युगसम्बाद साप्ताहिक
Yugasambad Saptahik
Sunday, 07.22.2018, 06:51am (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
मुख्य समाचार
 
गम्भीर रोगका औषधिको मूल्यमा मनोमानी
Thursday, 01.25.2018, 12:36pm (GMT+5.5)

काठमाडौं । मुलुकमा स्वास्थ्यसेवा क्षेत्रको विकास जति भए पनि उपचार उति महंगो हुँदै गएको छ । चिकित्सा क्षेत्रको सुधारका लागि भन्दै डा. गोविन्द केसीले १४ पटकसम्म अनसन गरिसक्दा पनि यसमा तात्विक सुधार आएको छैन । चिकित्सा शिक्षा र क्षेत्रमा सामान्य परिवर्तन देखिए पनि यसले गरीबलाई अझै सहज उपचार गर्नसक्ने अवस्था सिर्जित भएको छैन ।
चिकित्सा सेवाको नाममा व्यापार फस्टाइरहेको अहिलेको समयमा औषधिको मूल्यले अरु जटिल बनाएको छ । सामान्य रोगका औषधिको मूल्यले खासै फरक नपारे पनि एक रुपैयाँ पर्नेलाई १० रुपैयाँ समेत लिने गरेका छन् । अर्कोतिर गम्भीर प्रकृतिका रोगका औषधिहरु त दुई हजार प्रतिशत बढी लिनेन गरेको पाइन्छ ।
विशेष गरी मुटु र क्यान्सर रोगका औषधिहरुमा अत्यधिक मूल्य राखिएको छ । स्वास्थ्य मन्त्रालयले हालै गरेको अनुगमनका क्रममा क्यान्सरका कतिपय औषधि लागत मूल्यभन्दा २००० प्रतिशत बढी मूल्यमा बिक्री भइरहेको भेटिएको हो ।
नेपालमा बर्षेनि १५ देखि २० हजार जना क्यान्सरका नयाँ बिरामी थपिदैंगएको आँकलन छ । रोगी थपिंदै जाने, तर उपचार महंगो हुँदै जाँदा धेरैले उपचार नै गराउन नपाई मृत्युको मुखमा पर्नुपरेको छ । मुटु रोगको उपचार सहज बनाउन सरकारले २५ प्रतिशत छुट दिने घोषणा कार्यान्वयनमा आइसकेको छ । तर, क्यान्सरको उपचार भने अत्यन्तै महंगो बनिरहको छ । 
हुन त नेपालमा विकसित देशको तुलनामा क्यान्सरको पहिचान र उपचार कम खर्चिलो हुने बताइए पनि औषधिको विक्रीमा मनोमानी भएका कारण सर्वसाधारणले खर्च थेग्नै नसक्ने गरी अकासिएको हो । परीक्षणका लागि १० देखि १५ हजार रुपैयाँ र उपचारका लागि सरदर १ लाख रुपैयाँसम्म खर्च हुने सरकारको अध्ययन रहे पनि निजी क्षेत्रका अस्पताल भने उक्त रकम पर्याप्त नहुने बताउँछन् । विभिन्न जटिल प्रकृतिका रोग लागेका विपन्न वर्गको उपचारका लागि वार्षिक १ अर्ब रुपैयाँभन्दा बढी खर्च गर्दै आएको बताउने स्वास्थ्य मन्त्रालयले त्यसको ठूलो हिस्सा क्यान्सर रोगीको उपचारमा खर्च भइरहेको जनाएको छ ।
मन्त्रालय मातहतको एक अध्ययन समितिका अनुसार क्यान्सरको परीक्षण र पहिचान, शल्यक्रिया, किमोथेरापी वा रेडियोथेरापी गर्न र औषधि खरिद समेत गरी झण्डै एक लाख रुपैयाँसम्ममा उपचार गर्न सकिन्छ ।
अनियन्त्रित औषधि बजारका कारणले पनि क्यान्सरको उपचार अत्यधिक महँगो बनेको बताउँदै स्वास्थ्य मन्त्रालयका प्रवक्ता डा. श्रीकृष्ण गिरीले कुनैकुनै क्यान्सरका औषधिको मूल्य त लागतको तुलनामा दुई हजार प्रतिशतभन्दा बढी लिएको पाइएको बताउनुभयो । तर, उक्त भनाइ तथ्यसंगत नभएको औषधि उत्पादक तथा विक्रेताहरु बताउँछन् । क्यान्सर लगायतको उपचारका लागि उत्पादन हुने औषधिको कच्चा पदार्थको मूल्यसँगै उत्पादन र परीक्षणको मूल्य नजोडिएकोले पनि केही महँगो देखिने उनीहरुको भनाई छ ।
औषधिका अतिरिक्त उपचारका क्रममा हुने अन्य परीक्षणमा समेत मनोमानी रहेको अधिकारीहरुको भनाइ छ । सरकारको स्वामित्वमा रहेका अस्पताल बाहेक अन्य निजी अस्पतालहरुमा क्यान्सर रोगीको उपचारमा सरदर तीन देखि पाँच लाख वा सोभन्दा बढी खर्च हुने बताइन्छ । तर शल्यक्रियाको तुलनामा किमोथेरापी र रेडियोथेरापीमा खर्चको ठूलो हिस्सा सकिने भएका कारण पनि उपचार महँगो हुन पुगेको नेपाल क्यान्सर हस्पिटल तथा रिसर्च सेन्टरका प्रमुख एवम् क्यान्सर विशेषज्ञ डा. सुदिप श्रेष्ठ बताउनुहुन्छ ।
उहाँका अनुसार अहिलेको सम्पूर्ण क्यान्सर उपचार खर्च सर्वसाधारणका लागि ज्यादै महँगो छ । आफ्नै खर्चमा उपचार खर्च धान्न १०० जना बिरामी मध्ये १०–२० जनालाई पनि मुश्किल पर्छ ।


Rating (Votes: )   
Share     Print


Other Articles:
वाम सरकारको बाटो छेक्ने प्रयास जारी (01.09.2018)
प्रदेश राजधानीको ववण्डर (01.09.2018)
राष्ट्रियसभामा बाम गठबन्धनको ४३ सिट (01.09.2018)
भाइरलका बिरामीलाई धामीझाँक्री, नौजनाको ज्यान गयो, पुगेनन् स्वास्थ्यकर्मी (01.09.2018)
सरकार गठनमा नियोजित बिलम्ब : बहुमतको सरकार बन्न नदिन ठूलो चलखेल (01.02.2018)
गठबन्धन टुटाउने षड्यन्त्रमा सरकार (01.02.2018)
राजनीतिक विवादको गाँठो फुक्यो तर अलमल कायमै (01.02.2018)
सरकार गठन प्रक्रिया अबरुद्ध ! (12.26.2017)
राष्ट्रियसभा गठनमा दलीय रोदन (12.26.2017)
पार्टी एकीकरण नभए स्थायित्व असम्भव (12.26.2017)
ताजा जनादेशको अवमूल्यन गर्ने धृष्टता (12.19.2017)
अस्थिरताका जडहरु पाखा लागे (12.19.2017)
स्वार्थको परिणाम भोग्यो राप्रपाले (12.19.2017)
गुरुकुल जोगाउन अभियान (12.19.2017)
भारतभक्तिले कांग्रेसलाई डुबायो ! वाम दललाई देश जोगाउने र बनाउने ठूलो अवसर (12.12.2017)
चुनाव हार्ने ‘हेवीवेट’हरु (12.12.2017)
यी नेता हुन्, जसले मतान्तरमा इतिहास रचे (12.12.2017)
देउवाको यो जीतको के अर्थ ? (12.12.2017)
वाम बहुमतको सरकार बन्न नदिन ठूलै चलखेल (12.05.2017)
अस्थिरता मच्चाउने बाहिरी षड्यन्त्र ! (12.05.2017)



 
::| Latest News

 
[Page Top]