युगसम्बाद साप्ताहिक
Yugasambad Saptahik
Sunday, 12.17.2017, 04:03am (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
मुख्य समाचार
 
किन बजाए प्रकाशको मृत्युमा काखी
Tuesday, 11.28.2017, 11:22am (GMT+5.5)

काठमाडौं । पूर्व प्रधानमन्त्री तथा माओवादी केन्द्रका अध्यक्ष पुष्पकमल दाहाल प्रचण्डका एकमात्र छोरा प्रकाश दाहालको असामयिक निधनलाई धेरैले अस्वाभाविक ठाने । ३६ वर्षको अल्यापुमा निधन भएका दाहालप्रति सहानुभूति राख्नेहरुसंगै ‘खुच्चिङ’ भन्नेहरु देखिए । सामाजिक संजाल  अनलाइनहरुमा त्यस्तै अभिव्यक्ति दिनेहरुको ओइरो नै लाग्यो ।
यस्तो प्रवृत्तिले नेपाली समाजको विकृत रुप मात्र प्रदर्शन गरेको मान्छन् समाजशास्त्रीहरु । मुलुकको बौद्धिक जगतले यो विषयलाई गम्भीरतापूर्वक लिनुपर्ने सुझाव दिएका छन् । किनभने कसैको मृत्युमा दुःख व्यक्त गर्नु मानवीय स्वाभाव हो । तर, प्रकाशको मृत्युलाई लिएर धेरैले धेरैथरि टिप्प्पणी गरे । कसैले ठीक भयो भने, कसैले यो त हुनैपर्ने थियो भने, कसैले पाप धुरीबाट करायो भने । अनि कसैले राजनीतिक रुपमा पनि हेरे । 
के यस्ता प्रतिक्रिया स्वाभाविक हो त ? एकजना प्राध्यापक भन्छन्– ‘यो असाध्यै नकारात्ममक पक्ष हो । अरु लाई दुःख परेका बेला सहानुभूतिपूर्ण दुई शब्द खर्चनुको साटो प्रयोग खुच्चिङ भन्दा आफूलाई पर्दा अरुबाट त्यस्तै अभिव्यक्ति आयो भने त्यसबेला कस्तो महसुस होला ? यो पक्षलाई ध्यान दिइएन, आफूलाई दुःख वा शोक नपर्ने शैलीमा प्रचण्ड परिवारमाथि खनिने काम भयो । यो सम्वेदनहीन चरित्र हो ।’
प्रकाशको मृत्युमा एउटा धुन्धुकारी गयो, एउटा अनपढ–अशिक्षित गयो जस्ता टिप्पणी पनि भयो । वास्तवमा प्रकाशका अवगुणबाहेक गुण केही थिएन त ? पक्कै हैन, उनको सबभन्दा ठूलो गुण भनेको कलिलै उमेरमा बाबुआमाको साथमा लागेर जनयुद्धमा होमिनु हो । उनी र उनका पिता “प्रचण्ड र प्रकाशले चाहेका भए अरु नेताका छोराछोरी जस्तै उनी पनि विदेश जानसक्थे । आज गणतन्त्रको स्वाद लिनेहरुले यो गणतन्त्र ल्याउन प्रकाशको पनि योगदान छ भन्ने बिर्से अनि राजनीतिक आबद्धताका आधारमा प्रतिक्रिया जनाए, कांग्रेस आबद्ध, एमाले आबद्ध वा अरु दलमा आबद्धहरुले चुनावी प्रोपोगण्डा बनाउन खोजे । यो नेपाली समाजको विकृत रुपान्तरणको घातक पक्ष हो ।” एकजनाको तर्क थियो ।
मंसिर ३ गते आइबार विहान नहुँदै । चुनावी प्रचारका क्रममा बिर्तामोडमा रहनुभएका उहाँका एकमात्र पुत्र प्रकाश दाहालको आकस्मिक निधनले उहाँसंगै मुलुकको राजनीतिक वृत्तलाई एकाएक भावुक बनायो । आफ्ना पिताको सचिवालय व्यवस्थापन गर्दै राजनीतिमा सक्रिय प्रकाशको निधनपछि जनयुद्ध र त्यसक्रममा भएकाहरुसंग जोडेर हेरियो । प्रकाशको मृत्युलाई सुखद मान्नेहरु पनि देखिए । सामाजिक सञ्जालमा आएका यस्ता टिप्पणीको कुनै मूल्य छैन र त्यस्तालाई सम्वेदनाहीन बाहेक केही भन्न सकिन्न । अझ कतिसम्म भने प्रकाशका नकारात्मक पक्षलाई लिएर अनेक भिडियो र आलेख तयार भए, सबैले रुचीपूर्वक हेरे, पढे ।
एकजनाको तर्क छ– मृत्यु भैसकेका व्यक्तिको गुण र दोष केलाएर कसले के पाउँछ ? प्रकाशको राजनीतिक जीवन र उनको योगदानको कसैले वास्ता गरेनन् । उनले गरेका गल्ती र उनका कमजोरीहरु मात्र खोतलियो । २०३८ असार १७ गते चितवनमा जन्मिएका प्रकाश  बुवाआमासँगै माओवादी सशस्त्र संघर्षका बेला भूमिगत भए र पढ्न पाएनन् । तर, राजनीतिमा सक्रिय भैरहे । आफ्ना बुबा प्रचण्ड प्रधानमन्त्री हुदाँ वा नहुदाँ स्वकीय सचिवको जिम्मेवारी सम्हाल्दै आएका थिए ।
गणतन्त्र ल्याउन प्रकाशले आफ्नो यौवनावस्थाको सुरुवातबाटै बन्दुक काँधमा हालेर हिंडे । आजको परिवर्तनमा उनको योगदान छ । बिर्सन नहुने पक्ष हो यो । मानव हुनुका नाताले उनको कमजोरी हुन्छन्, गल्ती पनि हुन्छन् । त्यस्ता कमजोरीको शिकार प्रकाश पनि भए । यो सामान्य पक्ष हो । 
प्रकाशका दुई श्रीमती र दुई छोरा छन् । उनका नजिकका साथीहरुको अनुसार प्रकाश खराव मान्छे नभए पनि उनको वैबाहिक जीवनमा उतार–चढाव आउनु दुःखद पक्ष थियो । शान्ति प्रक्रियामा आएपछि बाहिरी रुपमा प्रकाश कतिपय विवादमा तानिए तापनि उनीलाई भित्रबाट चिन्नेहरु उनी खराब मानिस नभई सफा मन भएका इमान्दार र सोझा थिए भन्छन । उनका नजिकका साथीहरु सोझोपनका कारण उनलाई अरुले बिगारेका थिए भन्छन । 
प्रकाश दाहाल प्राविधिक क्षेत्रमा भने अति नै रुचि राख्थे र जानकारी पनि राख्थे । सुरुमा पार्टीको हेक्वार्टरमा उनले कम्युटर सम्बन्धी काममा प्रचण्डलाई ठूलो साथ दिए । नयाँ नयाँ अत्याधुनिक हतियारहरु देखेपछि त्यो सिकिहाल्नुपर्ने उनको स्वभाव थियो । हरेक प्राविधिक विषयहरु उनी जान्न चाहन्थे र चाँडै सिकिहाल्थे । 
शान्ति प्रक्रियामा आएपछि र अहिलेसम्म आइपुग्दा प्रकाशले प्राविधिक ज्ञानमा आफ्नो रुची र दक्षता दुबै देखाए । सामाजिक सञ्जाल मार्फत सूचना प्रवाहमा पनि प्रकाशलाई अब्बल मानिन्थ्यो । कम्प्युटरमा रुचि र जानकार भएकोले प्रकाशले सधैजसो वुवा पुष्पकमल दाहाल प्रचण्डको चुनवी सभाको वा अन्य कुनै कार्यक्रमको फेसबुक लाइभ गरिरहन्थे । उनले गर्ने फेसबुक लाइभ धेरै पत्रकारहरुको सूचनाको स्रोत बन्ने गरेको थियो । यस्ता कुराहरु प्रकाशलाई अरुले सिकाउनै पर्दैनथ्यो, उनी आफैं सिक्थे ।
बुबा प्रचण्ड प्रधानमन्त्री हुदाँ वा नहुदाँ स्वकीय सचिवको जिम्मेवारी सम्हाल्दै आएका थिए । प्रकाशलाई एक कुशल व्यवस्थापकको रुपमा लिइन्छ । उनलाई आफ्नो भन्दा पनि बुवा प्रचण्ड, पार्टी र राष्ट्रिय हित एवं स्वार्थका बारेमा बढी सोच्ने व्यक्तिका रुपमा उनी निकट रहेकाहरुले बताउने गरेका छन् । पछिल्लो समयमा प्रचण्ड प्रधानमन्त्री भएका बेला प्रकाश दाहालले निकै परिपक्व भूमिका खेलेका थिए ।
के पनि भनिन्छ भने माओवादीभित्र प्रचण्ड र बाबुरामवीचको अन्तरविरोध अहिलेमात्रै नभएर भूमिगत कालमा पनि बढ्ने गथ्र्यो । दुई नेतावीच अन्तरविरोध हुँदा प्रचण्ड र बाबुरामलाई मिलाउने भूमिकामा धेरै पटक प्रकाशले नै निभाएका थिए ।त्यस्तै पुत्र वियोगमा प्रचण्ड रोएको देखेर १७ हजार मान्छे मार्दा आँसु नआउने आफ्नो छोरा मर्दा भनेर खिसी गरियो । १७ हजार मान्छे प्रचण्डले मारेका हुन् । १० वर्षे जनयुद्धमा राज्य र माओवादी दुबैबाट मान्छे मारियो, कति भीडन्तमा मरे, कति शंकाका भरमा मरे, कति आफ्नो शक्ति देखाउन मारिए । दुबै पक्ष उत्तिकै दोषी छ ? तत्कालीन सरकारका नेतृत्वकर्ताहरु कम दोषी छैनन् । विद्रोही दलको नेताको हैसियतले प्रचण्ड पनि दोषी छन् । तर, के त्यसको बदला लिने शैलीमा उनको छोराको मृत्युमा खुसी हुने त ? मृत्युलाई राजनीतिक रंग दिनु बौद्धिकताको दरिद्रपन बाहेक केही हैन । नेपाली समाजको यो कुरुपलाई त्याग्नैपर्छ । 


Rating (Votes: )   
Share     Print


Other Articles:
बाम गठबन्धन वेनाम लोकतान्त्रिक गठबन्धन (11.28.2017)
निर्वाचन बिथोल्ने प्रायोजित गतिविधि विस्तार : आशंका र भय एकसाथ उत्पन्न (11.24.2017)
उम्मेदवार र मतदातालाई जोगिनै गाह्रो (11.24.2017)
सुरक्षा रणनीति चुहिएर चुनौति थपियो (11.24.2017)
चुनावी चर्चा - सातपटक प्रधानमन्त्री हुने देउवाको दावी (11.24.2017)
मतदाता प्रभावत पार्ने आआफ्नै दाउमा दलहरु : आर्थिक प्रलोभनमा पार्ने कसरत जारी (11.15.2017)
एक राष्ट्रवादी नेताको महाप्रस्थान (11.15.2017)
मतदाता फुरुङ्ग पार्दै उम्मेदवारहरु (11.15.2017)
राज्यशक्तिको दुरुपयोग कसरी रोकिएला ? (11.07.2017)
ढुंगेलको जेलचलान वाम गठबन्धनलाई जवाफ ? (11.07.2017)
घोषणापत्रमा गम्भीर आरोप–प्रत्यारोप (11.07.2017)
वाम एकताले स्थायित्व र स्थिर सरकारको सम्भावना (10.11.2017)
सीमा अतिक्रमण प्रतिकारको बदला लियो : देवनारायण (10.11.2017)
कांग्रेसको चाहनामा मधेशी दलको लोप्पा (10.11.2017)
दुई नं. प्रदेशमा आचारसंहिता उल्लंघनको होड (09.12.2017)
प्रदेश र प्रतिनिधिसभाको तयारी सुरु (09.12.2017)
फैलिदैछ चीनको हात नेपालको विकासमा (09.12.2017)
अब सवै पक्षको ध्यान २ नं. प्रदेशतिर केन्द्रित- एमाले हराउन कांग्रेस–माओवादीबीच तालमेल (09.06.2017)
आचारसंहिताको व्यापक उल्लंघन, जेल हाल्ने आयोगको तयारी (09.06.2017)
कति सुरक्षित गगनचुम्बी भवन (09.06.2017)



 
::| Latest News

 
[Page Top]