युगसम्बाद साप्ताहिक
Yugasambad Saptahik
Sunday, 07.22.2018, 06:46am (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
मुख्य समाचार
 
दुराशयपूर्ण भित्री खेल रोकिएको छैन : राष्ट्रियसभा र प्रदेश सरकारतिर ध्यान केन्द्रित
Thursday, 01.25.2018, 12:38pm (GMT+5.5)

काठमाडौं ।  राष्ट्रियसभा निर्वाचनको मिति घोषणा, प्रदेश प्रमुखहरूको नियुक्ति र अस्थायी केन्द्र निर्धारणपछि प्रदेश सरकार र केन्द्र सरकार निर्माणको बाटो खुलेकाले आम नागरिकको ध्यान अब त्यतैतिर तानिन थालेको छ । केन्द्रमा सपथ ग्रहण गरेपछि प्रदेश प्रमुखहरूले अस्थायी राजधानीहरूमा पुगेर प्रादेशिक सांसदहरूलाई सपथ ग्रहण गराइसकेका छन् । विधानतः माघ २१ गते प्रदेशसभाहरूको अधिवेशन सुरू हुँदैछ । संघीय संरचनाको विधिवत प्रयोगको नयाँ चरण सुरू भएको छ । पहिलो पटक बन्नलागेका प्रदेश सरकारहरू र केन्द्रिय सरकार पूरै कांग्रेसविहीन हुने भएको छ । ताजा जनादेशको पालना नगरी संवैधानिक छिद्र र बाहिरी शक्तिको आडमा सत्ता लम्ब्याउन र सकेसम्म वाम गठबन्धन तोडेर सत्तासमीकरणको उपाय खोज्न लालायित कांग्रेसी नेतृत्वले जति नै कसरत गरेको भए पनि अब ऊ पूरै सत्ताबाट बाहिरिने निश्चित देखिएको छ । वाम गठबन्धनले १, ३,४, ५, ६ र ७ नं. प्रदेशमा पूर्ण बहुमतको प्रदेश सरकार बनाउने छन् भने २ नं. प्रदेशमा संघीय समाजवादी फोरम र राष्ट्रिय जनता पार्टीको मिलिजुली सरकार बन्ने निश्चित नै छ । राष्ट्रियसभाका लागि हुने ५६ सदस्यको निर्वाचनमा वाम दलका ४२ सदस्य निर्वाचित हुने आँकडा छ भने कांग्रेसले संसफो र राजपासंग तालमेल गरेर १० सदस्य र संसफो–राजपाले ४ सदस्य जित्ने निश्चित जस्तै छ । मुलुकको संसदीय स्वरूप र सत्ताको स्वरूप पूरै बदलिएपछि केन्द्रदेखि प्रदेश सबैतिर प्रतिपक्षी दल बन्ने नेपाली कांग्रेसले कस्तो भूमिका खेल्ने हो भन्ने कुरा राजनीतिक कुतुहलताको विशेष विषय बनेको छ ।
नेपालको निर्वाचनमा स्थानीय, प्रादेशिक र केन्द्रसम्म सबैतिर पूर्ण बहुमतको हैसियत आर्जन गर्न सफल वामशक्ति ठूलो टाउको दुस्खाइ भएको र उसले आड दिएको पक्ष जनमतबाटै बढारिएकाले भारत नयाँ रणनीति निर्माणमा लागेको     राजनीतिक सूत्रहरूको भनाइ छ । नेपाली जनताको अभिमत र कांग्रेसभित्रकै व्यापक असन्तुष्टिका बाबजुद पनि प्रधानमन्त्री  देउवालाई तत्काल सत्ता नछोड्न र ओली–प्रचण्डबीच दह्रो बन्दैगएको आन्तरिक समझदारी टुटाउन र पार्टी एकीकरणको बाटो रोक्न खेलिएका षडयन्त्रात्मक खेलहरू समयक्रममा विफल देखिए पनि दुराशयपूर्ण भित्री खेल रोकिएको छैन । भारतले रुचाउन छोडेका र समयक्रममा षडयन्त्रकै शिकार बनाएर सत्ताच्युत गरिएका केपी ओलीले भारतले  अमानवीय नाकाबन्दी गरेको बेला देखाएको राष्ट्रिय अडान र भारत निर्भरताको जञ्जिर तोड्न चीनसित विकसित गरेको समझदारीलाई नेपाली जनताले पूरै साथदिएर भावी सरकारको नेतृत्वका लागि जुन अवसर दिएका छन् त्यसको नतिजा निकट भविष्यमा नै देखिँदैछ । ओली–प्रचण्डबीचको विस्तारित समझदारीले सरकार निर्माण र पार्टी एकीकरणको बाटो सजह बन्दै स्वाभाविक गतिमा अगाडि बढेको विकसित घटनाक्रमले नै पुष्टि गर्दैआएका छन् । भारतसंग पनि अब ओली नेतृत्वको भावी सरकारसंग समझदारी विकास गरेर जानुको विकल्प नरहेको ठहर गरेर नै ओली–मोदी संवादको नयाँ चरण सुरूभएको विश्लेषकहरूको अभिमत छ ।
राजनीतिक सूत्रहरूका अनुसार महिला प्रतिनिधित्वका लागि संख्याको सवाल उठाएर समानुपातिक निर्वाचनको नतिजा प्रकाशनसमेत रोक्ने र राष्ट्रियसभाको निर्वाचन नभएसम्म नयाँ सरकार बन्न नसक्ने अत्तो थापेर समय लम्ब्याई त्यसबीचमा एमाले–माओवादीबीच अन्तर्विरोध चर्काउन र बहुमतको स्थिर सरकार बन्न नदिन रचिएको षडयन्त्रले चाहेको नतिजा नदिएपछि मुलुक वाम बहुमतको सरकार बन्ने निश्चित बाटोमा अगाडि बढेको छ । नियोजित रुपमा प्रक्षेपण गरिएका धारणाहरूको प्रभावबाट जनमत निर्देशित राजनीतिक धार नबदलिने सुनिश्चितता बढ्दैगएको छ । एमाले र माओवादीबीच पार्टी एकीकरण नभएसम्म प्रदेश सरकार निर्माण, राष्ट्रियसभाको उम्मेदवार चयन र केन्द्र सरकार निर्माणका लागि उच्च समझदारी विकसित भएको सन्देश प्रवाह भएको छ । दुवै पार्टीका शीर्ष नेताहरू पार्टी एकीकरणका लागि नीति, नेतृत्व र नेताहरूको समुचित व्यवस्थापनदेखि लिएर संगठनात्मक प्रणाली, अन्तरिम विधान, पार्टी कमिटी र जनसंगठनहरूका विषयमा केन्द्रित रहेर कार्यदल समेत बनाई आन्तरिक छलफलमा जुटेका छन् । प्रदेश राजधानीको विवाद चर्काएर वातावरण धमिल्याउने र विषम राजनीतिक परिस्थिति सिर्जना गरी द्वन्द्व विस्तार गराएर बाहिरी हस्तक्षेप बढाउने खेल पनि समानान्तर गतिमा अगाडि बढेको आशंका पनि उत्तिकै छ । राष्ट्रिय राजनीतिले जनमत निर्दे्शित स्वाभाविक गति लिन ठूलो चुनौतीको सामना गर्नुपर्ने अवस्था विद्यमान नै छ ।  


Rating (Votes: )   
Share     Print


Other Articles:
प्रदेश प्रणालीको अभ्यास शुरु, राजधानीको विवादले उग्ररुप (01.25.2018)
गम्भीर रोगका औषधिको मूल्यमा मनोमानी (01.25.2018)
वाम सरकारको बाटो छेक्ने प्रयास जारी (01.09.2018)
प्रदेश राजधानीको ववण्डर (01.09.2018)
राष्ट्रियसभामा बाम गठबन्धनको ४३ सिट (01.09.2018)
भाइरलका बिरामीलाई धामीझाँक्री, नौजनाको ज्यान गयो, पुगेनन् स्वास्थ्यकर्मी (01.09.2018)
सरकार गठनमा नियोजित बिलम्ब : बहुमतको सरकार बन्न नदिन ठूलो चलखेल (01.02.2018)
राजनीतिक विवादको गाँठो फुक्यो तर अलमल कायमै (01.02.2018)
गठबन्धन टुटाउने षड्यन्त्रमा सरकार (01.02.2018)
सरकार गठन प्रक्रिया अबरुद्ध ! (12.26.2017)
पार्टी एकीकरण नभए स्थायित्व असम्भव (12.26.2017)
राष्ट्रियसभा गठनमा दलीय रोदन (12.26.2017)
अस्थिरताका जडहरु पाखा लागे (12.19.2017)
ताजा जनादेशको अवमूल्यन गर्ने धृष्टता (12.19.2017)
स्वार्थको परिणाम भोग्यो राप्रपाले (12.19.2017)
गुरुकुल जोगाउन अभियान (12.19.2017)
भारतभक्तिले कांग्रेसलाई डुबायो ! वाम दललाई देश जोगाउने र बनाउने ठूलो अवसर (12.12.2017)
यी नेता हुन्, जसले मतान्तरमा इतिहास रचे (12.12.2017)
चुनाव हार्ने ‘हेवीवेट’हरु (12.12.2017)
देउवाको यो जीतको के अर्थ ? (12.12.2017)



 
::| Latest News

 
[Page Top]