युगसम्बाद साप्ताहिक
Yugasambad Saptahik
Wednesday, 06.26.2019, 07:52pm (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
मुख्य समाचार
 
विदेश अध्ययन– प्रभावकारी नीति नियम आवश्यक
Wednesday, 06.05.2019, 12:40pm (GMT+5.5)

काठमाडौं । नेपालबाट वर्षेनी दशौं हजार युवाहरु अध्ययनका लागि विदेशिने गर्दछन् र अध्ययनकै लागि वार्षिक अर्बौं रुपैयाँ विदेशिन्छ । वैदेशिक अध्ययनमा जानु आफैंमा नराम्रो कुरा नभए पनि यसलाई कसरी व्यवस्थित र पारदर्शी बनाउने भन्नेतिर कसैको पनि ध्यान गएको पाइँदैन । विशेषतः विदेशमा विद्यार्थीहरु अलपत्र पर्दा त्यसको जिम्मेवारी कसले लिने भन्ने प्रश्न लामो समयदेखि उठिरहेको छ । 
त्यस्तै विदेशमा विद्यार्थी पठाउने परामर्शदाता कम्पनीहरुले पाउने मोटो कमिशन स्वदेश भित्र्याउने र त्यसबाट राष्ट्रिय आयमा टेवा पु¥याउने विषय पनि चर्चामा रहनुपर्ने हो तर परामर्शदाताहरुले व्यवसाय संचालन गरेवापत तिर्ने कर बाहेक अरु कर तिर्दैनन् । शैक्षिक परामर्शदाता कम्पनीहरुलाई अरु बढी जिम्मेवार बनाउन राज्यले स्पष्ट नीति लिनु आवश्यक छ । यसले उनीहरुको जिम्मेवारीबोध बढ्ने र राज्यलाई आयको सबै कर तिरेपछि राज्यको पनि दायित्व बढ्ने हुन्छ ।
अहिले वैदशिक रोजगारी र विदेश अध्ययनका परामर्श र मध्यस्थकर्ताको भूमिका निर्वाह गर्ने कम्पनीहरुजत्तिको आम्दानी गर्ने अरु कोही छैन । यसर्थ यिनीहरुलाई राज्यले स्पष्ट नीति, नियमभित्र बाँधेर समयानुकूल रुपमा अभि बढ्नेन बाटो खोल्नुपर्छ ।
राज्यको आँखा नपर्ने गर्दा अनेक विकृतिहरु भित्रिएका छन् । विदेशमा विद्यार्थी पठाएर उनीहरु जिम्मेवारीबाट मुक्त भएको शैलीमा प्रस्तुत हुने गरेका कतिपय घटनाहरु छन् । पछिल्लो समय अध्ययनका सिलसिलामा अस्ट्रेलिया पुगेका नेपालीहरुमा ठूलो पीडा छ । तीन महिना अघि ‘अस्ट्रेलियन इन्स्टिच्युट अफ बिजनेस एण्ड टेक्नोलोजी‘ (एआईटिबी)को खारेजीपछि त्यहाँ अध्ययनरत एक हजारभन्दा बढी नेपाली अलपत्र परे । अहिले उनीहरु आफू फसेको भन्दै अरण्य रोदन गरिरहेका छन् । उनीहरुको उद्धार र क्षतिपूर्तिका लागि कसैको पहल छैन ।
गलत परामर्श, स्वदेशप्रतिको अविश्वास अनि अति महत्वकांक्षाका कारण नेपाली युवापिढी यसरी नै फस्दै गएका छन् । सुरुमा आँखा चिम्लेर विदेशिने अनि त्यहाँ समस्या परेपछि स्वदेशले केही गरेन भनेर चिच्याउनेहरुको संख्या दिन प्रतिदिन बढिरहेको छ । आफूखुसी विदेश पढ्न जानेहरुको कामको ग्यारेन्टी, अध्ययनको ग्यारेन्टी कसको हो ? सरकारको कि आफू स्वयंको ? हो विदेशिएका आफ्ना नागरिकको जिम्मा सरकारले लिनैपर्छ, उनीहरुको सुरक्षाको राष्ट्रकै हो तर स्वयं विद्यार्थी कति जिम्मेवार ? उनीहरुलाई गलत परामर्श दिएर पठाउने शैक्षिक परामर्शदाता कति जिम्मेवार भन्ने प्रश्नको उत्तर खोज्नैपर्छ ।
यसका लागि सरकारले नै भूमिका निर्वाह गर्नुपर्दछ । सरकारले वैदेशिक अध्ययनका लग स्पष्ट नीति, नियम र करका प्रावधानहरु राखेर कार्य संचालन गर्न दिने हो भने जिम्मेवारी बढ्नेछ । यहाँबाट जे परामर्श पाइएको थियो त्यस्तो वातावरण नपाएपछि विद्यार्थीहरुमा मानसिक समस्या समेत उत्पन्न हुने गर्दछ । यसमा स्वयं विद्यार्थीहरुको दोष कम छैन । विदेशमा दुःख पाइयो, अलपत्र परियो भन्दै संचार माध्यममाा रोइकराई गर्नेहरुको सख्ंया बढ्दो छ । यसको एउटै कारण भनेको सम्बन्धित पक्षको लापरवाही मात्रै हो ।
दोष सरकार र परामर्शदाता अनि विद्यार्थीको मात्र हैन अभिभावकको पनि हो । उनीहरु छोराछोरीलाई अस्ट्रेलिया वा अमेरिका नपठाए समाजमा इज्जत कम भएको ठान्छन् । आफ्ना सन्तानलाई स्वदेशमै सक्षम बनाएर स्वदेशमै सेवा गर्न लगाउनु जत्तिको स्वाभिमानी र गर्विलो काम केही नहुनुपर्नेमा स्वदेशमा बस्यो भने त नालायक ठहरिने हीन सोचमा हुन्छन् ।
अनि यसैको उपज हो– यहाँबाट आँखा चिम्लेर जाने अनि त्यहाँ पुगेपछि सरकारले हेरेन, दूताबासले हेरेन भनेर रोदन गर्नु कत्तिको जायज ? स्वदेशको अवमूल्यन र विदेशको उच्च मूल्यांकनको परिणाम हो अहिलेको परिणती ! स्वदेशको सबै खराब विदेशी भनेको सबै राम्रो देख्ने संस्कार–संस्कृति हामीमा छ । अरुले बोलेको त्यही कुरा राम्रो आफ्नाले बोलेको वा भनेको त्यही कुरा नराम्रो देख्ने गलत प्रवृत्तिको शिकार नै विदेश पलायनको पहिलो कारण हो ।
सरकार कति दोषी ?
यस्तो स्थिति उत्पन्न हुनुमा सरकारको दोष सबैभन्दा बढी छ । आफ्ना युवाहरुलाई स्वदेशमै बस्ने सामान्य वातावरण तयार छ भनेर भन्न नसक्ने र त्यसका लागि केही गर्न नचाहने सरकारहरुको विगतदेखिको नियतले ४० लाखभन्दा बढी युवा श्रमका लागि विदेशिएका छन् भने दशौं लाख अध्ययनका लागि भन्दै बाहिरिएका छन् । वर्षको १७ अर्ब भन्दा बढी रुपैयाँ अध्ययनका लागि विदेशिन्छ । यस्तो दर्दनाक स्थितिको अन्त्य नहुँदासम्म नेपाली युवाहरु शोषित–पीडित भैरहने र दलालहरु मोटाइरहने क्रम जारी रहन्छ ।
अब सचेत हुनुको विकल्प छैन । अगाडि पहिरो छ भन्ने अन्दाज गरेर पाइला चाल्न सकियो भने मात्रै भीरमा गुल्टिनबाट बचिन्छ हैन भने दुर्नियतिको शिकार निरन्तर बनिरहनुपर्नेछ । ती तमाम युवाहरु जो विदेशमा अलपत्र परेका छन्, असाध्यै दुःख पाएका छन् उनीहरुप्रति गहिरो सहानुभूति प्रकट गर्दै सरकारले उनीहरुलाई यो अवस्थासम्म पु¥याउनेहरुबाट क्षतिपूर्ति दिलाएर स्वदेश फर्कने वातावरण बनाइदिए मुलुककै भलो हुने थियो । 


Rating (Votes: )   
Share     Print


Other Articles:
राजधानीमा विप्लवको बम आतंक (05.28.2019)
विप्लवको बम आतङ्कले राजधानीवासी भयभित ! भोलि नयाँ बजेटः व्यापार घाटा ठूलो समस्या (05.28.2019)
सरकारलाई विधेयकको सकस (05.28.2019)
नेपाल र चीन अब धेरै नजिक (04.30.2019)
आफ्नै आँगनमा पराई हुने भए भूमिपुत्रहरु (04.30.2019)
आफ्नै आँगनमा पराई हुने भए भूमिपुत्रहरु (04.30.2019)
विकासमा राजनीतिक प्रतिबद्धताको अभाव (04.30.2019)
चिनीया राष्ट्रपतिलाई निम्तो (04.30.2019)
पार्टी एकताले गति लियो- देशको स्थिति आसामान्य ! (04.25.2019)
यत्रो राष्ट्रघात, सबै चुपचाप (04.25.2019)
राष्ट्रपतिको राजकीय चीन भ्रमण यस्ता छन् कार्यक्रम (04.25.2019)
नयाँ वर्षको आरम्भसंगै नयाँ चुनौतिका सकेत- राष्ट्रिय परिस्थिति अन्योलपूर्ण बन्दै (04.16.2019)
भएको काम र भावी योजना ‘शब्दजाल’ मात्रै ! (04.16.2019)
प्रधानमन्त्री ओलीका दुई सम्बोधन कति बदलियो ? (04.16.2019)
लुक्ला विमान दुर्घटना : तीनजनाको मृत्यु (04.16.2019)
सरकार विवादै विवादको कठघरामा- देशभर लाखौं विरामीको विचल्ली (04.10.2019)
प्रधान न्यायाधीश राणाले संगै राजीनामा दिन प्रस्ताव गरेपछि (04.10.2019)
प्रमुख दल गुटबन्दीको शिकार बन्दा (04.10.2019)
हावाहुरी पीडितलाई राहतभन्दा आहत बढी- फोटो चिखेर प्रचार गर्नेहरु नै भेटिए अत्यधिक (04.10.2019)
न्यून उपलब्धीको महत्वाकांक्षी लगानी सम्मेलन (04.04.2019)



 
::| Latest News

 
[Page Top]