युगसम्बाद साप्ताहिक
Yugasambad Saptahik
Thursday, 08.22.2019, 09:05pm (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
मुख्य समाचार
 
स्वतन्त्र मधेश गबठन्धन बन्यो ‘जनमत पार्टी’ यूएनपिओको सदस्यता के ?
Monday, 03.18.2019, 04:46pm (GMT+5.5)

काठमाडौं । सरकारसंग ११ बुँदे सहमति गरी नेपालको संविधान प्रदत्त अधिकारको उपयोग गर्ने प्रतिबद्धता जनाएको स्वतन्त्र मधेश गठबन्धनको गतिविधि र यसको नियतमा शंका गर्ने ठाउँ प्रशस्तत छ । सहमतिपछि उनले दिएका अभिव्यक्ति र उनका कार्यकर्ताको व्यवहारले यस्तो स्थिति जन्माएको हो । हुन पनि मधेश अलग देश बनाउने अभियानमा लागेका सिके राउतले नेपालको अखण्ड भूभाग मधेश (तराई) कुनै समय स्वतन्त्र देश थियो र नेपालले सैनिक बलमार्फत यसमाथि कब्जा जमाएको भनेर अन्तर्राष्ट्रिय जगतमा प्रचार गरिरहेका छन् । 
सोमबार लाहानमा सम्पन्न स्वतन्त्र मधेश राष्ट्रिय परिषद्को बैठकले जनमत पार्टी गठन गर्ने निर्णय गरेको छ । ३५ सदस्यीय केन्द्रिय कार्यकारिणी समितिमा डा. सिके राउत राष्ट्रिय अध्यक्ष रहेका छन् । अब गठबन्धनले पृथकतावादी समुहहरुको अन्तर्राष्ट्रिय सञ्जालको सदस्यता लिएको छ । अब उनले त्यो संगठनबाट आफ्नो संस्थाको नाम हटाउँछ कि हटाउँदैन हेर्न बाँकी छ ।
त्यसो त आइतबार सुरु भएको बैठक राष्ट्रिय गानबाट सुरु भएको थियो र सहभागीहरुलाई बैठकमा प्रवेश गर्न नेपाली नागरिकता देखाउनुपरेको थियो । यी दुई कुराले राउत परिवर्तन भएको हो भन्ने देखाउँछ तापनि अरु धेरै र महत्वपूर्ण निर्णय कसरी हुन्छ हेर्न बाँकी छ ।
स्वतन्त्र मधेश गठबन्धन विश्वमा स्वतन्त्रताको संघर्ष गरिरहेका भनिएका समुदाय, क्षेत्रका संस्थाहरुको संगठन अनरिप्रिजेन्टेड नेशन्स एण्ड पिपल अर्गनाइजेशन (युएनपिओ) को सदस्य रहेको छ । युएनपिओले अरु मुलुकबाट अलग हुन चाहिरहेका, स्वायत्त र आत्मनिर्णयको अधिकार खोजिरहेकाहरु (आफूलाई स्वतन्त्र देश भन्ने तर देश नभैसकेको) लाई सदस्यता दिएको छ र यसमा ताइवान, तिब्बत पनि सामेल छ । त्यस्तै पश्चिम बलुचिस्थान, इरानी कुर्दिस्थान लगायतका ४३ देशका संगठनहरु सदस्य छन् । यो संगठनमा आबद्ध भएका पूर्व सदस्यहरुमध्ये कतिपयले अलग देशको मान्यता पाइसकेका छन् ।
यो संगठनले मधेशको स्वतन्त्रता र मधेशी जनताको चाहना भन्दै लामो विवरण समेत राखेको छ । युएनपिओको सदस्य (देश) अल्पसंख्यक, गैरमान्यता प्राप्त राज्यका साथै राजनीतिक, सामाजिक, सांस्कृतिक अधिकारको रक्षाका लागि एकजुट हुने संस्था हो भनेर उसको परिचयमा दिइएको छ । हुन त यो संस्था संयुक्त राष्टसंघजस्तो शक्तिशाली निकाय हैन तर यसले विश्वको ध्यान भने तान्नसक्छ । उसले आफ्नो परिचयमै भनेको छ– “आज ९० प्रतिशतभन्दा बढी संघर्ष अन्तर राज्यको छ र यसलाई पूर्ति गर्नका लागि युएनपिओ स्थापना गरिएको हो । यसले संघर्षरतहरुलाई अन्तर्राष्ट्रिय मञ्च प्रदान गर्नेछ । जसबाट सदस्यहरुले अन्तर्राष्ट्रिय समुदायको ध्यानाकर्षण गराउन र उनीहरुलाई सहयोग गर्न सकुन् ।”
मधेश पनि त्यस्तै संघर्षरत सदस्य भएको बताउँदै उसले वेभसाइटमा लेखेको छ– “मधेश कुनै समय स्वतन्त्र देश रहेको र नेपालको शासनमा आएको” भ्रम सिर्जना गरेको छ । उसले लेखेको छ “नेपाली शासन अन्तर्गत आएपछि मधेशको उपनिवेशीकरण जारी छ । मधेशी सेनाको विघटनसंगै नेपाली सेनामा सामेल हुने मात्र हैन सार्वजनिक सेवामा समेत रोक लगाइएको छ । नेपाल सरकारले पूरै मधेशमा कैयौं सैनिक पोष्ट स्थापना गर्यो र मधेश भूमि कब्जा गरी आफ्ना नागरिकको बस्ती बसाल्यो । यसबाट मधेशी (स्वदेशी) जनतालाई विस्थापित ग¥यो । 
यस्तो संगठनबाट सिके बाहिरिएर संगठनको नाम परिवर्तन गरे भने उनी पक्कै पनि मूलधारको राजनीतिमा आएको र अखण्ड नेपालप्रति प्रतिबद्ध रहेको विश्वास सबैलाई हुनेछ । 
तर फागुन २४ गते सहमति पछि २६ गते जनकपुर पुगेका राउतको समर्थनमा नारा लगाउनेहरुले “मधेश देश निर्माणका लागि संवैधानिक बाटो खुल्यो, अब जनमतसंग्रह हुन्छ” भन्दै खुसीयाली मनाउनुको कारण । त्यसपछि सिके राउतले भाषणा गर्दै “मधेश कहिल्यै नेपालमा छँदै थिएन र अब जनमतसंग्रहबाट मधेश देश निर्माण गरिन्छ” भने । यो भनाइलाई गृहमन्त्री रामबहादुर थापाले अन्तिम भाषण हो, कार्यकर्तालाई थामथुम पार्न यसो भनिएको भनेर स्पष्टिकरण दिए ।
फागुन २६ गते जनकपुर पुगेपछि सुके गुमनाम जस्तै भए । पूर्व राजा ज्ञानेन्द्र शाह जनकपुर र तराईका विभिन्न जिल्ला पुग्दा “राजा आउ देश बचाउँ”को नारा घन्कियो तर सिकेको पक्षमा जनता देखिएनन् । यसबाट पनि सिकेले सिकेको हुनुपर्छ कि उसको लहड वा उसलाई प्रयोग गर्नेहरुको चाहनाले मात्रै नेपाल विखण्डन गर्न सकिंदैन । नत्र उनी अहिले सिंगो तराईमा ‘हिरो’ हुनुपर्ने हो । यसको विपरीत गुमान भएर बस्नुप¥यो । 


Rating (Votes: )   
Share     Print


Other Articles:
शहीद गंगालालको स्मृतिसभा (03.18.2019)
कतै तपाईमा पनि छ कि यस्तो समस्या ? (03.18.2019)
नेकपामा समायोजनकारी निकासको बाटो खुलेन- सकारात्मक नतिजा दिन सरकार विफल (01.01.2019)
राजनीतिकरणको नतिजा दुई तिहाईको सरकारलाई (01.01.2019)
नागरिकताको विषय ख्याल ख्याल हैन (01.01.2019)
राजनीतिक अस्थिरता जारी राख्ने कसरत (12.11.2018)
दुई तिहाईको सरकार, गुटबन्दीको शिकार (12.11.2018)
कहिलेसम्म सहेर बसिरहने सीमामा हस्तक्षेप ? (12.11.2018)
सत्तारुढ र प्रमुख प्रतिपक्षी दलमा फैलदो असन्तोष (11.20.2018)
ओली सरकारको नौ महिना निराशाजनक (11.20.2018)
इपीजी प्रतिवेदनप्रति भारतको आपत्ति (11.20.2018)
सर्वसाधारण जनता बिलखबन्दको स्थितिमा- दशैंको मौकामा कालो बजार मौलायो ! (10.10.2018)
गठबन्धन र एकताको उल्लास हरायो ! (10.10.2018)
दशैं हिन्दुको हैन सबैको चाड हो (10.10.2018)
पुनःअस्थिरता सिर्जनाको अशुभ सङ्केत ! (10.02.2018)
बलात्कार पनि पूँजीवादको उपज (10.02.2018)
संसद अन्त्य बहुचर्चित चिकित्सा विधेयक पेश भएन (10.02.2018)
अस्थिरतावादी शक्तिहरू पुनः जुर्मुराउन थाले- ‘बलियो’ सरकारको निरीहता जताततै उदाङ्ग ! (09.25.2018)
राष्ट्रकवि घिमिरे सयवर्षमा प्रवेश (09.25.2018)
विजय जैलीको विषवमन (09.25.2018)



 
::| Latest News

 
[Page Top]