युगसम्बाद साप्ताहिक
Yugasambad Saptahik
Sunday, 10.20.2019, 08:13pm (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
मुख्य समाचार
 
महामण्डले चरित्र प्रदर्शनले गणतन्त्र कति सुरक्षित
Wednesday, 10.02.2019, 05:17pm (GMT+5.5)

काठमाडौं । पञ्चायतकालमा सत्ताको बिरोध गर्नेहरुमाथि तत्कालीन सत्ताले गठन गरेको युवा दस्ता विद्यार्थी मण्डल (जसलाई मण्डले भनिन्छ) आक्रमणमा उत्रन्थे । अहिले गणतन्त्रमा पनि सरकारको बिरोध गर्नेहरुमाथि त्यस्तै चरित्र प्रदर्शन भैरहेको छ । भौतिक आक्रमण सुरु भएको छ । अहिले सत्तापक्षको आक्रमण प्रमुख प्रतिपक्षी दलका नेता र अभियन्ताहरु भएका छन् । 
केही समयअघि बाँकेमा नेपाली कांग्रेसको जागरण अभियानका क्रममा नेकपाका स्थानीय नेताले आक्रमण गर्दा कांग्रेस बाँके जिल्ला सभापतिसहित केही घाइते भए । यो घटना सेलाउन नपाउँदै अस्ति शनिबार नागरिक अभियन्ता ज्ञानेन्द्र शाहीमाथि चितवनमा सांघातिक आक्रमण भयो । उनी गम्भीर घाइते भएका छन् । 
यो घटना लगत्तै तनहुँमा नेपाली कांग्रेसका नेता डा. मिनेन्द्र रिजालमाथि आक्रमणको प्रयास भयो । आइतबार तनहुँको रिसिङ गाउँपालिका भवन शिलान्यासका लागि जानुभएका नेता डा. मिनेन्द्र रिजालमाथि नेकपा कार्यकर्ता आक्रमणको प्रयास गरेका हुन् । सदरमुकाम दमौलीबाट रिसिङ गाउपालिका जाने बाटोमा नेकपाका कार्यकर्ताहरुले उहाँलाई गाउँपालिका कार्यालय जान नदिन बाटोमा रुख ढाल्नुका साथै ढुंगा राखेर अवरोध सिर्जना गरी आक्रमणको प्रयास गरेका थिए ।
आफूमाथि आक्रमणको प्रयास भएपछि नेता रिजालले भन्नुभयो “४–५ ठाउँमा रुख ढालेर, बाटोमा ढुंगा राखेर अवरोध सिर्जना गरेका थिए । हतियार, ढुंगा, लाठीसहित आक्रमण गरे । साथीहरुले जोगाउनुभयो, बचियो । प्रहरी प्रशासनको आडमा उनीहरु आक्रमणमा उत्रिए ।”
गाउँपालिकाको बैठकले सर्वसम्मतिबाट भवनको शिलान्यास कांग्रेसका नेता रिजालबाट गराउने निर्णय गरेको थियो । गाउँपालिकाको निर्णयका विषयमा प्रहरी प्रशासनलाई समेत जानकारी रहेको बताइएको छ । सो गाउँपालिकाको अधिकांश स्थानमा नेपाली कांग्रेस विजयी भएको थियो ।
आफूमाथि आक्रमण भएपछि नेता डा रिजालले यस विषयमा प्रधानमन्त्री र नेकपा अध्यक्षसंग कुनै कुरा नगर्ने बताउँदै शान्ति सुरक्षा जस्तोा विषय सत्तारुढ दलका नेताहरुसँग भिख माग्ने हो र भन्ने प्रश्न गर्नुभएको छ । उहाँले भन्नुभयो “कांग्रेसले जितेको ठाउँमा त सत्तारुढ दलका कार्यकर्ता यसरी उत्रिन्छन् भने अन्य ठाउँमा के होला । तर हामी पनि कमजोर छैनौं भन्ने कुरा हामी देखाउन चाहन्छौं । अहिले मण्डलेकरण दोहोरिएको हामीले महसुस गरेका छौं । यो क्रम रोकिएन भने हामी पनि चुप लागेर बस्दैनौं ।”
ज्ञानेन्द्र शाहीको अभिव्यक्ति र उनले चलाएको भण्डाफोर अभियानमा सत्तारुढ दलका नेता मात्र हेन प्रतिपक्षका नेताहरु पनि मुछिने गरेका छन् । उनी भष्टाचार बिरोधी अभियानमा छन । यस्तै कार्यक्रमका लागि चितवन पुगेका उनलाई गणतन्त्र पक्षधरको आलोचना गर्दै हिँडेको भन्दै साङ्घातिक आक्रमण भयो । भरतपुरको चौविसकोठीमा शाहीको समूहले आयोजना गर्न लागेको कार्यक्रम बिथोलिएपछि बसेको होटलबाट बाहिरिने क्रममा दिउँसो उहाँमाथि आक्रमण भएको हो । जिल्ला प्रहरी कार्यालय चितवनले दिएको जानकारीअनुसार भरतपुरको होटल ग्लोवलबाट बाहिरिने क्रममा बा३ख ८४५८ नंको माइक्रोबसमा आक्रमण भएको हो । युवा समूहले ढुङ्गा, रड, लाठी प्रहार गरी माइक्रोबसभित्र रहेका शाहीसहितको समूहमाथि आक्रमण गरेको हो ।
घाइते शाही चितवन मेडिकल कलेजको उपचारपछि काठमाडौँ ल्याइएको छ । उहाँको अवस्था खतरामुक्त रहेको छ । शाही खुट्टामा चोट लागेको छ भने टाउको र शरीरमा समस्या भएको छ । आक्रमणमा घाइते भएका अन्य दुईको चितवन मेडिकल कलेजमा उपचार भइरहेको छ ।
चितवनका प्रहरी उपरीक्षक मल्लका अनुसार सो क्रममा आक्रमण गर्ने नेकपाका एक जना कार्यकर्तालाई पक्राउ गरिएको छ । त्यसअघि नेपाल कम्युनिष्ट पार्टी (नेकपा) निकट युवाहरूले चौविसकोठीमा शाहीले सम्बोधन गर्ने गरी गर्न लागिएको कार्यक्रम बिथोलेका थिए । झडप हुनसक्ने भन्दै प्रहरीले पनि कार्यक्रम नगर्न आग्रह गरेपछि कार्यक्रम स्थगित भएको थियो ।
ज्ञानेन्द्र शाही ‘नेपालका लागि नेपाली’ अभियानका संयोजक हुन् र उनको यो अभियानमा राष्ट्रका प्रतिष्ठित व्यक्तित्वहरुको संलग्नता छ । शाहीले देशव्यापी दौडाहा गर्दै भ्रष्टाचार, ढिलासुस्ती र बेथितिका बिरुद्ध आवाज उठाइरहका छन् । तर यो काम सत्तापक्षलाई पटक्क पचेको छैन । 
दुई साता अघि बाँकेको नेपालगञ्ज विमानस्थलमा पर्यटनमन्त्री योगेश भट्टराईले जहाज कुराएर यात्रुहरुलाई समस्यामा पारेको भन्दै विमानभित्रै उहाँको आलोचना भएपछि ज्ञानेन्द्र शाहीमाथि सत्तारुढ नेकपाका युवा संगठन आक्रोशित भन्दै उनीमाथि खनिएको थियो । युवा संगठनका विभिन्न जिल्लाले त शाहीलाई जिल्ला प्रवेश निषेध गरेको प्रेस विज्ञप्ति जारी गरेरै घोषणा गरेका थिए । 
शाहीलाई प्रवेश निषेध गर्ने जिल्लामा चितवन पनि पर्दछ । निषेध गरिएको जिल्लामा कार्यक्रम गर्न आएको भन्दै उनीमाथि आक्रमण भएको बुझ्न कठिन छैन । 


Rating (Votes: )   
Share     Print


Other Articles:
सरकारले जनअपेक्षा सम्बोधन गर्न नसकेको जगजाहेर : असन्तुष्टिको लहर अरु चुलिंदो (09.25.2019)
प्रधानमन्त्रीको चिन्ता फेसबुके युवाहरुप्रति (09.25.2019)
माफियाको चंगुलमा स्वास्थ्य सेवा सरकारीमा आईसीयू अभाव निजीमा महंगो (09.25.2019)
डेंगु र स्क्रब टाइफसको प्रकोप (09.25.2019)
निर्दिष्ट गन्तव्यमै विचलनको समस्या - संविधानको सर्वस्वीकार्यतामाथि नै प्रश्न (09.17.2019)
भद्रगोलको भूमरीमा कांग्रेस (09.17.2019)
नागरिकता– बुहारीलाई त दिने नै ज्वाईलाई पनि दिने ! (09.17.2019)
नेपालले चीन र भारतसंग सौदावाजी गरेर लाभ लिन सक्नुपर्छ (09.17.2019)
नेपाल–चीन बहुआयामिक सम्बन्ध (09.10.2019)
‘रअ’को डरलाग्दो प्लान– नेताहरुले पत्तै नपाएको हो ? (09.10.2019)
डेंगु नियन्त्रण गर्न सरकार असफल (09.10.2019)
नेकपामा अध्यक्ष ओलीको एकछत्र रजाइँ ! (08.20.2019)
अप्रतिम स्रष्टा दीक्षितको अवशान (08.20.2019)
कोशी सम्झौता पीडितहरु आन्दोलित (08.20.2019)
नेपाल आएर के गर्लान् जयशङ्करले ? (08.20.2019)
कोशी उच्चबाँधका निम्ति चर्को दवाव- भारतकै कारण तराई डुवेको संसदको निष्कर्ष (07.30.2019)
निर्मलाका लागि किन न्याय महंगो ? (07.30.2019)
‘रअ’ प्रमुखको रहस्यमय भ्रमण (07.30.2019)
तराईमा चरम मानवीय सङ्कट– वित्तीय सङ्कट झनै चुलियो ! (07.22.2019)
छायाँमा बिपी–पुष्पलाल (07.22.2019)



 
::| Latest News

 
[Page Top]