युगसम्बाद साप्ताहिक
Yugasambad Saptahik
Wednesday, 07.24.2019, 06:20am (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
मुख्य समाचार
 
विकासमा राजनीतिक प्रतिबद्धताको अभाव
Tuesday, 04.30.2019, 01:51pm (GMT+5.5)

काठमाडौं । मुलुकको विकासमा राजनीतिक प्रतिबद्धता नहुँदा स्रोत–साधन समय त्यसै खेर गैरहेको छ । तोकिएको समयमा हुनुपर्ने कुनै काम हुँदैनन् भने कतिपय काम आथिर्गक वर्षको अन्त्यतिर आएर सुरु गर्ने अर्थात् वर्षा लागेपछि सुरु गर्ने प्रवृत्तिमा कुनै सुधार छैन । अर्कोतिर विकासमा पनि राजनीतिक लाभ–हानीको हिसाब गर्नेगर्दा बनाइएका योजनाहरु अधुरै रहन्छन् ।
अब भने देशमा निर्माणको कामले गति लिन थालेको छ । कारण काम गर्नका लागि नभएर कमाउनका लागि हो । आर्थिक वर्षको अन्त्यतिर आएपछि उपत्यका लगायत देशभर विकास निर्माणको कामले द्रुतगति लिएको देखिन्छ । हिउँदमा गर्नुपर्ने काम वर्षा सुरु भएपछि वा हुन लागेपछि थालिन्छ र वर्षा समाप्तिसंगै निर्माण भएका सडक पनि पहिलेकै जस्तो हुन्छ, बजेट सकिन्छ ।
अहिले काठमाडौंका अधिकांश सडकहरुको अवस्था यस्तै छ । कतिपय क्षेत्रमा अब काम सुरु हुन लागेका छन् । काठमाडौंका अधिकांश सडक पानी पर्नासाथ हिलाम्मे र घाम लागेपछि धुलाम्य हुन्छन् । यति मात्र हैन लामो समयदेखि सडक निर्माणका लागि भन्दै खनिएका र सडक छेउमा थुपारिएका निर्माण सामग्रीका कारण कारण खाल्डाखुल्डी र साँघुरिएका छन । हेर्दा राजधानीमा अधिकांश सडक निर्माण क्रममा छन् । तर निर्माण सुरु भएको समयावधि सकिँदासमेत सडकले पूर्णता पाउन सकेको छैन । निर्माणको काम थालेदेखि नै सडक लथालिंग छन् । राजधानी भित्रिने र बाहिरिने मुख्य नाकासंँग जोडिएको त्रिपुरेश्वर–कलंकी–नागढुंगा खण्ड अझै निर्माण पूरा हुन सकेको छैन । यो खण्डलाई चार भागमा विभाजन गरेर ठेक्का लगाइएको छ । ०७२ असार ३१ मा सम्झौता भएको चार खण्डकै ठेक्का सम्झौता सकिएको छ । तर काम भने सकिएको छैन । सडकको अवस्था लथालिंग छ ।
लथालिंग सडकै कारण जाम खेप्नुपर्ने बाध्यता छ । त्यति मात्र होइन । सडक नजिकै घर भएका स्थानीय निर्माणको क्रममा भत्काइएका सडकले गर्दा समस्यामा परेका छन् । मास्क नलगाई सडक वरपर हिँडडुल गर्न सकिँदैन । 
यस्तै, समस्या चाबहिल–जोरपाटी–वाग्मती–साँखु खण्डमा पनि छ । यो सडक खण्डलाई पनि ५ भागमा विभाजन गरेर ठेक्का गरिएको छ । सबैको ठेक्का सम्झौता सकिइसकेको छ । तर निर्माणले गति लिन सकेको छैन । १२ किमि सडकमध्ये बल्ल साढे २ किमि पिच भएको छ । त्यस्तै टुसाल, बौद्धतिर पुरानो ढल फुटेर समस्या थपिएको छ । मुअब्जाको समस्या छ । मुअब्जाको समस्या टुंगिइसकेको छैन, अदालतले जग्गाको पनि मुअब्जा दिन भनेकाले यसको पाटो बाँकी नै छ 
भित्री सडकको हालत पनि उस्तै छ । सडक र नाली बनाएपछि ह्युम पाइप राख्न जथाभावी सडक भत्काइएको छ । जोरपाटी सुन्दरीजलको सडकको अवस्था अत्यन्तै नाजुक छ । सो खण्डमा वैशाख १५) गतेबाट काम सुरु गर्ने भनिएको छ । तीन दशक भयो यो सडक विस्तारको योजना बनेको, काम अघि बढेको जस्तो भएको अनि अबरोधमाथि अबरोध आएको । कहिले कसको अबरोध, कहिले कसको अबरोध हुँदै गर्दा आजको मितिसम्म त्यो सडकको अवस्था नाजुक छ ।
सडक विस्तार तोकिएको मापदण्ड र योजना अनुसार कि आफूखुसी भन्ने बहसले लामो समय खायो भने मुआब्जाको विषय पनि त्यस्तै छ । अहिले यथास्थितिमा सडक मर्मत गर्ने योजना बनेको छ । यो कति जायज भन्ने प्रश्न कायमै छ । सो सडक खण्डमा चर्को राजनीति पनि भएको छ । 
गोकर्णेश्वर नगरपालिका अन्तर्गत पर्ने यो सडकको नाजुक अवस्थाका कारण स्थानीय जनप्रतिनिधि जनताको आक्रोशको शिकार बनिरहेका छन् भने अर्कोतिर राजनीतिकरणको नयाँ नयाँ खेलले सडक विस्तार वा मर्मतको काम झनै अन्योलमा परेको छ ।
जोरपाटी सुन्दरीजल सडक अहिले सत्तापक्ष र प्रमुख प्रतिपक्षी दलको प्रतिष्ठाको विषय बनेको छ । हुन त केही पढेलेखेका र उच्च सरकारी तहमा पुगेर अवकाश लिएका अनि आफूलाई समाजसेवी भनेर प्रचार चाहने केही व्यक्तिहरुले सडक विस्तारका लागि घरजग्गाको मुआब्जा माग गरेर रिट हालेपछि यो काम रोकिएको छ । देशभरकै सडकमा अहिले यस्तै स्थिति छ । 
सर्वोच्च अदालतले मुआब्जा दिएर मात्र सडक विस्तार गर्ने आदेश दिएको भएपछि यहाँ मुआब्जा लिने वा दिने मात्र नभै कसले सडक विस्तार वा मर्मतको जस लिने भन्ने होड समेत चलेको छ । विकासमा ठूलो राजनीतिकरण भएको छ । अहिले सडक यथास्थितिमा मर्मत गर्न सुरु हुने भनिएको छ । अहिले करोडौं रुपैयाँ खर्च गरेर मर्मत ग¥यो अर्को वर्ष उस्तै हुने स्थिति यो सडक खण्डमा पनि छ । 
पछिल्लो समय गोकर्णेश्वर नगरपालिकाले सडकको अवस्थामा सुधार ल्याउन तोकिएको योजना अनुसार नभै साविकमै सडक मर्मत गर्ने भएपछि अरु विवाद उत्पन्न भएको छ । सडक कसरी बनाउने भन्नेमा नगरपालिकाका सदस्यहरु पनि विभाजित छन् । सत्तापक्षका वडा अध्यक्ष तथा सदस्यहरु सडक तोकिएको योजना अनुसार नै बनाउनुपर्छ भन्ने पक्षमा छन् भने नेपाली कांग्रेस पक्षका तथा मेयर र उपमेयर भने तत्काललाई बजेट खेर नजाने गरी बनाउनुपर्छ भन्ने पक्षमा छन् । नगरपालिकाले सोही अनुसारको निर्णय पनि गरिसकेको छ ।
सडक मर्मतको काम सुरु गर्ने सूचना आव्हान भैसकेको छ । स्थानीयबासीका लागि यो सुखद सन्दर्भ हो तापनि वर्षा सुरु हुन लागेपछि हुन लागेको मर्मतले अहिलेकोभन्दा बढी समस्या सिर्जना गर्ने पक्कै छ । पानी पर्न थालेपछि पिच हुने सम्भावना रहँदैन जसले गर्दा सडक अरु नाजुक हुने स्पष्टै छ ।


Rating (Votes: )   
Share     Print


Other Articles:
चिनीया राष्ट्रपतिलाई निम्तो (04.30.2019)
यत्रो राष्ट्रघात, सबै चुपचाप (04.25.2019)
पार्टी एकताले गति लियो- देशको स्थिति आसामान्य ! (04.25.2019)
राष्ट्रपतिको राजकीय चीन भ्रमण यस्ता छन् कार्यक्रम (04.25.2019)
नयाँ वर्षको आरम्भसंगै नयाँ चुनौतिका सकेत- राष्ट्रिय परिस्थिति अन्योलपूर्ण बन्दै (04.16.2019)
भएको काम र भावी योजना ‘शब्दजाल’ मात्रै ! (04.16.2019)
प्रधानमन्त्री ओलीका दुई सम्बोधन कति बदलियो ? (04.16.2019)
लुक्ला विमान दुर्घटना : तीनजनाको मृत्यु (04.16.2019)
सरकार विवादै विवादको कठघरामा- देशभर लाखौं विरामीको विचल्ली (04.10.2019)
प्रधान न्यायाधीश राणाले संगै राजीनामा दिन प्रस्ताव गरेपछि (04.10.2019)
प्रमुख दल गुटबन्दीको शिकार बन्दा (04.10.2019)
हावाहुरी पीडितलाई राहतभन्दा आहत बढी- फोटो चिखेर प्रचार गर्नेहरु नै भेटिए अत्यधिक (04.10.2019)
हावाहुरीका कारण जनधनको अकल्पनीय क्षति (04.04.2019)
न्यून उपलब्धीको महत्वाकांक्षी लगानी सम्मेलन (04.04.2019)
सरकार यी नेपाली कहाँ छन् ? (04.04.2019)
भारतको दादागिरी बिरुद्ध जेनेभामा आवाज (03.28.2019)
नेपालमा ‘रअ’को ब्यूहरचना (03.28.2019)
राजनीतिक सुनिश्चितता अझै सन्देहको घेरामा ! (03.28.2019)
“राजनीति पेशा होइन समाजसेवा हो” (03.28.2019)
स्वतन्त्र मधेश गबठन्धन बन्यो ‘जनमत पार्टी’ यूएनपिओको सदस्यता के ? (03.18.2019)



 
::| Latest News

 
[Page Top]