युगसम्बाद साप्ताहिक
Yugasambad Saptahik
Monday, 10.23.2017, 04:08am (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
मुख्य समाचार
 
देउवा नै भारतको सर्वाधिक विश्वासको पात्र
Tuesday, 08.29.2017, 11:58am (GMT+5.5)

काठमाडौं । प्रधानमन्त्री देउवाले आगामी निर्वाचनमा दुईतिहाइ स्थानमा जित्न भारतले सहयोग गरोस् उसले चाहेसरहकै संशोधन गर्न आँफू तयार रहेको खुला सन्देश दिनुभएको छ । संविधान संशोधनको मुद्दा सतहमा हेर्दा मधेशी मोर्चा(राष्ट्रिय जनता पार्टीको जस्तो देखिए पनि अन्तर्यमा त्यो भारतीय चाहनाकै उपज थियो भन्ने पनि खुलस्त भएको छ ।  भारतको रणनीतिक उपयोगका लागि राजपा भन्दा अहिलेको सत्तागठबन्धन र नेपाली काङ्गरेसका सभापति देउवा नै सवैभन्दा बढी उपयुक्त भएको निचोडमा नयाँदिल्ली पुगिसकेको आभास हुनथालेको विश्लेषकहरूको धारणा छ ।
विश्लेषकहरू भन्दछन्– नेपाल र भारतबीच झ्याङ्गिँदैगएका जटिल समस्याहरूको स्थायी समाधानका लागि यो भ्रमणले कुनै रचनात्मक योगदान दिएको कुनै अनुभूति छैन । कालापानी, लिपुलेक,सुस्तादेखि लिएर सीमा अतिक्रमणका समस्या वारे कुनै पहल भएको देखिएन भने भारतले अनधिकृत रूपमा बनाएका तटबन्ध र बाँधहरुबाट उत्पन्न भएको डुवानको विकराल समस्या तत्काल भोग्दाभोग्दै पनि भारततिरको बाढीको समस्यालाई पनि त्यसैमा मुछेर पन्छाउने काम भएको छ । नेपाल र भारतबीच हरेक वर्ष व्यापार घाटा चुलिँदो छ । गएको वर्षमा मात्र उसंगको व्यापार घाटा ५ खर्ब ९२ अर्ब नाघेको छ । तर भारतले नेपालको उत्पादनलाई भारत प्रवेशमा निरुत्साहित गरेर अदुवाको निर्यातसमेत रोकेको छ । नेपाललाई कृषि पैदावारको पनि एकाधिकार बनाउने भारतको रणनीतिक गतिविधिलाई यहाँका सत्ताशीनहरूले सघाउँदैआएका छन् । चुलिँदो व्यापार घाटा कम गर्नेबारे कुनै कुरा भएको जानकारीमा छैन । अब त हुँदाहुँदा भारतको नीति आयोगसंग नेपालको योजना आयोगलाई आबद्ध गराएर काम गर्ने सहमति गरिएको छ । राष्ट्रहितका कुरा जसले गर्छ, राष्ट्रघातको विरोध जसले गर्छ उसलाई अन्धराष्ट्रवाददेखि लिएर चीनपरस्तताको पगरी समेत गुथाएर अनेक सञ्जाल प्रयोग गरी दुत्कार गर्ने प्रचलन नै भारतले नेपालमा बसाएको छ । नेपाल र भारतबीचको सम्बन्ध अस्वाभाविक नियतिको भ्रमजालमा फस्दैगएको छ । नेपालमा नियन्त्रित अस्थिरता सिर्जना गरिरहने र वर्षदिन पनि नटिक्ने सरकार प्रमुखलाई बोलाएर आफ्नो रणनीतिक स्वार्थका लागि फसाउँदैजाने भारतको परम्परागत शैलीमा कुनै पनि परिवर्तन नआएको प्रष्ट सन्देश प्रधानमन्त्री देउवाको यो भ्रमणको सन्दर्भले पनि दिएको छ । वैयक्तिक सञ्जाल प्रयोग गरेर यो भ्रमण जति नै सफल रहेको र दुई देशबीचको सम्बन्ध उच्चाइमा पुगेको भनिए पनि भारतले नेपालसंग विगतमा गरेका सहमतिहरू कार्यान्वयनमा नै नआउने गरेको ताजा उदाहरण त भूकम्प पीडितका निम्ति  दिएको सहयोग बचनको पालना नभएकै प्रसङ्गले समेत उजागर गरेको छ । 
राजनीतिक संवाद सूत्रहरूका अनुसार २ नं. प्रदेशका १ सय ३६ स्थानीय तहका लागि आगामी असोज २ गते हुने  निर्वाचनमा पनि प्रधानमन्त्री देउवाको भारत भ्रमणसित सम्बन्धित विषय र संविधान संशोधनको विफलताको विषय प्रमुख राजनीतिक मुद्दा बन्ने देखिएको छ । विगत दुई चरणका निर्वाचनमा अग्रता हाँसिल गरेको नेकपा एमालेका लागि तेस्रो चरणको यो निर्वाचन पनि ठूलै प्रतिष्ठाको विषय भएको छ भने सत्ता नेतृत्वमा रहेको नेपाली कांग्रेसले २ नं. प्रदेशको निर्वाचनबाट क्षतिपूर्ति गर्ने आकांक्षा देखाइरहेको छ । माओवादी केन्द्रले पनि यो निर्वाचनमा एमालेलाई धक्का दिएर पछिपार्ने गुड्डी हाँकिरहेको छ । राजपा अरू अरू मधेश केन्द्रित दलहरूका निम्ति त यो चुनाव राजनीतिक जीवन मरणको विषय नै बनेको छ । उम्मेदवार चयनका निम्ति राजपामा ठूलै विवाद चर्किएको जगजाहेर भैरहेको छ भने कांग्रेस र अरू दलमा पनि उत्तिकै खिचातानी चलेको छ । एमालले धेरै स्थानमा उम्मेदवार चयन गरिसके पनि केही ठाउँमा भने महत्वाकांक्षीहरूबीच तानातानी चलिरहेको छ । २ नं.प्रदेश पूरै डुवानको चपेटामा परेकाले उद्धार र राहतकार्यमा समेत राजनीतिक पक्षधरता देखिएको गुनासो बढेको छ भने भोक, रोग र शोकको पीडामा अझै कमी आएको छैन । तराईका जिल्लाहरूमा निर्वाचनको बेला धनबल र बाहुबलको अधिक प्रयोग हुनेगरेको पूर्व अनुभव हेर्दा यस पटक त्यसको प्रभाव कस्तो रहने हो भन्ने कुतुहलता जनमासमा व्याप्त भैरहेको छ । यो निर्वाचन सकिएको लगतैपछि राष्ट्रिय चाड बडादशैं आउने र त्यसपछि मंसिर १० गते प्रादेशिक र संघीय निर्वाचन एकसाथ गर्ने निर्णय सरकारले गरिसकेकाले अब मुलुकको समग्र ध्यान निर्वाचनतिर नै केन्द्रित हुने भएको छ । चालू संसदमा भ्रष्टाचारमा डामिएकाहरूलाई पनि चुनाव लड्न दिनुपर्छ भनी कानूनी प्राबधान राख्न कांग्रेसी सांसदहरूले गरिरहेको जोडबलको प्रभाव कुन रुपमा देखिने हो भन्ने कुतुहलता पनि आम रुपमा जागृत भैरहेको छ । अब हुने प्रान्तीय र संघीय चुनावका लागि कांग्रेस माओवादी लगायतका संविधान संशोधनवादी दलहरू र संशोधन विरोधी दलहरूबीच  दरो गठबन्धन हुने र संविधान संशोधनका पक्षमा दुईतिहाइ पु¥याउन भारतले सम्बद्ध दलहरूबीच सहकार्य गराउन र भरपुर सहयोग जुटाउन यथेष्ठ कसरत गर्ने  दावी राजनीतिक वृत्तमा गहन चर्चाको विषय बन्न थालेको छ । 


Rating (Votes: )   
Share     Print


Other Articles:
लाखौं जनताको बिल्लिबाठ : अवैध बाँधको बितण्डा (08.15.2017)
पाँच वर्षपछि चीनबाट शीर्ष भ्रमण : आजदेखि द्विपक्षीय वार्ता (08.15.2017)
विदेशीको तालिमले कस्तो ऐन बन्ला (08.15.2017)
बाढीपहिरोबाट हालसम्म छदर्जन बढीको मृत्यु (08.15.2017)
संविधान विफल पार्ने खेल रोकिएको छैन (08.08.2017)
राप्रपा विभाजनको अठारौं शृङ्खला (08.08.2017)
राजपाको राजनीतिक बाटो नै अस्पष्ट (08.08.2017)
देउवा सरकार चौतर्फी संकटको घेरामा (07.26.2017)
माओवादी पनि संवैधानिक प्रावधानको विपक्षमा (07.26.2017)
पुनःनिर्माणमा समन्वयको अभाव (07.26.2017)
भोलि स्थानीय तहको दोस्रो चरणको निर्वाचन (06.28.2017)
कुर्सी हत्याउने तालमेलको नतिजा के होला ? (06.28.2017)
किन बन्द गरियो ७६ करोड अनियमितताको फायल (06.28.2017)
राजपा जनताबाट तिरस्कृत : पैतीसवटै जिल्लामा निर्वाध उम्मेदवारी दर्ता (06.22.2017)
रोक्न सकेन अबरोध र बिरोधले (06.22.2017)
युगसम्वाद ३०औं वर्षमा प्रवेश (06.22.2017)
“कार्यकर्ता असल छन्, नेतामा हठ छ” (06.22.2017)
राजपाको निर्णय प्रत्यूत्पादक (06.15.2017)
निर्वाचन बिथोल्न ‘राजपा’को निर्देशित आन्दोलन : देउवा सरकारमाथि भारतको चर्को दवाव ! (06.15.2017)
पुनः मतदानको विवाद र लुरे नजीर (06.15.2017)



 
::| Latest News

 
[Page Top]