काठमाडौं । राष्ट्रपति भवन शितल निवास, महाराजगञ्जमा उपराष्ट्रपति परमानन्द झाको शपथग्रहण कार्यक्रम चलिरहेको बेला राष्ट्रपति कार्यालयको परिसरकै नजिक-नजिक लाजिम्पाटमा संचारकर्मी जमीम शाहको हत्या हुनुले नागरिक सुरक्षाको प्रत्याभूति दिन सरकार नितान्त विफल देखिएको प्रष्ट छ । राजधानीको व्यस्त सडक, चारैतिर प्रहरीको सञ्जाल र उपराष्ट्रपतिको पुनः शपथग्रहण एवं बेलायती सेनाध्यक्षको प्रसङ्गले कडा पारिएको सुरक्षा व्यवस्थाको धज्जी उडाउँदै नेपालका बहुचर्चित सञ्चार उद्यमी जमीम शाहको गत आइतबार मध्यदिनमा लाजिम्पाटको बीच सडकमा नृशंस हत्या भएको हो । प|mेन्च राजदूताबासमा पहरा दिइरहेका सुरक्षाकर्मीहरूको आँखैं अगाडि हत्या हुँदा प्रहरी हेरेका हेरै भए । वरिपरि तीनवटा प्रहरी बीट भए पनि गोली हान्ने अपराधीहरू सात-सात मिनेटसम्म घटनास्थलकै वरिपरि रहँदा पनि प्रहरी पुगेन । मूलबाटोबाटै महाराजगञ्जतिर अपराधीहरू हुइँकिएको प्रत्यक्षदर्शीहरूले देखे पनि प्रहरीले देखेन । अपराधकर्मीहरू दिनदहाडै फरार भए । यसबाट राजधानीभित्रको सुरक्षा प्रबन्ध अत्यन्त फितलो मात्र होइन अपराधकर्मीहरूका लागि सहज हुँदैगएको खुलासा भएको छ । राजधानीभित्र हत्या-हिंसाका शृङ्खलाबद्ध घटनाहरूसंगै चोरी, डकैती र लुटपाटका घटनाहरूमा तीब्रता आएको छ । नागरिकहरूको सुरक्षा भाग्य भरोशामा मात्र अडिएको बोध भैरहेको छ । देशको व्रि्रदो राजनीतिक अवस्थाले सुरक्षा प्रबन्ध, अर्थ व्यवस्था, प्रशासनिक सञ्जाल जताततै विकृतिजन्य परिस्थिति सिर्जना गर्न मलजल प्रदान गरिरहेको छ । नेपाली जनताले प्रतिक्षण राज्यविहीनताको पीडा भोगिरहनु परेको दर्ुदान्त अवस्था सिर्जित भएको छ । आम नागरिकलाई वर्तमान परिस्थिति नितान्त भयपर्ूण्ा बन्दै गए पनि अपराधकर्मीका लागि भयमुक्त बन्दै गएको शृङ्खलावद्ध आपराधिक घटनाहरूले नै पुष्टि गरेको आम प्रतिक्रिया छ ।