कर्मचारी सबैभन्दा बढी घुस्याहा
  » बुद्धमूर्ति तोडफोड सामान्य घटना हैन
  » युगसम्वाद ३२औं वर्षमा प्रवेश
  » सरकार फेरबदलको खेल चलेकै हो त ? - गुठी विधेयकको विरोधले सरकारलाई गलायो !
  » जनता अरिङ्गाल हुन्– धेरै नजिस्क्याउ !
  » देशको परिस्थिति अनपेक्षित दिशातिर उन्मुख - सत्ता राजनीतिक वृत्तभित्र चर्को अन्तर्विरोध
  » विदेश अध्ययन– प्रभावकारी नीति नियम आवश्यक
  » ओली–प्रचण्ड सम्बन्धको उतारचढाव



 
::| Latest News

 
[Page Top]