युगसम्बाद साप्ताहिक
Yugasambad Saptahik
Saturday, 10.19.2019, 12:20am (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
मुख्य समाचार
 
डा. केसीको अनशनका उपलब्धि
Tuesday, 07.19.2016, 10:32am (GMT+5.5)

काठमाडौं । नेपालको चिकित्सा शिक्षालाई मर्यादित र जनमुखी बनाउने माग गर्दै केही वर्षयतादेखि लगातार आमरण अनशनमा बस्दैआउनुभएका त्रिवि चिकित्सा शास्त्र अध्ययन संस्थानका प्रा.डा. गोविन्द केसीले गत आइतबारदेखि आठौंपटक अनशन थाल्नुभएको छ । यतिबेला उहाँको स्वास्थ्यस्थिति अत्यन्तत नाजुक बन्दैगएको छ । पटकपटक अनशन बसेर सरकारले सम्झौता गर्दैआएको छ । उहाँले राख्नुभएका माग धेरै पूरा भएका छैनन्, तर जति पूरा भए र कार्यान्वयनमा जान थालेका छन् । 

यतिबेला उहाँ सातौंपटकको अनशन तोड्दा भएको सहमति कार्यान्वयनसहित अख्तियार दुरुपयोग अनुसन्धान आयोगका प्रमुख आयुक्त लोकमानसिं कार्कीलाई महाभियोग लगाउन माग राखेर अनशन सुरु गर्नुभएपछि यसले अनेक भ्रम सिर्जना गर्ने प्रयास भएको छ । डा. केसीको अभियानमाथि नै ठूलो प्रश्नचिन्ह उठ्ने गरी समाचार विवरण सार्वजनिक भएका छन् । के डा. केसीको आन्दोलन निरर्थक र भ्रम मात्रै हो त ? पक्कै पनि हैन, उहाँले उठाउनुभएका सवालहरूको गहन विश्लेषण नै नगरी क्षणिक र व्यक्तिगत लाभका लागि बिरोध हुने गरेको छ । 

अहिले डा. केसीको आन्दोलनले विद्यार्थी विदेश पठाउनेलाई बल पु¥याएको भन्ने हल्ला चल्न थालेको छ । तर, यथार्थमा उहाँको अभियान नेपाल वा विदेश जहाँ भए पनि अयोग्यले पैसा तिरेकै भरमा डाक्टरी डिग्री पाउन नसकोस् भन्नका लागि हो र यसमा सरकारी पहल सुरु भैसकेको छ । जस्तासुकै विद्यार्थी विदेश गएर डाक्टर बनेर आउने काम यसै वर्षदेखि रोकिंदैछ । डा. केसीको अनशनको उद्देश्य जनताको स्वास्थ्य खतरामा नपरोस् भन्ने हो । अयोग्य विद्यार्थीहरूले डाक्टरी पढेका कारण नागरिकको पाइरहेको दुःख हामी सबैले देखेको, सुनेकै छौं । अहिले अख्तियारले नै नक्कली डाक्टरहरू पक्राउ गरिरहेको सन्दर्भमा उहाँको आन्दोलनको उपादेयता बढेको छ ।

त्यसै गरी उहाँका कारण नेपालको मेडिकल शिक्षा फष्टाउन सकेको छैन भन्ने आरोप पनि लागेको छ । तर यथार्थता के हो भने अभियान नभइदिएको भए अहिले कम्तिमा ३० निजी मेडिकल कलेजमा वार्षिक कम्तिमा ५ हजार कम गुणस्तरका चिकित्सक उत्पादन भइरहेका हुने थिए, तीमध्ये आधाभन्दा बढी काठमाडौं उपत्यकामा हुने थिए । तिनीहरूले कस्तो उपचार गर्थे ? 

डा. केसीमाथि अर्को आरोप छ– उहाँका कारण स्वास्थ्य शिक्षाको क्षेत्रमा निजी क्षेत्र फस्टाउन सकेन र उदार अर्थतन्त्रसँग उहाँका मागको तालमेल छैन । वास्तवमा उहाँको अभियानका कारण नेपालको चिकित्सा शिक्षा क्षेत्रमाथि अस्तित्वकै संकट आउनबाट बचाएको छ र गुणस्तर कायम गरेर दिगो रुपमा फस्टाउने बाटो खोलिदिएको छ । महत्वपूर्ण कुरा त के हो भने उदार अर्थतन्त्र भएका सबै विकसित देशमा स्वास्थ्य शिक्षा या त राज्यको पूर्ण स्वामित्वमा छ, वा निजी क्षेत्रमाथि एकदमै चुस्त नियमन छ । उदार अर्थतन्त्र भनेको जसले जे गरे पनि हुने र लगानी गर्न सक्नेले खुलेआम विना पढाइ डाक्टरी डिग्री बेचे पनि केही नहुने भन्ने हैन ।

त्यसो त डा. केसी पटकपटक अनशन बस्ने र सहमति कार्यान्वयन नहुने गरेको भन्ने गरिन्छ । यथार्थमा सहमतिहरू कार्यान्वयन भएका छन् । उदाहरणका लागि अभियान शुरु नभएको भए ३० औं मेडिकल कलेज खुलेर वार्षिक ५ हजार शंकास्पद गुणस्तरका चिकित्सकहरू बनिरहेका हुने थिए, तिनमाथि लगाम लगाउने हैसियत नियामक निकायहरूले गुमाइसकेका हुने थिए । करोडौं लगानी परेका कारण ती डाक्टरहरू ग्रामीण क्षेत्रमा गएर सेवा दिन पनि असमर्थ हुने थिए र गुणस्तरमा भएको सम्झौताका कारण समाजमा यो पेशाप्रति अविश्वास अहिलेभन्दा पनि चुलिने थियो । यो क्षेत्रलाई नियमन गर्न र अहिलेसम्मका उपलब्धि संस्थागत गर्न चिकित्सा शिक्षा नीति अहिले बन्ने क्रममा छ । गएको शैक्षिक सत्रदेखि मेडिकल कोर्सहरूका लागि सिट संख्या र शुल्कको सीमा र मेरिटमा भर्नाजस्ता कुराहरू आंशिक कार्यान्वयन भइसकेका छन् ।



Rating (Votes: )   
Share     Print


Other Articles:
आन्तरिक र बाह्यशक्तिको संलग्नतामा सत्ता गठबन्धन टुटाउने उत्कर्षमुखी कसरत ! (07.14.2016)
सहमतिको नाममा भद्रगोल मच्चाउने तयारी (07.14.2016)
न्यायिक क्षेत्रमा नयाँ इतिहास (07.14.2016)
नियमावली पारितपछि निर्वाचनको सम्भावना बढ्यो (06.21.2016)
विस्फोटनमा परी १४ नेपालीको निधन (06.21.2016)
सयभन्दा बढी कानुन कहिले बन्ला ? (06.21.2016)
युगसम्वाद २९औं वर्षमा प्रवेश (06.21.2016)
नेताले अस्वीकार गरे पनि मधेशमा संविधान कार्यान्वयन (06.21.2016)
संवैधानिक व्यवस्था नै स्थापित हुन नदिने प्रयास जारी (06.14.2016)
आफ्नो हैन, जनताको घरको नक्सा बनाइदिने (06.14.2016)
धर्म प्रचारकहरूका लागि उर्बर समय (06.14.2016)
मधेश आन्दोलन राजधानी भित्रियो (05.17.2016)
मुद्दाले झस्किएको माओवादी एकतातर्फ (05.17.2016)
घुस नपाएपछि भूकम्प पीडितको नाम छुटाइदिए (05.17.2016)
लोकतन्त्रको दशवर्षपछि मुलुक कता जाँदैछ ? (04.27.2016)
२१ महिनाभित्र तीनवटा निर्वाचन गर्न सकिएला (04.27.2016)
आयोगको सक्रियताले माओवादीमा सकस (04.27.2016)
कसले खान्छ करोडौं लिटर पेट्रोलियम ? (04.27.2016)
अकूत सम्पत्ति कमाएको आरोपमा दीक्षित पक्राउ (04.27.2016)
भारतीय रणनीतिमा सरकार परिवर्तनको कसरत ! (04.22.2016)



 
::| Latest News

 
[Page Top]