युगसम्बाद साप्ताहिक
Yugasambad Saptahik
Monday, 10.23.2017, 04:11am (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
मुख्य समाचार
 
भारतसामु संविधान संशोधन गर्छु भन्नुपर्ने किन
Tuesday, 08.29.2017, 11:58am (GMT+5.5)

काठमाडौं । संविधानका अन्तर्वस्तुमा प्रमुख दलहरुबीच सहमति भएदेखि नै असन्तुष्ट रहँदैआएको भारतले अहिले पनि संविधानलाई स्वीकार गरेको छैन । सबै पक्षलाई समेट्ने नाममा भारतले मधेशवादी दलहरुको मागका आधारमा आफ्ना स्वार्थ घुसार्ने दवाव निरन्तर जारी राखेको छ । संविधान घोषणा रोक्न ठूलो दवाल दिएको भारतले संविधान जारी गरेदेखि आफ्ना एजेण्डा समेटिएन भनेर मधेशवादी दलहरुको मागको बहाना बनाएर असन्तुष्टि प्रकट गर्दै आएको छ । संविधान जारी भएपछि नाकाबन्दी नै लगायो ।
९० प्रतिशतभन्दा बढी जनप्रतिनिधिले समर्थन गरेको संविधान मधेशवादीका लागि भारतको एजेण्डा नै मधेशी जनताको एजेण्डा बनाएर अस्वीकर गर्दैआएका छन् र उनीहरुको माग सम्बोधन गर्ने भन्दै ओली सरकारले संशोधन ग¥यो भने देउवाा सरकारले राखेको संशोधन प्रस्ताव असफल भयो । संविधान जारी भैसकेपछि नेपालमा ३ जना प्रधानमन्त्री बनिसके र ती सबैले भारतको भ्रमण गरे अनि सबैलाई सहमत बनाएर संविधान कार्यान्वयनमा जाने बताए । भारतले संविधानप्रति देखाइरहेको असन्तुष्टिलाई नेपालका प्रधानमन्त्रीहरुले आशीर्वादका रुपमा लिंदै उनीहरुको माग अनुसार गर्ने बचन दिंदैआएका छन् । केपी ओली प्रधानमन्त्री बन्दा संविधान संशोधन गरेर भारत जानुभएको थियो र त्यतिबेला उहाँले मधेशवादीको माग पूरा भएको बताउनुभएको थियो ।
मधेशवादी दल राष्ट्रिय जनता पार्टीको माग अनुसार संविधान संशोधन गरेर भारतको भ्रमणमा जाने सोच बनाउनुभएका प्रधानमन्त्री शेरबहादुर देउवाले भदौ ५ गते सोमबार संसदबाट संशोधन प्रस्ताव असफल भएपछि भारत पुगेर उचित समयमा संविधान संशोधन गर्ने बचन दिनुभयो । भारतको पाँचदिने भ्रमणका क्रममा बिहिबार आयोजित संयुक्त पत्रकार सम्मेलनमा प्रधानमन्त्री शेरबहादुर देउवाले भारतीय समकक्षी नरेन्द्र मोदीलाई नेपालको संविधान संशोधन गर्ने बचन दिनुभयो ।
द्विपक्षीय वार्तापछि देउवा र मोदी संयुक्त पत्रकार सम्मेलनमा भारतीय प्रधानमन्त्री मोदीले दुई चरणमा स्थानीय चुनावको स्वागत गर्दै सबैसँग सम्वाद गर्दै सबैको आकांक्षा समाहित गरी संविधान सफलतापूर्वक लागू गर्ने विश्वास सुझाव दिनुभयो । भारतीय प्रधानमन्त्री मोदीले सबैलाई समेटेर, सबैलाई सन्तुष्ट बनाएर संविधान कार्यान्वयन गर्न सुझावका रुपमा दवाव दिएपछि प्रधानमन्त्री देउवाले दुई तिहाई बहमुत नपुगेकाले संशोधन असफल भएको भन्दै भविश्यमा बहुमत आउँछ र संविधान संशोधन गर्ने प्रतिबद्धता जनाउनुभयो ।
नेपाली जनताका लागि बनेको संविधानमा भारतको यतिबिधि चासो किन भन्ने कुरा जगजाहेर नै छ । भारतले नेपालका आदिवासी, जनजाति, पछडिएका वर्गको नाममा तराईमा भारतीयहरुको हालिमुहाली कायम गर्ने चाहना राखेको छ । हुन त सीमाना जोडिएपछि बढी चासो हुनु स्वाभाविक हो तर, नेपालको तराईको राजनीति बुझिनसक्नु छ । तराईबासी नेपालीहरुको हितका लागि भनेर भारतीय भित्र्याउने र भूमिपुत्र नेपालीलाई अल्पमतमा पार्दै नेपाललाई फिजीकरण हुँदै सिक्किमीकरणको दिशातिर डो¥याउने षड्यन्त्र भैरहेको विश्लेषकहरु बताउँछन् ।
नेपालको सत्ता राजनीति भारतको नियन्त्रणमा छ र भारतले चाहेको र भनेको मान्ने मात्रै प्रधानमन्त्री बन्नसक्छ । देउवाले भारत पुगेर त्यही संकेत दिनुभयो र भारतको आशीर्वाद लिनुभयो । के नेपालका राजनीतिक दलका नेताहरु, सरकारमा रहेकाहरु यसैका लागि परिचालित हुन् त ? भारतको चाहना अनुसार सरकार बन्ने र ढल्ने अनि उसैको खेलमा दलहरु विभाजित हुने, एकता हुने गतिविधि बढिरहेका बेला नेताहरुलाई लाग्ने यस्तो गम्भीर आरोप पूर्ण सत्य पनि मान्न सकिन्न र असत्य पनि । किनभने सत्ता स्वार्थका लागि भारतसामु लम्पसार पर्ने प्रवत्ति बढ्दो छ । यसैको निरन्तरता हो प्रधानमन्त्री शेरबहादुर देउवाले भविष्यमा सबैलाई सहमत गराएर सबैले मान्ने गरी संविधान संशोधन गर्छु भन्ने बचन दिएको ।


Rating (Votes: )   
Share     Print


Other Articles:
लाखौं जनताको बिल्लिबाठ : अवैध बाँधको बितण्डा (08.15.2017)
पाँच वर्षपछि चीनबाट शीर्ष भ्रमण : आजदेखि द्विपक्षीय वार्ता (08.15.2017)
विदेशीको तालिमले कस्तो ऐन बन्ला (08.15.2017)
बाढीपहिरोबाट हालसम्म छदर्जन बढीको मृत्यु (08.15.2017)
संविधान विफल पार्ने खेल रोकिएको छैन (08.08.2017)
राप्रपा विभाजनको अठारौं शृङ्खला (08.08.2017)
राजपाको राजनीतिक बाटो नै अस्पष्ट (08.08.2017)
देउवा सरकार चौतर्फी संकटको घेरामा (07.26.2017)
माओवादी पनि संवैधानिक प्रावधानको विपक्षमा (07.26.2017)
पुनःनिर्माणमा समन्वयको अभाव (07.26.2017)
भोलि स्थानीय तहको दोस्रो चरणको निर्वाचन (06.28.2017)
कुर्सी हत्याउने तालमेलको नतिजा के होला ? (06.28.2017)
किन बन्द गरियो ७६ करोड अनियमितताको फायल (06.28.2017)
राजपा जनताबाट तिरस्कृत : पैतीसवटै जिल्लामा निर्वाध उम्मेदवारी दर्ता (06.22.2017)
रोक्न सकेन अबरोध र बिरोधले (06.22.2017)
युगसम्वाद ३०औं वर्षमा प्रवेश (06.22.2017)
“कार्यकर्ता असल छन्, नेतामा हठ छ” (06.22.2017)
राजपाको निर्णय प्रत्यूत्पादक (06.15.2017)
निर्वाचन बिथोल्न ‘राजपा’को निर्देशित आन्दोलन : देउवा सरकारमाथि भारतको चर्को दवाव ! (06.15.2017)
पुनः मतदानको विवाद र लुरे नजीर (06.15.2017)



 
::| Latest News

 
[Page Top]