युगसम्बाद साप्ताहिक
Yugasambad Saptahik
Sunday, 12.17.2017, 04:05am (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
मुख्य समाचार
 
पहिलो चरणको निर्वाचन सकियो : अस्वस्थ प्रतिस्पर्धा- लोकतन्त्रलाई ठूलो चुनौती
Tuesday, 11.28.2017, 11:23am (GMT+5.5)

काठमाडौं । प्रतिनिधिसभाका १ सय ६५ र ७ प्रदेशसभाका ३ सय ३० सदस्य चयनका लागि  निर्धारित निर्वाचनको पहिलो चरण गत आइतवार सकिएको छ । दोस्रो चरणको निर्वाचन आजको नौ दिनपछि मंसिर २१ गते हुँदैछ । मतगणना दुवै चरणको मतदान प्रक्रिया पूरा भएपछि मात्र सुरू हुने भएकाले मतपेटिकाको सुरक्षाबारे सर्वत्र कुतुहलता जागृत भएको छ । प्रतिनिधिसभाका ३७ र प्रदेशसभाका ७४ सदस्यका निम्ति मैदानमा उत्रिएका ७०२ उम्मेदवारको जीतहारको भविष्य २१ गतेको मतदानपछि एकसाथ हुने गणनाले नै निर्धारण गर्ने छ । नेपालमा संसदको पटक पटक निर्वाचन भए पनि संघीय संरचनाका निम्ति पहिलो पटक भएको निर्वाचनले मुलुकलाई कस्तो भविष्यतिर डो¥याउला भन्ने आम जिज्ञाशा छ । नेपाल लामो समयदेखि राजनीतिक अस्थिरताको चंगुलमा फस्दैआएको छ । निर्वाचनमा समानुपातिक प्रतिनिधित्वको समेत संवैधानिक व्यवस्था भएपछि बहुमतीय स्थिर सरकारको सम्भावना क्षीण भएको र ससाना दलहरूलाई समेटेर सत्ता गठबन्धन गर्ने अनि भागबण्डा र मोलमोलाईका प्रवृत्तिगत अभ्यासले गर्दा अल्पकालमै सत्तासमीकरण बदलिएर चाँडो चाँडो सरकार बदलिने गर्दा स्थिर सरकार पनि बन्न नसक्ने र विकास, समृद्धिको आम चाहना पनि कहिल्यै पूरा नहुने जुन समस्या देखिएको छ यो निर्वाचनको नतिजाले त्यसको निराकरण कसरी गर्ला भन्नेतिर आमचासो बढेको देखिन्छ । देशको ओरालो लागेको अर्थतन्त्र, राजनीतिकरणबाट थिलोथिलो भएको प्रशासनीक संयन्त्र र प्रयोगपरक राजनीतिक पृष्ठभूमिमा निर्वाचनको परिणामपछि संघीय संरचनाले कस्तो गति र रूप लेला भन्नेतिर पनि उत्तिकै चासो बढेको छ । निर्वाचनको क्रममा देखिएको अस्वस्थ प्रतिस्पर्धाले मुलुक राजनीतिक शुद्धीकरणको बाटोमा जानसक्ने सम्भावना पनि क्षीण प्रतीत भएको विश्लेषकहरूको धारणा छ ।
आम निर्वाचनको पहिलो चरणमा उत्साहप्रद जनसहभागिता भएको र शान्तिपूर्ण एवं भयरहित वातावरणमा मतदान सम्पन्न भएको निष्कर्ष निर्वाचन आयोग र गृहमन्त्रालयले निकालेका भए पनि निर्वाचनको पूर्वसन्ध्यामा देशका विभिन्न भागमा भएका बम बिस्फोटनका घटना र केही मतदान केन्द्रमा भएको झडप तथा हवाइ फायरका अनपेक्षित घटनाले दोस्रो चरणको निर्वाचनसम्म पुग्दा के कस्ता असंगत घटनाहरू प्रायोजित हुने हुन् भन्ने आशंका खडा भएको छ । निर्वाचनमा सुरक्षाको प्रत्याभूतिका लागि ६४ हजार सुरक्षाकर्मी परिचालन गरिएको र निर्वाचन बिथोल्न सक्रिय रहेको आशङ्कामा सयौं व्यक्ति गिरफ्तार गरिएको देखिए तापनि सुरक्षा चुनौती विद्यमान नै रहेको देखिएको छ । सिराहामा अज्ञात समूहद्वारा भएको आक्रमणबाट सुरक्षाकर्मी नै घाइते भएको घटनाले निर्वाचनको दिन आइपुग्दासम्म तराईमा के कस्ता विसंगत घटनाहरु प्रायोजित हुने हुन् भन्ने आशङ्का जन्माइरहेको छ । सुरक्षा घेराभित्रको मतदान केन्द्रमा बम बिस्फोटन हुनु, मतदान केन्द्र नै कब्जा गर्नेसम्मका हर्कत हुनु र मतपेटिकामा नै एसिड छरेर खसेको मतपत्र जलाउनु सामान्य घटना होइनन् । स्थानीय तहको निर्वाचनमा भन्दा यस पटक मतदानमा कम प्रतिशत जनसहभागिता देखिनु भयजन्य वातावरणको सिर्जना वा मतदाताहरूबीच उत्पन्न उदासिनता अथवा अरू नै कारण के हुन् ? त्यसको निर्क्योल हुन बाँकी नै छ । निर्वाचन पर्यवेक्षणका निम्ति ४५ हजार ५ सय  व्यक्ति खटिएका  र तिनले दिने प्रतिवेदन सत्य तथ्यको नजिक हुने अपेक्षा गरिए पनि पहिलो चरणको निर्वाचन पर्यवेक्षणको नतिजा आउन बाँकी नै छ । निर्वाचनको पूर्व सन्ध्यामा निर्वाचन पर्यवेक्षणका निम्ति क्रियाशील स्वतन्त्र संस्था राष्ट्रिय निर्वाचन पर्यवेक्षण समितिहरूले निर्वाचन आचारसंहिताको निरन्तर उल्लंघन भैरहेको र सरकार नै सवभन्दा बढी आचारसंहिताको उल्लंघनकर्ता  रहेको  खुलाशा गरेका थिए । 
हाम्रा समाचारसूत्रहरूले विभिन्न जिल्लाबाट दिएको जानकारी अनुसार ३२ जिल्लाका अधिकांश निर्वाचन क्षेत्र र मतदान केन्द्रमा बाम गठबन्धन र लोकतान्त्रिक गठबन्धनबीच नै कडा प्रतिस्पर्धा रहेको देखिए पनि बाम गठबन्धनले बहुमतको स्थिर सरकार दिनसक्ने सम्भावना रहेकाले मतदाताहरू वाम उम्मेदवारहरूप्रति बढी आकर्षित भएको पाइएको छ ।  स्थानीय तहमा परेको मतलाई आधार मानेर विश्लेषण गर्नेहरूले हिमाली र उच्च पहाडी जिल्लामा वाम गठबन्धनको अत्यधिक अग्रता देखिने अनुमान भैरहे पनि यस पटक मतदान प्रतिशत घटेको र मतदाता आकर्षित गर्न आर्थिक चलखेलदेखि लिएर अनेक तिगडमबाजी चलेकाले गणितीय हेरफेर कतिमात्रामा हुने हो भनी पूर्वानुमान गर्न कठीन छ । विगतमा नेपाली कांग्रेसले पटक पटक बहुमतको सरकार बनाउने अवसर पाएको भए पनि स्थायी सरकार दिन र विकासको रथ हाँक्न नसकेको स्थितिबोध गरेका मतदाताहरूले यस पटक वाम गठबन्धनको बहुमतीय स्थिर सरकार बन्नसक्ने अपेक्षाका साथ मतदान गरेको दावी समाचार सूत्रहरूले गरेका छन् । अब दोस्रो चरणको निर्वाचनमा पनि वाम गठबन्धनकै अग्रता कायम हुने पूर्वानुमान समाचार सूत्रहरूले गरिरहेका छन् । अहिलेको सत्ता गठबन्धनलाई यो निर्वाचनले ठूलो धक्का दिने अडकलबाजी भैरहेको छ । सत्ता गठबन्धनले चलाएको ’कम्युनिष्ट अधिनायकवाद’को हौवाले मतदाताहरूबीच कुनै प्रभाव नपारेको राजनीतिक सूत्रहरूको भनाइ छ ।



Rating (Votes: )   
Share     Print


Other Articles:
किन बजाए प्रकाशको मृत्युमा काखी (11.28.2017)
किन भयो कम मतदान ? (11.28.2017)
बाम गठबन्धन वेनाम लोकतान्त्रिक गठबन्धन (11.28.2017)
निर्वाचन बिथोल्ने प्रायोजित गतिविधि विस्तार : आशंका र भय एकसाथ उत्पन्न (11.24.2017)
उम्मेदवार र मतदातालाई जोगिनै गाह्रो (11.24.2017)
सुरक्षा रणनीति चुहिएर चुनौति थपियो (11.24.2017)
चुनावी चर्चा - सातपटक प्रधानमन्त्री हुने देउवाको दावी (11.24.2017)
मतदाता प्रभावत पार्ने आआफ्नै दाउमा दलहरु : आर्थिक प्रलोभनमा पार्ने कसरत जारी (11.15.2017)
एक राष्ट्रवादी नेताको महाप्रस्थान (11.15.2017)
मतदाता फुरुङ्ग पार्दै उम्मेदवारहरु (11.15.2017)
राज्यशक्तिको दुरुपयोग कसरी रोकिएला ? (11.07.2017)
घोषणापत्रमा गम्भीर आरोप–प्रत्यारोप (11.07.2017)
ढुंगेलको जेलचलान वाम गठबन्धनलाई जवाफ ? (11.07.2017)
वाम एकताले स्थायित्व र स्थिर सरकारको सम्भावना (10.11.2017)
सीमा अतिक्रमण प्रतिकारको बदला लियो : देवनारायण (10.11.2017)
कांग्रेसको चाहनामा मधेशी दलको लोप्पा (10.11.2017)
प्रदेश र प्रतिनिधिसभाको तयारी सुरु (09.12.2017)
दुई नं. प्रदेशमा आचारसंहिता उल्लंघनको होड (09.12.2017)
फैलिदैछ चीनको हात नेपालको विकासमा (09.12.2017)
अब सवै पक्षको ध्यान २ नं. प्रदेशतिर केन्द्रित- एमाले हराउन कांग्रेस–माओवादीबीच तालमेल (09.06.2017)



 
::| Latest News

 
[Page Top]