युगसम्बाद साप्ताहिक
Yugasambad Saptahik
Wednesday, 11.20.2019, 07:01am (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
मुख्य समाचार
 
सामान्य जनताको दैनिकी झनै सकसपूर्ण - अस्वस्थकर राजनीतिक अभ्यासको नयाँ श्रृंखला
Tuesday, 10.22.2019, 01:31pm (GMT+5.5)

काठमाडौं । मुलुकमा दुई तिहाइ बहुमतको नेकपा सरकारले २० महिनाको शासनकालमा जनअपेक्षा अनकूलका खासै काम गरेको प्रत्यक्ष अनुभूत नभएको र सामान्य नागरिकको दैनिकी हरहिसाबले कष्टकर बन्दैगएको कटु यथार्थबोध विस्तारित हुँदैगएको छ । प्रधानमन्त्री केपी शर्मा ओलीले ’विकास र समृद्धि’का लागि राष्ट्रले वाञ्छित गति लिएको र ’भ्रष्टाचारमुक्त र सुशासनयुक्त’ वातावरण निर्माणमा सरकार सफल हुँदैगएको जुन जुन शब्दावलीमा दावी गरिरहेपनि ओली सरकार स्थापित हुँदाको बेला र अहिलेको दैनिक उपभोग्य वस्तुको बजार मूल्यबीच मात्रै तुलना गरेर हेर्ने हो सामान्य जनताको दैनिक गुजारा कति सकसपूर्ण बन्दैगएको छ भन्ने प्रष्टै देखिन्छ । विकास र निर्माण क्षेत्रले गतिलिन नसकेको र राष्ट्रिय उत्पादकत्व वृद्धिको लक्षण नै नदेखिएको आर्थिक सूचकाङ्कहरूले प्रष्टै देखाइरहेका छन् । अपूर्व जनउत्साह ,विश्वास र भरोशामा स्थापित भएको ओली सरकारको बीस महिने कार्यकालमा मपाइँवादी शासन सञ्चालनको जुन प्रत्युतपादक शैली देखिएको छ त्यसले जनमानसमा निराशा र वितृष्णाजन्य परिस्थिति मात्रै सिर्जना गरिरहेको छ भने सत्ताधारी दलकै नेताहरूमा समेत व्यापक रूपमा असन्तुष्टि बढ्दैगएको यथेष्ट सङ्केत मिलिरहेको छ ।
आमजनप्रतिक्रिया अहिले के छ भने ओली सरकारको सतहमा यसबीचमा देखिएको सबभन्दा ठूलो उपलब्धि भनेको हालै सम्पन्न चिनिया राष्ट्रपतिको नेपाल भ्रमण नै हो । बाहिरी रुपमा हेर्दा नेपाल र चीन दुबै देशमा कम्युनिष्ट पार्टी सत्तामा रहेको देखिए तापनि राजनीतिक पृष्ठभूमि ,परिवेश र दृष्टिकोणमा आकाशजमिनको फरक रहेकाले तुलनायोग्य र अनुकरणीय अवस्था कही कतै नरहेको यथार्थ छर्लङ्ग  छ । नेपालको स्थायित्व ,विकास र समृद्धिका लागि आन्तरिक स्रोत ,साधन र जनशक्तिको अधिकतम उपयोग गर्ने र चीनको सद्भावपूर्ण दृष्टिकोण एवं उपलब्ध हुनसक्ने पूँजी र प्रविधिको अधिकतम उपयोगका लागि विश्वसनीय वातावरण तयार गर्नमात्रै सक्ने हो भने पनि नेपालले फड्को मार्नसक्ने प्रचूर सम्भावना छ । तर सहमति र सम्झौता भैसकेका विषयलाई द्रूततर कार्यान्वयनको दिशामा लैजाने तत्पतरतामा विगतदेखि नै जुन कमीकमजोरी देखिँदैआएको छ त्यो अव पनि दोहोरिने हो भने पुनः आशाभङ्गकै स्थिति सिर्जना हुनेछ । परनिर्भरताको बाँडफाँट होइन अन्तरनिर्भरता र आत्मनिर्भरताको बाटो अँगाल्न आयात प्रतिस्थापन र निर्यातयोग्य वस्तुको उत्पादन वृद्धितिर लक्षित योजनाको अपरिहार्यता छ । 
राजनीतिक क्षितिजमा यतिखेर जे जस्ता बादल मडारिइरहेका छन् तीनलाई नियाल्दा सत्तारूढ दलभित्रै बढिरहेको खचपच र अन्तर सङ्घर्षको दुष्परिणाम के आउने हो भनी चिन्ता गर्नुपर्ने अवस्था छ । नेकपा एमाले र माओवादी केन्द्रबीच एकता भएको डेढ वर्ष नाघिसके तापनि अन्तरघुलित अवस्था सिर्जित छैन । पोशाक ,पहिरन ,दृष्टिकोण ,अपेक्षामा जताततै एकरूपता देखिएको छैन भागबण्डाको मानसिकताको दुष्प्रभाव सरकारभित्रै व्याप्त छ । एकीकृत पार्टीका दुई अध्यक्षबीच पदीय दायित्व ,अधिकार र पालोपालो सत्ता नेतृत्वका लागि गरिएको भनिएको कथित समझदारीवारे सतहमै देखिँदैआएको खिचलो तमाम कार्यकर्ता र आमजनताका लागि अरूचीकर र अप्रीतिकर बनिरहेको छ । निर्दलीय व्यवस्थामा जस्तै पार्टी विशेष माथिको प्रतिबन्ध र झण्डै हजारको सङ्ख्यामा ’राजनीतिक आस्थाका बन्दी’ थुनाहामा रहेको अवस्थाले राजनीतिक समस्या र चुनौतीको खात लगाइरहेको छ । संसदभित्र र बाहिर दुवैतिर शिथिल र किंकर्तव्य बिमुढ देखिएको
प्रतिपक्षभन्दा पनि सत्तारूढ दलभित्रै सुरू भएको समीकरणको नयाँ खेलको सामना गर्नुपर्ने चुनौती खडाभएको छ । सत्तासहभागी समाजवादी दललाई सरकारबाट बाहिरिन उक्साउने कसरतको परिणाम के आउने हो भन्ने उत्कण्ठा पनि यसबीचमा जागृत भैरहेको छ । ओली सरकारको निर्विकल्पतामाथि विकल्पताको खोजी अस्वस्थकर राजनीतिक अभ्यासकै परिणति रहेकाले मुलुकमा व्याप्त रहेको रन्थमोल र बेथिति कुन चरणमा प्रवेश गर्ने हो भन्ने चिन्ताजन्य प्रश्न क्रमशः खडा हुँदैगएको छ ।    


Rating (Votes: )   
Share     Print


Other Articles:
सभामुखमा डा. तुम्वाहाम्फे कसरी अयोग्य ? (10.22.2019)
शक्तिको आडमा अपराध गर्दाको फल (10.22.2019)
दोहोरिएको प्रतिबद्धता (10.22.2019)
नेपाललाई भूपरिवेष्ठित मुलुक रहन नदिने चीनको प्रतिबद्धता - दुई मुलुकबीचको सम्बन्ध नयाँ युगमा प् (10.15.2019)
“कम्युनिष्ट पार्टीका नेता अनुशासित हुनुपर्छ” (10.15.2019)
यी हुन् नेपाल–चीनबीच बीस समझदारीपत्र (10.15.2019)
भित्रियो घरघरमा दशैं– आम जनताको सास्ती पहिलेकै जस्तो (10.02.2019)
महामण्डले चरित्र प्रदर्शनले गणतन्त्र कति सुरक्षित (10.02.2019)
राष्ट्रकवि घिमिरेले पार गर्नुभो शताब्दी आयू (10.02.2019)
प्रधानमन्त्रीको चिन्ता फेसबुके युवाहरुप्रति (09.25.2019)
सरकारले जनअपेक्षा सम्बोधन गर्न नसकेको जगजाहेर : असन्तुष्टिको लहर अरु चुलिंदो (09.25.2019)
माफियाको चंगुलमा स्वास्थ्य सेवा सरकारीमा आईसीयू अभाव निजीमा महंगो (09.25.2019)
डेंगु र स्क्रब टाइफसको प्रकोप (09.25.2019)
निर्दिष्ट गन्तव्यमै विचलनको समस्या - संविधानको सर्वस्वीकार्यतामाथि नै प्रश्न (09.17.2019)
नागरिकता– बुहारीलाई त दिने नै ज्वाईलाई पनि दिने ! (09.17.2019)
भद्रगोलको भूमरीमा कांग्रेस (09.17.2019)
नेपालले चीन र भारतसंग सौदावाजी गरेर लाभ लिन सक्नुपर्छ (09.17.2019)
नेपाल–चीन बहुआयामिक सम्बन्ध (09.10.2019)
‘रअ’को डरलाग्दो प्लान– नेताहरुले पत्तै नपाएको हो ? (09.10.2019)
डेंगु नियन्त्रण गर्न सरकार असफल (09.10.2019)



 
::| Latest News

 
[Page Top]