युगसम्बाद साप्ताहिक
Yugasambad Saptahik
Friday, 06.22.2018, 08:59pm (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
मुख्य समाचार
 
राष्ट्रियसभामा बाम गठबन्धनको ४३ सिट
Tuesday, 01.09.2018, 01:22pm (GMT+5.5)

काठमाडौं । स्थानीय निकाय, प्रदेशसभा र प्रतिनिधिसभामा सबभन्दा ठूलो दल बनेको नेकपा एमाले राष्ट्रियसभामा पनि ३० सिटसहित सबभन्दा ठूलो दल बन्नेछ । माओवादी केन्द्र र एमालेबीच एकताभयो नै मुलुकको तीनवटै निकायमा बाम गठबन्धनको झण्डै दुई तिहाई हुनेछ । निर्वाचनको पछिल्लो चरण माघ २४ गते हुने राष्ट्रियसभा निर्वाचनमा बाम गठबन्धन दुई तिहाई संख्या हुने प्रारम्भिक अनुमान छ । कुल ५६ सदस्यमध्ये एकल संक्रमणीय मत प्रणालीका आधारमा वाम गठबन्धनले ४३ र नेपाली कांग्रेसले ५ तथा संघीय समाजवादी फोरम र राजपाले पनि तालमेल कायम राखे ८ सिट र एकल उम्मेदवारी दिए ४–४ सिट जित्न सक्ने देखिन्छ ।
प्रदेशसभा र स्थानीय तहको नतिजाको मतभारका आधारमा एमाले ३० र माओवादीले १३ सिट जित्ने देखिन्छ । राष्ट्रियसभा निर्वाचनको ‘इलेक्टोरल कलेज’मा प्रत्येक प्रदेशबाट को को र कति मतदाता हुने भन्ने प्रष्ट भइसकेको छ । राष्ट्रियसभा निर्वाचन अध्यादेशले प्रत्येक मतदाताको मतभार तोकेको छ । जस अनुसार स्थानीय तहका प्रमुख र उपप्रमुखको मतभार १८ र प्रदेशसभा सदस्यको मतभार ४८ हुने ब्यवस्था छ । एकल संक्रमणीय मत प्रणालीका आधारमा निर्वाचन गर्न एकभन्दा बढी सदस्य निर्वाचन हुने क्लस्टर वा निर्वाचन क्षेत्र चाहिन्छ । 
यस अनुसार प्रत्येक प्रदेशबाट ८ जना निर्वाचित हुने ब्यवस्थामध्ये दलित तर्फ १ जना र अपाङ्गता भएका वा लोपोन्मुख समुदाय मध्येबाट १ जना मात्र सदस्य बन्ने हुँदा यी दुवै सिटमा एकल संक्रमणीय प्रणाली लागू हुन सक्दैन । जतिजना उम्मेदवार भए पनि सबैभन्दा बढी मत ल्याउने उम्मेदवार विजयी हुनेछन् । 
खुलातर्फ निर्वा्चित हुने ३ सदस्य र महिलातर्फ निर्वाचित हुने ३ सदस्य भएकाले यी दुवैलाई छुट्टा छुट्टै क्लस्टर मानी एकल संक्रमणीय मत प्रणालीद्वारा निर्वाचन हुनेछ । यसरी हेर्दा प्रदेश १ मा स्थानीय तहका प्रमुख र उपप्रमुख गरी २७४ मतदाता छन् । उनीहरूको जम्मा मतभार ४६१० हुन आउँछ । त्यसै गरी प्रदेशसभाका ९३ सदस्यको मतभार ४४६४ हुन्छ । यसरी हुन आउने जम्मा मतभार ९०७४ लाई ३ ले भाग गरी आउने अंकमा २ थपेर निर्वाचित हुन चाहिने आवश्यक न्युनतम मत हिसाव गरिन्छ । यस कारण प्रदेश १ मा खुलातर्फ निर्वा्चित हुने ३ जनाले कम्तिमा ३०२६ मत ल्याउनु पर्छ भने महिलातर्फ पनि त्यति नै मत ल्याउनुपर्छ । 
प्रदेश १ मा एमाले एक्लैको जम्मा मतसंख्या ४९३२ छ । कांग्रेसको २१३२ छ भने माओवादीको १०४४ छ । संघीय समाजवादी फोरमको १८२ मत छ भने अन्यको २८८ छ । एमाले र माओवादीले आपसी तालमेल गरेको अवस्थामा यो प्रदेशबाट उनीहरू बाहेक अरू कसैले पनि सिट पाउने सम्भावना छैन । प्रदेश १ का ८ वटै सिट वाम गठबन्धनको पक्षमा जाने देखिन्छ । 
प्रदेश २ मा जम्मा मतसंख्या १००३२ छ र यहाँबाट राष्ट्रियसभा सदस्यमा निर्वा्चित हुन न्युनतम मत ३३४६ ल्याउनु पर्छ । यो प्रदेशमा कुनै पनि दलको एक्लै न्युनतम मत छैन । एमालेको १६५६, कांग्रेसको २४६०, माओवादीको १२८४ छ भने संघीय फोरमको २३१९ र राजपाको २०६४ छ । फोरम र राजपाले आपसी तालमेल गरी एक अर्कालाई प्राथमिकतासाथ मत दिएमा यो प्रदेशमा ८ वटै सिट उनीहरूले नै जित्ने देखिन्छ । 
प्रदेश ३ मा जम्मा मत संख्या ९५२८ छ । यहाँबाट राष्ट्रियसभामा सदस्य निर्वाचित हुन न्युनतम मत ३१७८ ल्याउनुपर्छ । यो प्रदेशमा एमालेको ५०८८, कांग्रेसको २२६८, माओवादीको १७१६ मत छ । यहाँ वाम गठबन्धन कायम रहंदा ८ वटै सिट गठबन्धनको पक्षमा जाने पक्का छ । साझा विवेकशील र स्वतन्त्र समेत गरी ४९२ मतसंख्या रहे पनि यसको भूमिका निर्णायक नहुने देखिएको छ । 
प्रदेश नं ४ मा जम्मा मतसंख्या ५९४० छ । यसमध्ये एमालेको २५२०, कांग्रेसको २३०४, माओवादीको ७५६ छ भने अन्यको ३६० मत छ । ७ प्रदेश मध्ये १ सिट जित्न आवश्यक पर्ने न्युनतम मतसंख्या कांग्रेसले यस प्रदेशमा कटाएको छ । यस आधारमा खुलातर्फ १ र महिलातर्फ १ सिट कांग्रेसले यस प्रदेशबाट जित्ने सम्भावना छ । न्युनतम मतसंख्या १९८२ ल्याउँदा १ सिट जित्न यो प्रदेशमा पर्याप्त हुन्छ । वाम गठबन्धन कायम रहेको अवस्थामा यस प्रदेशबाट बाँकी ६ सिट गठबन्धनले जित्नेछ । 
प्रदेश ५ मा जम्मा मतसंख्या ८१०० छ । यस प्रदेशमा न्युनतम १ सिट जित्न २७०२ मत चाहिन्छ । यहाँ एमालेको ३५१६, कांग्रेसको २१७२, माओवादीको १६४४, फोरमको ३४८, राजपाको ४८ र अन्यको ३७२ मत छ । वाम गठबन्धन भएको अवस्थामा यस प्रदेशका सवै सिट गठबन्धनले जित्ने देखिन्छ । 
प्रदेश ६ मा जम्मा मतसंख्या ५१२४ छ । एकल संक्रमणीय चुनावमा १ सिट जित्न चाहिने न्युनतम मत १७१० हुन आउँछ । यहाँ एमालेको १९३२, कांग्रेसको १५००, माओवादीको १५७२, फोरमको ४८ र अन्यको ७२ मत छ । गठबन्धन कायम रहंदा यस प्रदेशका सवै सिट एमाले र माओवादीले जित्नेछन् । तर, कांग्रेसको पनि १५०० मत रहेको अवस्थामा केहि मत तलमाथि वा बदर भए उसले पनि १ सिट जित्नसक्ने सम्भावना छ । 
प्रदेश ७ मा पनि कांग्रेसले १ सिट जित्न चाहिने न्युनतम मत संख्या कटाएको छ । यस आधारमा यस प्रदेशबाट उसले खुला र महिला तर्फका १–१ सिट जित्ने सम्भावना छ । जम्मा ५७१२ मतसंख्या रहेको यस प्रदेशमा १ सिट जित्न चाहिने न्युनतम मतसंख्या १९०४ हो । यसमध्ये एमालेको २६०४, कांग्रेसको १९८०, माओवादीको १०३२ र राजपाको ९६ मत छ । वाम गठबन्धन कायम रहंदा यस प्रदेशका बाँकी ६ सिट एमाले र माओवादीले बाँडेर लिनेछन् । लोकतान्त्रिक फोरमले जितेका स्थानीय तहको सम्पूर्ण मतभार कांग्रेसमै हिसाव गरिएको छ । 


Rating (Votes: )   
Share     Print


Other Articles:
भाइरलका बिरामीलाई धामीझाँक्री, नौजनाको ज्यान गयो, पुगेनन् स्वास्थ्यकर्मी (01.09.2018)
सरकार गठनमा नियोजित बिलम्ब : बहुमतको सरकार बन्न नदिन ठूलो चलखेल (01.02.2018)
गठबन्धन टुटाउने षड्यन्त्रमा सरकार (01.02.2018)
राजनीतिक विवादको गाँठो फुक्यो तर अलमल कायमै (01.02.2018)
सरकार गठन प्रक्रिया अबरुद्ध ! (12.26.2017)
पार्टी एकीकरण नभए स्थायित्व असम्भव (12.26.2017)
राष्ट्रियसभा गठनमा दलीय रोदन (12.26.2017)
ताजा जनादेशको अवमूल्यन गर्ने धृष्टता (12.19.2017)
अस्थिरताका जडहरु पाखा लागे (12.19.2017)
स्वार्थको परिणाम भोग्यो राप्रपाले (12.19.2017)
गुरुकुल जोगाउन अभियान (12.19.2017)
भारतभक्तिले कांग्रेसलाई डुबायो ! वाम दललाई देश जोगाउने र बनाउने ठूलो अवसर (12.12.2017)
यी नेता हुन्, जसले मतान्तरमा इतिहास रचे (12.12.2017)
चुनाव हार्ने ‘हेवीवेट’हरु (12.12.2017)
देउवाको यो जीतको के अर्थ ? (12.12.2017)
अस्थिरता मच्चाउने बाहिरी षड्यन्त्र ! (12.05.2017)
वाम बहुमतको सरकार बन्न नदिन ठूलै चलखेल (12.05.2017)
मौन अवधि, के गर्नु हुँदैन ? (12.05.2017)
पहिलो चरणको निर्वाचन सकियो : अस्वस्थ प्रतिस्पर्धा- लोकतन्त्रलाई ठूलो चुनौती (11.28.2017)
किन भयो कम मतदान ? (11.28.2017)



 
::| Latest News

 
[Page Top]