युगसम्बाद साप्ताहिक
Yugasambad Saptahik
Sunday, 09.22.2019, 01:43pm (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
मुख्य समाचार
 
दुईतिहाइको दौडमा निर्देशित अवरोध !
Tuesday, 03.20.2018, 11:05am
काठमाडौं ।  प्रधानमन्त्री केपी शर्मा ओलीले एक महिनाको लामो कसरतपछि चैत्र २ गते  विस्तार गरे पनि मन्त्रिपरिषदले अझै पूर्णता पाएको छैन । संघीय संसदमा तीन चौथाइ सांसदको दह्रो समर्थन पाएको बलियो सरकारमा मधेशवादी दल राष्ट्रिय जनता पार्टी र संघीय समाजवादी फोरमको सहभागिता सुनिश्चित भएको सन्देश वारम्वार प्रवाहित हुँदैआए पनि ती दल अझै सरकारमा सामेल भएका छैनन् । ओली सरकारले १८ मन्त्रालय कायम गर्ने तीन हप्ता अगाडिको आफ्नै निर्णय उल्टाउँदै २१ मन्त्रालय पु¥याएर मन्त्रीहरूको संख्या २२ पु¥याउँदा पनि राजपा संसफोको समायोजन बाँकी नै छ । मधेशवादी दलहरूलाई वाम गठबन्धनको सरकारलाई समर्थन गर्न र त्यसमा सामेल हुन भारतले दवाव दिएको र ओली सरकारसंग सहकार्य गर्न खुला रूपले आतुरता देखाउँदै ती दललाई पनि सरकारमा लिन सुझाव दिएको चर्चा राजनीतिक वृत्तमा चुलिए पनि संविधान संशोधनको खिचलो अझै नमिलेकाले यसमा बिलम्ब भैरहेको कथन मधेशी नेताहरूको छ । 

बाम गठबन्धनको मधेश मोहको रहस्य
Tuesday, 03.20.2018, 11:04am
राजनीतिमा असम्भव भन्ने केही हुँदैन’ भन्ने कथन चरितार्थ गर्दै मधेशवादी दलहरूले बामगठबन्धनलाई विश्वासको मत दिएर दुई तिहाई पु¥याइदियो । यो सन्दर्भलाई निकै प्रश्नात्मक रूपमा हेरियो । सरकारले आफ्नै स्पष्ट बहुमत हुँदाहुँदै किन दुई तिहाई चाहियो भन्ने प्रश्न पनि उठे । यद्यपि जसरी जुन रूपमा मधेशवादीहरू एमाले अध्यक्ष तथा प्रधानमन्त्री केपीको नाम समेत सुन्न चाहँदैनथे, अहिले परिस्थिति बदलिएको छ । उनीहरू सत्तारूढ हुन उत्ताउलिएर बसेका छन्, आन्तरिक गृहकार्यमा जुटेका छन् ।
दुईतिहाइको आशमा सरकार विस्तारमा विलम्ब ! संघीय संसदको अधिवेशन प्रारम्भ
Tuesday, 03.06.2018, 02:47pm
संघीय संसदको पहिलो अधिवेशन हिजो सोमवारदेखि औपचारिक रूपमा सुरू भएको छ । निर्वाचन सकिएको तीन महिनापछि मात्र गत आइतवार प्रतिनिधिसभा र राष्ट्रियसभाका सांसदहरूले शपथ ग्रहणको अवसर पाएका थिए ।  राष्ट्रिय, क्षेत्रीय एवं आ–आफ्ना सांस्कृतिक तथा जातीय पहिरनमा सजिएका सांसदहरूले राष्ट्रभाषालगायतका विभिन्न १२ भाषामा शपथ लिएर अनेकतामा एकताको भाव प्रदर्शन गरेका थिए । मुलुक संघीय संरचनामा प्रवेश गरेपछि पहिलो पटक भएको आमनिर्वाचनबाट गठित द्विसदनात्मक संसदको हिजोबाट सुरू भएको अधिवेशनको २६ गते प्रतिनिधिसभाका सभामुख र ३० गते राष्ट्रियसभाका अध्यक्षको निर्वाचन कार्यक्रम तय भएको छ भने प्रधानमन्त्री खड्गप्रसाद शर्मा ओलीले २७ गते विश्वासको मत लिने हुनुभएको छ । २९ गते राष्ट्रपतिको पनि निर्वाचन हुनेभएको छ । सरकार गठन भएको लामो समय वितिसक्दा पनि मन्त्रिपरिषदले  भने अझै पूर्णता पाएको छैन । एउटै पार्टी बनाउने निर्णयमा पुगिसकेका नेकपा एमाले र माओवादी केन्द्रबीच पदीय एवं मन्त्रालयको भागबण्डा मिलिसकेको सन्देश प्रवाह भए पनि संघीय समाजवादी फोरमलाई समेत सरकारमा सामेल गराएर पूर्ण बहुमतको मात्र होइन दुईतिहाइकै सरकार बनाउने प्रयासमा वामगठबन्धनका नेताहरू जुटिरहेका छन् । राष्ट्रिय जनता पार्टीलाई समेत सरकारमा सामेल हुन आग्रह भैरहेको छ । अब संसदीय गतिविधि प्रक्रियागत रुपले नै अगाडि बढ्ने भएपछि पाँच वर्ष टिक्ने आधार खडा भएको अवस्थामा स्थिर सरकारको प्रत्याभूतिका साथ राष्ट्रिय विकास र समृद्धिको बाचाअनुरूपका नीति, योजना र कार्यक्रमको तर्जुमा हुने हो भन्नेतिर आमचासो र उत्सुकता बढेको छ ।  
कांग्रेसमा देउवाको एकलौटी
Tuesday, 03.06.2018, 02:46pm
काठमाडौं । आफ्नै नेतृत्वको सरकारले गराएको स्थानीय, प्रदेश र संघीय निर्वाचनमा नराम्रोसंग पछारिएपछि नेपाली कांग्रेसका सभापति शेरबहादुर देउवाले नैतिकता प्रदर्शन गर्दै नेतृत्वबाट विदा लिनुपर्ने माग उहाँका विपक्षमा रहेका नेताहरुबाट आए पनि अन्ततः उहाँको एकलौटी कायमै रहेको छ ।

महाकालीमा भारतको अर्को बलमिच्याई
Tuesday, 03.06.2018, 02:46pm
काठमाडौं । सुदूरपश्चिमको दार्चुलामा नेपाली भूमि मिचेर सैन्य पोष्ट खडा गरेको भारतले अब सोही जिल्लामा सडक र पुल बनाएर अतिक्रमणको नयाँ चरण सुरु गरेको छ । नेपालमा नयाँ सरकारले आकार लिंदै गर्दा भारतबाट नेपाली भूमि अतिक्रमण गर्दै पुल र सडक बनाइरहेको छ । यो सडक कालापानीमा अतिक्रमित भूमिलाई वैधता दिने गरी सोही स्थानसम्म बनाउन लागिएको हो ।

देउवाले कसैलाई नछोड्ने
Tuesday, 02.20.2018, 11:02am
निवर्तमान प्रधानमन्त्री तथा नेपाली कांग्रेसका सभापति शेरबहादुर देउवाले पार्टीको नेतृत्व अरूलाई सुम्पिने त कुरै छोडौं संसदीय दलको नेतासमेत कसैलाई नछोड्ने हुनुभएको छ । सम्बद्ध सूत्रका अनुसार प्रमुख प्रतिपक्षी दल नेपाली कांग्रेसको संसदीय दलको नेता बन्न काठमाण्डौ– १बाट निर्वाचित नेता प्रकाशमान सिंहले रूची देखाए पनि देउवा स्वयं उम्मेदवार बन्ने तयारीमा रहनुभएको छ । 
दुई पार्टीबीच एकताको सहमति मन्त्रिमण्डल विस्तारको ढोका खुल्यो
Tuesday, 02.20.2018, 11:02am
काठमाडौं । नेकपा एमालेका अध्यक्ष खड्गप्रसाद ओलीले पदभार ग्रहण गरेको भोलि एकहप्ता पुग्दैछ । लामो कसरतपछि पनि एमाले र माओवादी केन्द्रबीच पार्टी एकताको साइत नजुरेपछि मन्त्रिमण्डलसमेत विस्तार भैरहेको विलम्ब पनि हटेको छ । सोमबार साँझ दुई पार्टीबीच एकताको ७ बुँदे सहमति भएको छ । यो सहमतिले उत्पन्न अनेक आशंका चिरेको छ । प्रधानमन्त्रीको सरकारी निवास बालुवाटारमा भएको दुई दलको एकता संयोजक समितिको बैठकले नयाँ पार्टीको नाम नेपाल कम्युनिष्ट पार्टी राख्ने निर्णय गरेको हो । एकतामा भएको विलम्बले सरकारको पूर्णतामा समेत अनेक आशंका भैरहेको थियो । किनभने सातवटै प्रदेशमा मुख्यमन्त्री, सभामुख र उपसभामुखको चयन भैसकेको र मन्त्रीहरूसमेत नियुक्त हुँदैगरेको अवस्था छ । भौतिक पूर्वाधारविनाका प्रदेश सरकारहरूका लागि कर्मचारीहरूको बन्दोबस्तसमेत अपुरै छ । अधिकार सम्पन्न स्थानीय सरकारका रूपमा व्याख्या गरिएका स्थानीय तहहरूले समेत निश्चित मार्ग अवलम्बन गर्न सकेका छैनन् । यो पृष्टभूमिमा जतिसक्यो चाँडो केन्द्र सरकारलाई पूर्णता दिएर तिनै हतका सरकारका बीच समन्वय कायम गरेर मुलुकलाई विकास र समृद्धिको बाटोतिर अग्रसर गराउनु अपरिहार्य छ । 
के के ग¥यो कांग्रेस सरकारले ?
Tuesday, 02.20.2018, 11:01am
काठमाडौं । आलोचना, आरोप, बिरोधकाबीच शेरबहादुर देउवा नेतृत्वको सरकारले बिदा लिएर नयाँ सरकार गठन भएको छ । नेपाली कांग्रेसको नेतृत्वमा माओवादी, राप्रपा सम्मिलित सो सरकारले तमाम अपजसका बीच एउटा ऐतिहासिक काम भने सम्पन्न गरेको छ । सरकारले संविधानतः निश्चित अवधिमा सम्पन्न गर्नुपर्ने तीनवटै तहको निर्वाचन सम्पन्न गरेर ढिला भए पनि सत्ता हस्तान्तरण गरेको छ । 

सीमा अतिक्रमण : सबैले देख्ने, सरकारले नदेख्ने
Tuesday, 01.30.2018, 02:57pm
काठमाडौं । नेपालको दक्षिण छिमेकी मुलुक भारतले पटकपटक नेपाली भूमि अतिक्रमण गर्दैआएको छ । पूर्वदेखि सुदूरपश्चिमसम्म नेपाली भूमि अतिक्रमण गरेको भारतले छिल्लो समय नयाँ सीमा स्तम्भ राख्ने नाममा वीरगञ्ज महानगरपालिकाको छपकैयामा ५० विघा नेपाली भूमि मिचेको आम संचारमा तथ्यसहति बाहिर आए पनि सरकार मौन रहेका बेला दुई विद्यार्थी संगठनले भारतले नेपाली भूमि मिचेको तथ्य सार्वजनिक गरेका छन् ।
प्रदेश सरकारमा बाम गठबन्धनको सहमति : केन्द्रीय सरकार बन्नु अघि नै पार्टी एकता
Tuesday, 01.30.2018, 02:57pm
काठमाडौं । राष्ट्रियसभाको निर्वाचन प्रकरणले केन्द्रीय सरकार गठन प्रक्रियालाई ओझेलमा पारे पनि प्रदेश सरकार गठनका लागि पार्टी एकीकरणको आन्तरिक कसरतमा जुटेका नेकपा एमाले र माओवादी केन्द्र उच्च समझदारी विस्तार गर्दै प्रदेश सरकार प्रमुखहरू र सभामुख–उपसभामुख चयनका लागि निर्णायक बिन्दुमा पुगेको सन्देश प्रवाह भएको छ । विगतका अनेक तीता प्रसंगहरूलाई किनारा लगाएर आम निर्वाचनको पूर्वसन्ध्यामा पार्टी एकीकरणको सकारात्मक सन्देशसमेत दिँदै वामगठबन्धन गरी एउटै घोषणापत्रमा मैदानमा उत्रिएका एमाले र माओवादीले अब २ नं. प्रदेश बाहेकका ६ वटै प्रदेशमा वाम बहुमतको सरकार बनाउने निश्चित भएको छ भने केन्द्रमा एमालेका अध्यक्ष केपी ओलीको नेतृत्वमा बामबहुमतको सरकार बन्ने उत्तिकै निश्चित देखिएको छ । एमाले र माओवादीभित्रैबाट पार्टी एकताविरुद्ध खेलखेल्न गरिएका षडयन्त्रात्मक प्रयासहरू पनि अहिलेसम्म विफल नै देखिएको छ । 
आर्थिक संकट आउनसक्ने चेतावनी
Tuesday, 01.30.2018, 02:56pm
काठमाडौं । मुलुक संघीयताको अभ्यासतर्फ अग्रसर भैरहेका बेला नेपालमा आर्थिक संकट उत्पन्न हुनसक्ने चेतावनी अन्तर्राष्ट्रिय मुद्राकोषले दिएको छ । संघीय संरचनाका कारण सरकारी खर्च बढ्न जाने र त्यसले आर्थिक अवस्था खस्किनसक्ने चेतावनी उसले दिएको छ । संघीयता कार्यान्वयनका लागि पूर्वाधार खडा गर्न मात्र साठ खर्बभन्दा बढी रुपैयाँ लाग्नेछ भने सात प्रदेश र केन्द्रीय संसदका लागि मात्र चार अर्ब रुपैयाँ लाग्ने अनुमान छ ।

शहीदको भण्डार बन्दै देश
Tuesday, 01.30.2018, 02:56pm
स्पष्ट प्रावधान र मापदण्ड तय नहुँदा मुलुकमा शहीदको भण्डार लागेको छ । वर्तमान सरकारले मात्रै आठ महिनाको बीचमा २ सय ६६ जनालाई शहीद घोषणा ग¥यो । यसमा चितवनको बाँदरमुढे घटना र कास्की, धरान र सिन्धुपाल्चोकमा तत्कालीन माओवादी विद्रोहीले हत्या गरेका ५६ जनालाई पछिल्लो पटक शहीद घोषणा गरियो ।
दुराशयपूर्ण भित्री खेल रोकिएको छैन : राष्ट्रियसभा र प्रदेश सरकारतिर ध्यान केन्द्रित
Thursday, 01.25.2018, 12:38pm
राष्ट्रियसभा निर्वाचनको मिति घोषणा, प्रदेश प्रमुखहरूको नियुक्ति र अस्थायी केन्द्र निर्धारणपछि प्रदेश सरकार र केन्द्र सरकार निर्माणको बाटो खुलेकाले आम नागरिकको ध्यान अब त्यतैतिर तानिन थालेको छ । केन्द्रमा सपथ ग्रहण गरेपछि प्रदेश प्रमुखहरूले अस्थायी राजधानीहरूमा पुगेर प्रादेशिक सांसदहरूलाई सपथ ग्रहण गराइसकेका छन् । विधानतः माघ २१ गते प्रदेशसभाहरूको अधिवेशन सुरू हुँदैछ । संघीय संरचनाको विधिवत प्रयोगको नयाँ चरण सुरू भएको छ । पहिलो पटक बन्नलागेका प्रदेश सरकारहरू र केन्द्रिय सरकार पूरै कांग्रेसविहीन हुने भएको छ । ताजा जनादेशको पालना नगरी संवैधानिक छिद्र र बाहिरी शक्तिको आडमा सत्ता लम्ब्याउन र सकेसम्म वाम गठबन्धन तोडेर सत्तासमीकरणको उपाय खोज्न लालायित कांग्रेसी नेतृत्वले जति नै कसरत गरेको भए पनि अब ऊ पूरै सत्ताबाट बाहिरिने निश्चित देखिएको छ । वाम गठबन्धनले १, ३,४, ५, ६ र ७ नं. प्रदेशमा पूर्ण बहुमतको प्रदेश सरकार बनाउने छन् भने २ नं. प्रदेशमा संघीय समाजवादी फोरम र राष्ट्रिय जनता पार्टीको मिलिजुली सरकार बन्ने निश्चित नै छ । राष्ट्रियसभाका लागि हुने ५६ सदस्यको निर्वाचनमा वाम दलका ४२ सदस्य निर्वाचित हुने आँकडा छ भने कांग्रेसले संसफो र राजपासंग तालमेल गरेर १० सदस्य र संसफो–राजपाले ४ सदस्य जित्ने निश्चित जस्तै छ । मुलुकको संसदीय स्वरूप र सत्ताको स्वरूप पूरै बदलिएपछि केन्द्रदेखि प्रदेश सबैतिर प्रतिपक्षी दल बन्ने नेपाली कांग्रेसले कस्तो भूमिका खेल्ने हो भन्ने कुरा राजनीतिक कुतुहलताको विशेष विषय बनेको छ ।
प्रदेश प्रणालीको अभ्यास शुरु, राजधानीको विवादले उग्ररुप
Thursday, 01.25.2018, 12:37pm
मुलुकका सातै प्रदेशका प्रदेशसभा सदस्यले आइतबार पद तथा गोपनीयताको शपथ लिएपछि मुलुकमा प्रदेश प्रणालीको अभ्यास सुरु भएको छ । तर, प्रदेशको राजधानीको विवादले भने उग्ररुपलिन थालेकको छ । आइतबार प्रदेश सदस्यहरुको शपथगहण भैरहँदा पनि राजधानीका पक्षमा नारा लागेका थिए । प्रदेश नं. १, ५ र ७ को राजधानीको माग गर्दै धनकुटा, दाङ र दिपायलमा आन्दोलन चलिरहेको छ ।
गम्भीर रोगका औषधिको मूल्यमा मनोमानी
Thursday, 01.25.2018, 12:36pm
मुलुकमा स्वास्थ्यसेवा क्षेत्रको विकास जति भए पनि उपचार उति महंगो हुँदै गएको छ । चिकित्सा क्षेत्रको सुधारका लागि भन्दै डा. गोविन्द केसीले १४ पटकसम्म अनसन गरिसक्दा पनि यसमा तात्विक सुधार आएको छैन । चिकित्सा शिक्षा र क्षेत्रमा सामान्य परिवर्तन देखिए पनि यसले गरीबलाई अझै सहज उपचार गर्नसक्ने अवस्था सिर्जित भएको छैन ।
वाम सरकारको बाटो छेक्ने प्रयास जारी
Tuesday, 01.09.2018, 01:24pm
मौसमी ठण्डीले सिङ्गो मुलुक जति चिसिँदैगएको छ राजनीतिक मौसम भने उत्तिकै बढी तात्तिँदैगएको छ ।   जनादेश बमोजिमको नयाँ सरकार बन्न नदिन भित्र–बाहिर दुवैतिरबाट अनेक प्रपञ्च चलिरहे पनि वामगठबन्धन टुट्ने सम्भावना देखिएको छैन । नेकपा एमाले र माओवादी केन्द्रबीच अन्तर्विरोध चर्काएर बहुमतको दिगो सरकार बन्न नदिन गरिएको प्रयास अन्ततः विफल हुने विश्वास बढिरहेको छ । भावी प्रधानमन्त्रीका रूपमा चर्चित एमाले अध्यक्ष के.पी.ओली र माओवादी अध्यक्ष प्रचण्डको नियमित परामर्श र पार्टी एकताको सुनिश्चितताले बाह्यशक्तिको ब्यूहरचना सफल नहुने प्रष्ट सन्देश दिइरहे पनि राष्ट्रिय सभाको निर्वाचन नगरी सरकार बन्न नदिने र समानुपातिकको नतिजा पनि रोकिराख्ने सुनियोजित गतिविधिभित्र लुकेको नियत के हो भन्ने कुरा छर्लङ्गै भैसकेको छ । वाम गठबन्धन टुटाउन र बहुमतको स्थिर सरकार बन्न नदिन भारतीय राजदुतको असङ्गतिपूर्ण बढ्दो चलखेल र कांग्रेस र राष्ट्रिय जनता पार्टीका नेताहरूले सार्वजनिक गरेका धारणाहरूबीचको अन्तर्सम्बन्ध छताछुल्ल भैरहेको छ । वामगठबन्धन टुटाउनकै लागि कुन कुन सम्वैधानिक अङ्गहरू कुन बेला कसरी उपयोग हुने हुन् भन्ने आशङ्का पनि घनीभूत हुँदैगएको छ । जनताको मनोविज्ञान बाहिर गएर स्थिरता, शान्ति र विकासको आधार बन्नसक्ने अवस्थामा पुगेको वाम बहुमतको सरकार बन्न नदिन जति नै षडयन्त्र चले पनि अन्ततः त्यो सफल नहुने विश्वास आमजनताले राखेका छन् । 
प्रदेश राजधानीको ववण्डर
Tuesday, 01.09.2018, 01:23pm
काठमाडौं । मुलुकको पुनःसंरचनाको नाममा जातीय अग्राधिकार र आत्मनिर्णयको अधिकारसहितको संघीयताको नारा घन्काउन लगाएर परचक्रीले नेपालको सहिष्णु समाजमा विद्वेष फैलाए । त्यही विवादले प्रदेशहरूको नामसमेत तय हुन सकेको छैन । अहिले यसैको अर्को रूप देखापरेको छ । प्रदेशको राजधानीको नाममा ।

राष्ट्रियसभामा बाम गठबन्धनको ४३ सिट
Tuesday, 01.09.2018, 01:22pm
स्थानीय निकाय, प्रदेशसभा र प्रतिनिधिसभामा सबभन्दा ठूलो दल बनेको नेकपा एमाले राष्ट्रियसभामा पनि ३० सिटसहित सबभन्दा ठूलो दल बन्नेछ । माओवादी केन्द्र र एमालेबीच एकताभयो नै मुलुकको तीनवटै निकायमा बाम गठबन्धनको झण्डै दुई तिहाई हुनेछ । निर्वाचनको पछिल्लो चरण माघ २४ गते हुने राष्ट्रियसभा निर्वाचनमा बाम गठबन्धन दुई तिहाई संख्या हुने प्रारम्भिक अनुमान छ । 
भाइरलका बिरामीलाई धामीझाँक्री, नौजनाको ज्यान गयो, पुगेनन् स्वास्थ्यकर्मी
Tuesday, 01.09.2018, 01:16pm
एक सातादेखि फैलिएको रूघाखोकी र भाइरल ज्वरोले शनिबारसम्म ौजनाको मृत्यु भइसक्दासम्म पनि प्रभावित क्षेत्रमा औषधि र स्वास्थ्यकर्मी पुग्न सकेका छैनन् ।
सरकार गठनमा नियोजित बिलम्ब : बहुमतको सरकार बन्न नदिन ठूलो चलखेल
Tuesday, 01.02.2018, 01:50pm
काठमाडौं । नेपालमा स्थिर सरकार बन्न नदिन भारतले अहिले पनि ठूलो चाल चलिरहेको खुलाशा भैरहेको छ । विगत लामो समयदेखि गर्दैआएको अनपेक्षित चलखेलका दुष्परिणामहरू नेपालले निरन्तर भोग्दैआएको भए पनि त्यसलाई मनन गरेर हस्तक्षेप मुक्त आन्तरिक राजनीतिक वातावरण बनाउन प्रमुख राजनीतिक दलहरू सचेत देखिएका छैनन् । नेकपा एमाले र नेकपा माओवादी केन्द्रबीच पछिल्लो चरणमा विकसित भएको समझदारी र पार्टी एकीकरण गर्दै स्थिर सरकार बनाउन ताजा जनमतले प्रष्ट दिशा निर्देश गरेको भए पनि भारतले नेपाल आफ्नो प्रभाव क्षेत्रबाट बाहिरिन लागेको र वाम बहुमतको सरकार भारतको हितमा नहुने प्रभूत्ववादी सोच राखेर एमाले र माओवादीबीच पार्टी एकीकरण हुन नदिन र वामबहुमतको सरकार बन्न नदिन ठूलो चलखेल गरिरहेको भारतीय राजदूतका पछिल्ला गतिविधिले समेत प्रष्ट इङ्गित गरिरहेका छन् । जनमत गुमाएर पनि राजिनामा नगर्ने र संवैधानिक जटिलतालाई अगाडि तस्र्याउने एवं कानूनी छिद्र खोजेर सत्ता लम्व्याउने अनि काम चलाउ सरकारले गर्नै नहुने भनिएका असङ्गत कामहरू धमाधम गरिरहने यस्तो प्रवृत्तिले नेपालको लोकतन्त्रलाई कुन दिशातिर धकेल्ने हो भन्ने आशङ्का खडा भएको छ ।
  » राजनीतिक विवादको गाँठो फुक्यो तर अलमल कायमै
  » गठबन्धन टुटाउने षड्यन्त्रमा सरकार
  » सरकार गठन प्रक्रिया अबरुद्ध !
  » राष्ट्रियसभा गठनमा दलीय रोदन
  » पार्टी एकीकरण नभए स्थायित्व असम्भव
  » अस्थिरताका जडहरु पाखा लागे
  » ताजा जनादेशको अवमूल्यन गर्ने धृष्टता
  » स्वार्थको परिणाम भोग्यो राप्रपाले
  » गुरुकुल जोगाउन अभियान
  » यी नेता हुन्, जसले मतान्तरमा इतिहास रचे
  » चुनाव हार्ने ‘हेवीवेट’हरु
  » भारतभक्तिले कांग्रेसलाई डुबायो ! वाम दललाई देश जोगाउने र बनाउने ठूलो अवसर
  » देउवाको यो जीतको के अर्थ ?
  » अस्थिरता मच्चाउने बाहिरी षड्यन्त्र !
  » वाम बहुमतको सरकार बन्न नदिन ठूलै चलखेल
  » मौन अवधि, के गर्नु हुँदैन ?
  » पहिलो चरणको निर्वाचन सकियो : अस्वस्थ प्रतिस्पर्धा- लोकतन्त्रलाई ठूलो चुनौती
  » किन बजाए प्रकाशको मृत्युमा काखी
  » किन भयो कम मतदान ?
  » बाम गठबन्धन वेनाम लोकतान्त्रिक गठबन्धन



 
::| Latest News

 
[Page Top]