अन्जान कैदी नेपाली समाजको एउटा प्रतिबिम्व हो । यो उपन्यासले नेपालको तीन चरणको राजनीतिक अवस्थालाई चित्रण गरेको छ । सामाजिक बनाउन खोज्दाखोज्दै उपन्यास राजनीतिक हुन पुग्छ । त्यसो त स्वयं लेखकले आफू प्रजातान्त्रिक आन्दोलनका क्रममा जेल जीवन बिताउँदाका क्षणमा उपन्यास लेखनको सुरुवात गरेका कारण पनि उहाँले सामाजिक रङ्गरोगन लगाउँदा लगाउँदै उपन्यास राजनीतिक मोडतिर कुदेको पत्तै पाउनुभएन ।