युगसम्बाद साप्ताहिक
Yugasambad Saptahik
Friday, 09.21.2018, 08:24am (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
मुख्य समाचार
 
मातृभूमिको माया यसरी दर्शाए डा. देवकोटाले
Tuesday, 06.12.2018, 03:23pm (GMT+5.5)

काठमाडौं । कसैलाई थाहा थिएन, हजारौंको ज्यान बचाउने डा. उपेन्द्र देवकोटा उपचार नै नहुने रोगको शिकार हुनेछन् भनेर । यी डाक्टर केवल डाक्टर मात्र हैनन्, महान चिन्तक पनि हुन् । समाजसेवी हुन्, देशभक्त हुन् । नत्र बेलायतको सुविधासम्पन्न उपचार छोडेर क्यान्सरले छटपटिन स्वदेश फर्कने थिएनन्, कति कठिन समयमा पनि आफ्नो जन्मघर जाने चाहना देखाउने थिएनन् । अनि आफूले सानोमा पानी पिएको धाराको पानी पिउने रहर राख्ने थिएनन् ।
मृत्युको निकट पुगे पनि देवकोटालाई देशको चिन्ताले सताउन छाडेन । उहाँलाई भेट्न जाने हरकोहीलाई देशभक्तिको मार्ग अपनाउन सुझाव दिए, नेताहरुले राष्ट्रिय एकता कायम गर्न सुझाव दिए, युवा विद्यार्थीहरुलाई विदेशमा शिक्षा लिए पनि स्वदेश फर्केर मातृभूमिको सेवा गर्न प्रेरित गरिरहे ।
हुन पनि डा. देवकोटा बेलायतको अथाह सम्भावना र अवसर छाडेर स्वदेश फर्के । उनले व्यक्तिगत स्वार्थ मात्र हेरेको भए, आज अर्कै परिस्थिति हुनसक्थ्यो, तर विदेशको अवसरलाई लत्याउने देवकोटा देशभक्तिको नमूना पेश गरे । हो, कमजोरी जसको पनि हुन्छ, डा. देवकोटामा पनि मानवीय कमजोरी थिए होलान्, तर, ती कमजोरीका अगाडि उनको योगदान सगरमाथाको चुचुरो झैं उत्तुंग ठडिएको छ । 
रामायणमा भगवान श्रीरामले भनेका छन् “जननी जन्मभूमिश्च स्वर्गादपि गरियसी”, अर्थात् जन्मदिने आमा र जन्मभूमि स्वर्गभन्दा प्यारो हुन्छ । यस्तै सन्देश दिएका छन् डा. उपेन्द्र देवकोटाले । 
जीवनको अन्तिम क्षणसम्म पनि जननी जन्मभूमिश्च स्वर्गादपि गरियसीको मान्यतामा अडिग डा. देवकोटा जीवनको ऊर्जाशील समयमा पनि देशलाई नै रोजेर स्वदेश फर्के र न्यूरो सर्जनमा क्रान्ति ल्याए । देशभक्ति थिएन भने बेलायतको आवासीय भिसा त्यागेर नेपाल आउने थिएनन् । अनि बिरामी भएर बेलायत पुगेपछि त्यही वा विश्वका उच्चतम् सुविधायुक्त अस्पतालका शैयामा सुस्ताउन सक्थे । झिनो भए पनि जीवनरक्षाको आशा बोकेर थप उपचारका लागि भौतारिन सक्थे । बाँच्नका लागि मरिहत्ते गर्नुभन्दा छोटिँदै गएको जीवनका आखिरी पललाई सार्थक बनाउन आफ्नै मुलुक फर्किने निधो गरे । देश फर्के अनि छटपटिन लागे जन्मथलोको मोहले । 
शनिबार डा. देवकोटाको यो चाहना पूरा गरियो । बेलायतमा हुँदा नै नेपाल फर्केपछि एकपटक जन्मथलो गोरखाको बोहोरागाउँ पुग्ने इच्छा थियो, डाक्टर देवकोटाको । तर गम्भीर स्वास्थ्य अवस्थाका कारण भेन्टिलेटरमा राखेर उपचार गराउनुपर्ने अवस्थाका उनको इच्छा अनुसार जन्मथलो पु¥याउनु कठिन काम थियो । तर, शुक्रबार राति स्वास्थ्य अवस्थाका बारेमा सामाजिक सञ्जालहरुमा भ्रमपूर्ण खबर फैलिएको भोलिपल्टै शनिबार हेलिकप्टरबाट जन्मगाउँ पु¥याइयो ।
डा. देवकोटाको अनुहार हेर्न हजारौंको भी थियो । हेलिकप्टर अवतरण गर्ने ठाउँमा डेढ घण्टाअघिदेखि आफन्त र शुभेच्छुकहरु जम्मा भएका थिए । शुरुमा आएको अल्टिच्युड एयरको हेलिकप्टरमा डाक्टर देवकोटाका तीनजना छोरीहरु मेधा, मञ्जरी र वसुधा तथा न्युरो अस्पतालका एक चिकित्सक थिए भने नेपाली सेनाको नाइन एन एआरआई कलसाइनको भिभिआईपी हेलिकप्टरमा देवकोटा, उहाँकी पत्नी डाक्टर मधु दिक्षित र केही चिकित्सक थिए ।
हेलिप्याड छपक्कै छोप्ने गरी जम्मा भएका शुभचिन्तकको भीड प्रहरीको सहयोगमा पन्छाउँदैस्ट्रेचरमा ६ जनाले बोकेर झण्डै २० मिनेट तल रहेको उनको पुख्र्यौली घरसम्म पु¥याइएको थियो । त्यसअघि नै घरमा छरछिमेक आफन्तजन र शुभचिन्तक जम्मा भैसकेका थिए । देवकोटाको मुख्य धोको भने परम्परागत सिस्नेधाराको पानी खाने थियो । दुई छोरीहरु मञ्जरी र वसुधाले ५–७ मिनेट परेको सिस्नेधाराबाट बोतलमा पानी ल्याए, पत्नी मधुले गिलासमा राखेर खुवाइदिइन ।
पानी पिइसकेपछि देवकोटाको मुहारमा छुट्टै चमक देखिएको काठमाण्डौंबाट आएका चिकित्सक डाक्टर सञ्जय कार्कीले बताए । “सरको इच्छा पूरा भएको छ, हामीले उहाँको मुहारमा चमक देखिएको छ, म घर आइपुगेको छु, आँगनमा थुप्रै मान्छे जम्मा भएका छन् भन्ने उहाँलाई थाहा छ”, कार्कीले पछिल्लो स्वास्थ्य अवस्थाबारे भन्नुभयो, ‘सबैलाई थाहा छ, उहाँको अवस्था चाहिँ गम्भिर नै छ ।’
एकघण्टा आरामपछि देवकोटालाई जसरी घरसम्म ल्याइएको थियो, उसै गरी हेलिकप्टरसम्म लगियो । फर्कने क्रममा घर नजिकैको जयन्तीदेवी मन्दिरको टिका लगाइयो । आफन्त र सयौं शुभेच्छुकको उपस्थितिका विच पतिको पुख्र्यौली थलो पुग्ने इच्छा पूरा गर्न पाएकोमा पत्नी डाक्टर मधु दिक्षितले पनि सन्तोष ब्यक्त गरिन् ।
“बेलायतमा हुँदा पनि गोरखा जाने भन्नुहुन्थ्यो, जटिल अवस्थाका कारण ल्याउन सकेका थिएनौं, आज ल्याइयो, उहाँको इच्छा पूरा भएको छ” मधुले भन्नुभयो ।
डा. देवकोटाले देश र देशबासीका लागि जेजस्तो गरे, त्यो इमान्दार ढंगले गरे ।  देशभक्तिलाई जसरी उजागर गरे, राजनीतिक क्षेत्रमा जसरी चासो देखाइरह– स्थापित राजनीति नेताका लागि समेत ठूलो पाठ हो । उहाँको देशभक्ति, धर्म, संस्कृतिप्रतिको आस्था र सम्मान सबैका लागि प्रेरणादायी रहेको छ ।


Rating (Votes: )   
Share     Print


Other Articles:
हामी हाम्रो निर्णय आफैं गर्न सक्छौं ः प्रधानमन्त्री ओली (06.12.2018)
ट्रम्प र किम शिखर वार्ता (06.12.2018)
खोतल्नुपर्ने दुई षड्यन्त्रात्मक हत्या काण्ड (05.30.2018)
आज संघीय सरकारको पहिलो बजेट (05.30.2018)
यही हो भारतको सदासयता र सहयोग ! (05.30.2018)
मोदी भ्रमणले ल्याएको तरङ्ग (05.15.2018)
डुवानका विषयमा किन गहन कुरा भएन ? (05.15.2018)
राजनीतिमा लागेको जोगी बन्न हैन रैछ (05.15.2018)
सुन तस्करीको डरलाग्दो जालो (05.08.2018)
मोदी नेपाल आउँदै– नाकाबन्दीको पीडा बिर्साउन के गर्लान् ? (05.08.2018)
एकताको अलमल नेताहरुको व्यवस्थापन (05.08.2018)
जनअपेक्षा विपरीत राजनीतिक वातावरण धुमिल बन्दै- पार्टी एकतामा शंकाको कालो बादल (04.24.2018)
“अझै दुई महिना पार्टी एकता हुँदैन” (04.24.2018)
स्थानीय तहलाई अधिकार, कानुनको अभावमा अलपत्र (04.24.2018)
प्रधानमन्त्री ओली भारत भ्रमणबाट सन्तुष्ट : सम्बन्ध सुधारमा परिणामको प्रतिक्षा (04.12.2018)
बाइस वर्षसम्म के हेरेर बस्यौ ? (04.12.2018)
लेनिन दिवसमा पार्टी एकता घोषणा ! (04.12.2018)
ईयूको चलखेलप्रति गिरिजाको आक्रोश र ओलीको अडान (04.03.2018)
नयाँ दिल्लीमा कसरी प्रकट होला नेपालको अडान ? (04.03.2018)
ओलीले मोदीलाई दिएको त्यो जवाफ (04.03.2018)



 
::| Latest News

 
[Page Top]