युगसम्बाद साप्ताहिक
Yugasambad Saptahik
Tuesday, 11.20.2018, 05:16pm (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
मुख्य समाचार
 
खोतल्नुपर्ने दुई षड्यन्त्रात्मक हत्या काण्ड
Wednesday, 05.30.2018, 04:45pm (GMT+5.5)

काठमाडौं । नेपालको राजनीतिमा रक्तपातको लामो शृङ्खला छ । कोतपर्व, भण्डारखाल पर्व जस्ता काण्डदेखि झापा विद्रोह, माओवादी विद्रोह जस्ता रक्तपातको चरण पार गरेर मुलुक गणतन्त्रमा प्रवेश गरेको एक दशक नाघिसकेको छ । नेपालको पछिल्लो राजनीतिक घटनाक्रम २०४६ मा प्रजातन्त्र पुनःस्थापनापछि सुरू हुन्छ । यस अवधिमा ठूलठूला काण्ड मच्चिएका छन् । प्रजातन्त्र पुनःस्थापनासंगै एकाएक उदायीमान वाम नेता मदन भण्डारीको २०५० साल जेठ ३ गते रहस्यमय दुर्घटनामा मृत्यु भयो । भण्डारीसंगै तत्कालीन एमालेका संगठन विभाग प्रमुख जीवराज आश्रितको पनि मृत्यु भयो । त्यसको तथ्यसत्य अहिलेसम्म बाहिर आएको छैन । 
विश्व हल्लाउने अर्को हत्याकाण्ड २०५८ साल जेठ १९ गते शुक्रबार भयो । राजा वीरेन्द्रको वंशविनाश भयो दरबार हत्याकाण्डमा, त्यो पनि रहस्यमै रह्यो । नेपाल एकीकरणकर्ता पृथ्वीनारायण शाहको पालादेखि २४० वर्षको राजतन्त्रको इतिहासमा जनतामाझ अति लोकप्रिय राजाहरू निस्किए । जसमध्येमा पर्दछन स्व. वीरेन्द्र । वीरेन्द्रको वंशविनाश नेपालको राजनीतिका लागि अहिलेको अवस्था ल्याउने सूत्राधार त बन्यो तर, मुलुक बाह्य हस्तक्षेपको शिकार भयो । विदेशीको गुलाम भएर बस्नुभन्दा आफ्नै जनतालाई अधिकार दिएर चुपचाप बस्नु जाति भन्दै प्रजातन्त्र दिएका स्व. राजा वीरेन्द्र नेपाली जनतामाझ अत्यन्त लोकप्रिय थिए । त्यसैले अहिले पनि कुनै न कुनै सन्दर्भमा दरबार हत्याकाण्डको सम्झना आमरूपमा हुने गर्दछ । दरबार हत्याकाण्ड कसले रच्यो ? यसको उद्देश्य के थियो । धेरैको आआफ्नै तर्क छ । तर्क आआफ्नो आस्था अनुसार छ । वस्तुनिष्ठ तर्क वा विश्लेषण कसैको पनि छैन । राज्यले पनि यो घटनाको सत्यतत्थ पत्ता लगाउनुपर्ने दायित्व सम्झेको छैन ।
राजा वीरेन्द्रको सबैसंग मिल्ने स्वाभाव भए पनि राष्ट्रिय स्वाधीनताका पक्षमा दृढ थिए । भारतीय प्रभुत्ववादविरूद्ध प्रशंसायोग्य अडान लिएका कारण नेपाली जनताले गर्वका साथ लिने नाम हो । तर,  भारतीय संस्थापन पक्षलाई सन्तुलित बनाउने कूटनीतिक क्षमता भने देखाउन सकेनन् । तापनि राष्ट्रियताप्रतिको वीरेन्द्रको अडान इतिहासले सधैं सम्झनेछ । राजा वीरेन्द्रले भारतीय आक्रामकताको सामना गरेर नेपाललाई पटकपटक जागाएका छन् । वीरेन्द्र राजा बन्नेबित्तिकै महेन्द्रकालमा संरक्षण पाएका तिब्बती खम्पाहरू विरूद्ध सैन्य कारबाही गरे, जसबाट भारत–अमेरिका दुवै चिढिए । राजपरिवार र भारतको सत्तारूढ गान्धी परिवारबीच कहिल्यै विश्वासको सम्बन्ध रहेन ।
नारायणहिटी राजदबार र नयाँ दिल्लीबीचको तिक्ततापूर्ण सम्बन्धकाबीच तत्कालीन सरकारले २०४५ सालमा चीनबाट विमानभेदी अस्त्रहरू ल्याएपछि भारतले नाकाबन्दी नै लगाइदियो । यो नाकाबन्दी पञ्चायत विरोधी जनआन्दोलनको जग बन्यो र भारतले समर्थन ग¥यो । आन्दोलन मत्थर बनाउन दरबारलाई भुटानको हैसितमा रहने शर्तसहितको सम्झौताको मस्यौदा पठायो । त्यसमा हस्ताक्षर गरेको भए नेपाल भुटानको हैसियतमा पुग्थ्यो र आजसम्म राजतन्त्रको निरन्तरता हुनसक्थ्यो होला । तर, राजा वीरेन्द्रले त्यो काम गरेनन् । नेपाललाई भारतको अघोषित उपनिवेशष बन्नबाट राजा वीरेन्द्रले जोगाए, जनआन्दोलनको भावनाअनुरूप राष्ट्रिय शक्तिहरूसँगै सम्झौता गरेर बहुदलीय प्रजातन्त्रको घोषणा गरे ।
यी र यस्ता काम र अडानहरूका कारण राजा वीरेन्द्र नेपालीको मानसपटलमा सधैं चिरस्मरणीय रहेका छन् । तर प्रश्न यी राजाको परिवारकै वंश विनाश गर्ने को हो ? के छानबिन समितिले भनेजस्तै तत्कालीन दीपेन्द्रले नशाको सुरमा त्यो हत्याकाण्ड मच्चाएका थिए वा बाहिरी शक्तिको हात थियो ? यो रहस्य कुनै न कुनै दिन अवश्य सार्वजनिक होला ?
दरबारमा पारिवारिक भोज चलिरहेका बेला तत्कालीन राजा वीरेन्द्रको वंशनाश हुनेगरी राजपरिवारका १० जनाको हत्या भएको थियो । हत्यामा तत्कालीन राजा वीरेन्द्र, रानी ऐश्वर्य, अधिराजकुमार निराजन, अधिराजकुमारीहरू श्रुति, शान्ति राज्यलक्ष्मी सिंह, शारदा राज्यलक्ष्मी शाह, शाहज्यादी जयन्ती राज्यलक्ष्मी शाह, कुमार खड्गविक्रम शाह र धीरेन्द्र शाहको हत्या भएको थियो ।
घटनामा कोमल शाह, शोभा शाही, कुमार गोरखशमशेर र केतकी चेस्टर घाइते भएका थिए । यो घटनाको छानबिनन समितिले सबैको हत्या गरिसकेपछि तत्कालीन युवराज दीपेन्द्रले आत्महत्या गरेको प्रतिवेदन सार्वजनिक गरेको थियो र हत्याको कारण दीपेन्द्र र देवियानी राणाबीचको प्रेम सम्बन्धलाई विवाहमा परिणत गर्न राजा वीरेन्द्र र रानी ऐश्वर्यको असहमति रहेको बताइन्छ । यो घटना जति रहस्यमय छ यसभित्र अनेक षड्यन्त्र लुकेको आशंका अहिले पनि कायमै छ । जवसम्म हत्याकाण्डको यथार्थ विवरण सार्वजनिक हुँदैनन तबसम्म यस्ता आशंका र तर्कहरू चलिनै रहनेछन् ।
दरबार हत्याकाण्डपछि राजधानीका सडकमा आगो बलेन, टायर बलेन । कारण जनता शोकमा डुबे । केही उत्तैजनक नारा भने लागे । तर, मदन–जीवराजको हत्या –दुर्घटना)पछि एमालेले आन्दोलन ग¥यो । एक दर्जनजतिको ज्यान गयो । एमाले आफैंले छानबिन समिति बनाएर दुर्घटना हैन हत्या भएको निष्कर्ष निकाल्यो । तर, त्यस लगत्तै एमालेकै सरकार बन्यो । त्यो विषय हरायो । एमाले पटकपटक सत्तामा पुग्यो तर पनि त्यो विषयको खोजी गर्ने चासो देखाएन ।
यसरी नै मदन भण्डारीको हत्या रहस्यको पोकोभित्र बन्द गरिएको छ । सो हत्याकाण्डका एकमात्र साक्षी अमर लामाको पनि हत्या भयो । मदन भण्डारी हत्याकाण्ड र दरबार हत्याकाण्ड रहस्यकै पोकोभित्र राखिएको छ । आज एमाले र माओवादीबीच मदन भण्डारीको हत्या (दुर्घटना) भएकै दिन पार्टी एकीकरण भएको छ र झण्डै दुई तिहाई बहुमतको सरकार बनेको छ । यो सरकारले मदन भण्डारी र दरबार हत्या काण्डको छानबिन गरी सत्य तथ्य बाहिर ल्याउन सक्ला ?


Rating (Votes: )   
Share     Print


Other Articles:
यही हो भारतको सदासयता र सहयोग ! (05.30.2018)
डुवानका विषयमा किन गहन कुरा भएन ? (05.15.2018)
मोदी भ्रमणले ल्याएको तरङ्ग (05.15.2018)
राजनीतिमा लागेको जोगी बन्न हैन रैछ (05.15.2018)
सुन तस्करीको डरलाग्दो जालो (05.08.2018)
मोदी नेपाल आउँदै– नाकाबन्दीको पीडा बिर्साउन के गर्लान् ? (05.08.2018)
एकताको अलमल नेताहरुको व्यवस्थापन (05.08.2018)
जनअपेक्षा विपरीत राजनीतिक वातावरण धुमिल बन्दै- पार्टी एकतामा शंकाको कालो बादल (04.24.2018)
“अझै दुई महिना पार्टी एकता हुँदैन” (04.24.2018)
स्थानीय तहलाई अधिकार, कानुनको अभावमा अलपत्र (04.24.2018)
प्रधानमन्त्री ओली भारत भ्रमणबाट सन्तुष्ट : सम्बन्ध सुधारमा परिणामको प्रतिक्षा (04.12.2018)
बाइस वर्षसम्म के हेरेर बस्यौ ? (04.12.2018)
लेनिन दिवसमा पार्टी एकता घोषणा ! (04.12.2018)
नयाँ दिल्लीमा कसरी प्रकट होला नेपालको अडान ? (04.03.2018)
ईयूको चलखेलप्रति गिरिजाको आक्रोश र ओलीको अडान (04.03.2018)
ओलीले मोदीलाई दिएको त्यो जवाफ (04.03.2018)
मोदी नेपाल कहीले आउलान् ? (03.27.2018)
जटिल सम्बन्धका कसिला गाँठाहरू फुकाउने कसरत (03.27.2018)
कि प्रतिवेदन सच्याउ, कि नेपाल छाड (03.27.2018)
किन सेलायो पार्टी एकता ? (03.20.2018)



 
::| Latest News

 
[Page Top]