युगसम्बाद साप्ताहिक
Yugasambad Saptahik
Sunday, 12.17.2017, 04:09am (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
साहित्य भाषा
 
त्रिमूर्ति निकेतनमा लेखनाथ जयन्ती
Wednesday, 01.04.2017, 11:50am (GMT+5.5)

कविशिरोमणि पौड्यालको जन्मजयन्तीका अवसरमा सञ्चारग्रामस्थित लेखनाथ पौड्याल, नाटयसम्राट् बालकृष्ण सम र महाकवि लक्ष्मीप्रसाद देवकोटाका पूर्णकदको सालिकमा माल्यार्पण गरियो । 

त्रिमूर्ति निकेतनद्वारा आयोजित सो कार्यक्रममा निकेतनका अध्यक्ष इन्दिरा प्रसार्इं र सदस्यसचिव नरेन्द्रराज प्रसाईं, लेखनाथ पौड्याल काव्यसभाका संयोजक प्रा राजेन्द्र सुवेदी, बालकृष्ण सम फाउन्डेसनका संयोजक मदनदास श्रेष्ठलगायतले त्रिमूर्ति(कविशिरोमणि, नाटयसम्राट् र महाकवि)ले देखाएको बाटामा हिँड्नु नै त्रिमूर्तिप्रतिको सच्चा श्रद्धाञ्जलि हो भन्नुभयो । 

कार्यक्रममा डा बलदेव अधिकारी ‘गाउँले’, देवकुमारी लुइँटेल र यादव भट्टराईले कविता वाचन गर्नुभएको थियो ।

कविशिरोमणिको जन्म १९४१ साल पुस १५ गते कास्कीको अर्घाँैअर्चलेमा भएको थियो । विसं २००८ असार २९ गते पौडयाललाई राजा त्रिभुवनद्वारा कविशिरोमणिको पदवी र मासिक रू दुई सय आजीवन भत्ता प्रदान गरिएको थियो ।

विसं २०११ मा पौडयालकै शुभजन्मोत्सवका उपलक्ष्यमा काठमाडौँमा पौड्यालको रथयात्रा गरिएको थियो । पौड्यालका दुई दर्जन जति कृति प्रकाशित छन् । पौड्याललाई मरणोपरान्त २०२६ सालमा त्रिभुवन प्रज्ञापुरस्कार प्रदान गरिएको थियो । विसं २०२२ को शिवरात्रि अर्थात् फागुन ७ गते पौड्यालको देहावसान भएको थियो ।

तरूण तपसी’ उद्यान उद्घाटन 

कविशिरोमणि लेखनाथ पौड्यालको १३३ औँ जन्मजयन्तीका अवसरमा उहाँको जन्मस्थल लेखनाथ नगरपालिकाको अघौँअर्चलेमा विविध कार्यक्रम गरिएको छ । सो अवसरमा लेखनाथ साहित्य प्रतिष्ठानबाट स्थापित रू ५० हजार राशिको ‘लेखनाथ साहित्य पुरस्कार’बाट प्रा बालकृष्ण पोखरेललाई सम्मान गरियो । 

त्यस्तै लेखनाथ पत्रकार मञ्चद्वारा सञ्चालित रू ११ हजार १११ राशिको ‘लेखनाथ पत्रकारिता पुरस्कार’बाट मेघराज आचार्य पुरस्कृत हुनुभयो । यसैगरी ‘कुन्तीदेवी शिक्षा पुरस्कार’बाट गत वर्षको प्रवेशिका परीक्षामा लेखनाथ नगरपालिका सामुदायिक विद्यालयमध्येबाट सर्वोत्कृष्ट अङ्क ल्याउने गगन माविका कृति खनाललाई रू १० हजार राशि प्रदान गरियो । 

कार्यक्रममा नेपाल प्रज्ञा–प्रतिष्ठानका कुलपति गङ्गाप्रसाद उप्रेतीले चन्द्रकान्त÷मधुमाया र फणीन्द्रकुमारी छात्रवृत्ति पुरस्कारबाट पनि स्रष्टाहरूलाई सम्मान गर्नाका साथै ‘तरूण तपसी’ उद्यानको उद्घाटन गर्नुभएको थियो ।

प्रा डा श्रेष्ठलाई ‘इतिहासरत्न’ उपाधि 
सविद् प्रा डा पुरूषोत्तमलोचन श्रेष्ठलाई ‘इतिहासरत्न’ उपाधिल शनिबार भक्तपुरमा सम्मान गरिएको छ । धालाँखुसि ल्वहँहिति सुधार समिति भक्तपुरले यहाँ आयोजना गरेको कार्यक्रममा जोशी रिसर्च इन्स्टिच्युट ललितपुरले उहाँलाई उक्त उपाधिले सम्मान गरेको हो । कार्यक्रममा प्रा डा श्रेष्ठद्वारा लिखित ‘गुहा, गुहालेख, गुहाचित्र एवम् अन्य सम्पदा’ र ‘धालाँखुसि र फलेहिति’ शीर्षक दुई ग्रन्थको लोकार्पण समेत गरियो । 

सो अवसरमा नेपाल मजदुर किसान पार्टीका अध्यक्ष एवम् सांसद नारायणमान बिजुक्छेले इतिहासको अध्ययन गर्ने विद्यार्थी समेत नभइरहेको अवस्थामा इतिहास र सम्पदालाई जोगाउन यस्ता पुस्तकले ठूलो टेवा पु¥याउने बताउनुभयो । 

पुस्तक प्रकाशक विनोदराज शर्मा, समीक्षक प्रकाश दर्नाल, विश्वमोहन जोशी, सुधादेवी श्रेष्ठ, डा सरिता थापा, कृष्णप्रसाद दुमरूलगायतले प्रकाशित कृति इतिहासको दस्तावेज हो भन्नुभयो ।

पूर्वीय दर्शनको वैज्ञानिक खोज बढ्दै
दर्शनशास्त्री गोपीरमण उपाध्यायद्वारा लिखित ‘प्राकृतिक भौतिकवाद भाग १ र २’, ‘पूर्वीय भौतिकवाद’, ‘षड्दर्शन सम्युज्ञ’ र ‘बौद्ध दर्शन’ शीर्षक कृति शनिबार सार्वजनिक भएको छ । एमाले केन्द्रीय पार्टी स्कुल विभागले आज यहाँ आयोजना गरेको ‘दार्शनिक ग्रन्थहरूको लोकार्पण’ कार्यक्रममा नेकपा (एमाले)का अध्यक्ष केपी शर्मा ओलीले पूर्वीय दर्शनबारे चेतनाको वृद्धिसँगै वैज्ञानिक खोज पनि बढ्दै गएको बताउनुभएको छ । 

पूर्वप्रधानमन्त्री ओलीले दक्षिण एसियामा पूर्वीय दर्शनको विकास भएको र भविष्यमा पनि यसको बहस तीव्र रूपमा चलिरहने विचार व्यक्त गर्नुभयो ।

कार्यक्रममा एमालेका सचिव प्रदीपकुमार ज्ञवालीले दक्षिण एसियामा अध्यात्म दर्शनको राम्रो विकास भएको र पुस्तकले राम्रोसँग अध्यात्म दर्शनका बारेमा उल्लेख गरेको बताउनुभयो ।


Rating (Votes: )   
Share     Print


Other Articles:
सुन्दरीजलले चर्चित साहित्यकार बनाएका राजनेता वीपी (09.13.2016)
नेपाली भाषा बचाउन ज्ञापनपत्र (09.13.2016)
“नेपाली लेखनलाई अस्तव्यस्त तुल्याउने दुष्कार्य भयो” (09.06.2016)
शनिबार एकैपटक छ कृतिको विमोचन (06.21.2016)
वाग्मती नदी जस्तै अद्र्धस्वच्छ चलचित्र वाग्मती (01.13.2016)
विकल सम्मानबाट चार व्यक्तित्व र एक संस्था सम्मानित (12.22.2015)
डिसीमा अनेसास सर्बाेत्कृष्ट पुस्तक पुरस्कार वितरण (11.25.2015)
नेपाललाई विश्वमाझ चिनाउने हलिउड चलचित्र ‘एभरेस्ट’ (10.06.2015)
माल पाएर चाल नपाएपछि धमिराको गुँड (09.15.2015)
चार स्रष्टालाई सङ्गीत तथा नाट्य पुरस्कार प्रदान (07.21.2015)
भानु जयन्तीमा विशेष कवि गोष्ठी (07.14.2015)
विविध विषयका कृतिहरू लोकर्पित (07.07.2015)
मलाई प्रश्न सोध्न मन छ (07.07.2015)
पत्रकार मिश्रका कविताहरू सार्वजनिक (03.10.2015)
कृति बिमोचन समारोहमा समग्र व्यक्तित्वको चर्चा (02.10.2015)
कविशिरोमणि लेखनाथ पौड्याल : संक्षिप्त चिनारी (12.29.2014)
रमेश विकल वाङ्मय पुरस्कार वरिष्ठ साहित्यकार रेग्मीलाई (12.24.2014)
नौजनालाई नइ बाल पुरस्कार प्रदान (11.11.2014)
प्रा.डा त्रिपाठी समालोचक शिरोमणी पदले सम्मानित (11.04.2014)
अस्ताए जनताका कवि, राष्ट्रका गायक (10.21.2014)



 
::| Latest News

 
[Page Top]